Xiyimiso Xa Nhlangano Wa Ntirho

Vhiki Leri Sungulaka Hi December 11

Risimu 50

10 min: Switiviso swa vandlha. “Xana U Nga Swi Kota Ku Ya Tirha eNdlwini Ya Xikwembu?” Xiyenge lexi xi fanele xi tameriwa hi nkulu. Loko vandlha ri ri ni tikopi ta buku leyi nge Nghwazi kumbe leyi nge Great Teacher exitokweni, kombisa ndlela leyi ti nga tirhisiwaka kahle ha yona evutirhelini hi nkarhi wa masiku ya ku wisa.

15 min: “Chava Yehovha Siku Ni Siku.”a Katsa ni nhlamuselo ya ku chava Xikwembu leyi nga eka tluka 26 ra Xalamuka! ya January 8, 1998. Kandziyisa vuyelo lebyinene bya ku chava Yehovha.

20 min: “Ntshikilelo Wa Tintangha Ni Lunghelo Ra Wena Ra Ku Chumayela.” Nkulumo ni mimbulavurisano. Kombela vanhu lava tshameke va langutana ni ntshikilelo wa tintangha leswaku va hlamusela ndlela leyi va swi koteke ha yona ku tshama va hitekile entirhweni wa ku chumayela hambileswi a va langutane ni ntshikilelo wolowo.

Risimu 78 ni xikhongelo xo pfala.

Vhiki Leri Sungulaka Hi December 18

Risimu 94

15 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Xiviko xa timali. Hlamusela malunghiselelo yo hlawuleka ya nsimu lama lulamiseriweke December 25 na January 1. Hlamula xivutiso lexi nge: Xana swi hoxile ku hlanganyela eminkhubyeni leyi nga riki ya Vukreste, ntsena loko yi nga endliwi hi swivangelo swa vukhongeri?—Vona buku leyi nge Ku Hlamulana, matluka 272-4.

12 min: “Xikolo Xa Vutirheli Bya Le Tilweni Xa 2001.” Nkulumo hi mulanguteri wa xikolo. Khutaza hinkwavo leswaku va fambisana ni ku hlaya ka vona ka Bibele ka vhiki ni vhiki ni ku hisekela ku hetisisa swiavelo swa vona exikolweni.

18 min: “Xana U Chumayela Hi Vurhena?”b Humesa tinhla ta matsalwa lama nga eka xihloko lexi. U tirhisa buku leyi nge Vutirheli Bya Hina, eka tluka 86, kombisa ndlela leyi ha yona hi nga vaka ni vurhena swinene hi tlhela hi humelela swinene entirhweni wa le nsin’wini.

Risimu 124 ni xikhongelo xo pfala.

Vhiki Leri Sungulaka Hi December 25

Risimu 126

10 min: Switiviso swa vandlha. Kombela vayingiseri leswaku va rungula mintokoto yihi na yihi leyi va veke na yona sweswinyana loko va ri entirhweni wa ku nyikela vumbhoni. Hlamusela tibuku leti nga ta fambisiwa hi January.

20 min: Swilaveko swa vandlha.

15 min: Bokisi Ra Swivutiso. Nkulu u bula ni vayingiseri hi tinhla leti. Katsa tinhla tin’wana ni tin’wana leti fambelanaka ni mhaka leyi, leti nga epapileni leri humaka eka Sosayiti ra October 15, 1999. Tsundzuxa swirho swa vandlha ku hambeta swi pfuxeta nkongomiso lowu nyikiweke enkarhini lowu hundzeke eka Vutirheli Bya Hina Bya Mfumo, malunghana ni lunghiselelo lerintshwa ra ku fambisa tibuku, leswaku hinkwaswo swi vulavula nchumu wun’we.

Risimu 151 ni xikhongelo xo pfala.

Vhiki Leri Sungulaka Hi January 1

Risimu 171

10 min: Switiviso swa vandlha. Marungula Ya Swa Mfumo. Loko vandlha ra ka n’wina ri ta cinca minkarhi ya minhlangano eka lembe lerintshwa, hi musa, khutaza hinkwavo leswaku va va kona eminhlanganweni nkarhi na nkarhi eka minkarhi leyintshwa leyi vekiweke. Tivisani swichudeni swa Bibele ni vanhu van’wana lava tsakelaka mayelana ni ku cinca loku endliweke, kutani mi sungula ku tirhisa swirhambo leswi kombisaka minkarhi leyintshwa. Bula hi xiviko xa ntirho wa le nsin’wini xa sweswinyana xa tiko ni xa vandlha ra ka n’wina. Tsundzuxa vahuweleri leswaku va siya swiviko swa ntirho wa le nsin’wini swa December.

20 min: Ndlela Yo Lunghiselela Maendzo Yo Vuyela. Tatana u bula ni ndyangu wakwe hi ndlela leyi va nga humelelaka swinene ha yona evutirhelini bya vona. U kandziyisa swivangelo swa Matsalwa swa ku tlhelela eka hinkwavo lava kombiseke ku tsakela. Va tirhisa swiletelo leswi kumekaka eka Xihondzo xo Rindza xa July 1, 1999, tluka 22, ndzimana 18, va lunghiselela ku endla maendzo man’wana yo vuyela. Hinkwavo va pfumela leswaku va kume vanhu lava faneleke va tlhelela eka vona. Ha un’we u hlamusela n’wangulo lowu a wu kumeke eka riendzo ro sungula, kutani lavan’wana va ringanyeta leswi a nga swi vulaka ni tsalwa leri a nga ri tirhisaka loko a vuyela. Va kuma tinhla eka broxara leyi nge Leswi Xi Swi Languteleke leti nga tirhisiwaka hi ndlela leyi humelelaka. Vatswari va kombela un’wana wa vana a kombisa leswi a nga ta swi vula loko a vuyela. Va kunguhata nkarhi lowu kongomeke wa ku endla maendzo yo vuyela evhikini leri landzelaka.

15 min: I Yini Leswi Hi Pfumelaka Eka Swona? Makwerhu u endla riendzo ro vuyela eka munhu la vutiseke xivutiso lexi nge, “I yini lexi Timbhoni ta Yehovha ti xi dyondzisaka, lexi endlaka leswaku ti hambana ni vukhongeri byin’wana?” Hlamusela tinhla leti hlanganisiweke eka bokisi leri nga eka tluka 6 ra Xihondzo xo Rindza xa October 1, 1998. Hlamusela ndlela leyi vukhongeri lebyin’wana byi papalataka kumbe byi alaka mintiyiso leyi ya xisekelo ya Bibele leswaku byi seketela tidyondzo leti sunguriweke hi vanhu.

Risimu 212 ni xikhongelo xo pfala.

[Tinhlamuselo ta le hansi]