Xiyimiso Xa Nhlangano Wa Ntirho

Vhiki Leri Sungulaka Hi February 12

Risimu 6

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

15 min: “Dzunisa Yehovha Hi Mintirho Leyinene.”a Katsa ni tinhlamuselo leti nga ebukwini leyi nge Vahuweleri, tluka 187, tindzimana 2-3.

20 min: “Ndlela Leyi Hi Nga Khorwisaka Van’wana Ha Yona.” Mufambisi wa Dyondzo ya Buku ya Vandlha u bula ni phayona kumbe muhuweleri la humelelaka, hi xihloko lexi swin’we ni tinhla leti hlawuriweke eka Xihondzo xo Rindza xa May 15, 1998, matluka 21-3. Hlamuselani tinhla ta bokisi leri nga eka tluka 23, leri nge “Ku Fikelela Mbilu Ya Xichudeni Xa Wena.” Endzhaku ko boxa dyondzo leyi tolovelekeke ya vukhongeri bya mavunwa ensin’wini ya kwalaho, bulani hi ndlela leyi mi nga khorwisaka munhu ha yona hi leswi Bibele yi swi vulaka emhakeni yoleyo.

Risimu 208 ni xikhongelo xo pfala.

Vhiki Leri Sungulaka Hi February 19

Risimu 221

8 min: Switiviso swa vandlha. Xiviko xa timali.

15 min: Swilaveko swa vandlha.

22 min: “Twarisa Vito Ra Yehovha Ni Ndlela Leyi A Tirhisanaka Na Hina Ha Yona.”b Nkulu u hlamusela malunghiselelo yo hlawuleka lawa vandlha ri ma endleke leswaku ku ta endliwa ntirho lowu engetelekeke hi March na hi April, ku katsa ni matshalatshala ya ku khutaza vo tala hilaha swi nga kotekaka ha kona leswaku va va maphayona ya nkarhinyana. Kombela van’wana lava phayoneke hi April n’wexemu va hlamusela ku eneriseka loku va ku kumeke hi ku endla tano. Yisa nyingiso eku pfuneni ka muhuweleri un’wana ni un’wana la holeke kambe a fanelekaka ku tlhela a hlanganyela na hina ensin’wini swin’we ni ku pfuna vana ni swichudeni swa Bibele leswaku va faneleka ku va vahuweleri lava nga khuvuriwangiki.—Vona Bokisi Ra Swivutiso ra Vutirheli Bya Hina Bya Mfumo bya November 2000.

Risimu 27 ni xikhongelo xo pfala.

Vhiki Leri Sungulaka Hi February 26

Risimu 48

10 min: Switiviso swa vandlha. Marungula Ya Swa Mfumo. Tsundzuxa vahuweleri leswaku va siya swiviko swa ntirho wa nsimu swa February.

20 min: Swingheniso Leswi Ringanyeteriweke Ku Fambisa Buku Leyi Nge Vutivi. Xana ku ni xingheniso lexi u ehleketaka ku xi tirhisa loko u fambisa buku leyi nge Vutivi hi March? Loko u languta matluka yo hetelela ya minkandziyiso ya nkarhi lowu hundzeke ya Vutirheli Bya Hina Bya Mfumo, u ta kuma swiringanyeto leswi nga tirhaka eka riendzo ro sungula, leswi vunyingi bya swona swi tlhelaka swi boxa leswi u nga swi vulaka loko u endla riendzo ro vuyela. Pfuxeta swimbirhi kumbe swinharhu swa swingheniso leswi ringanyetiweke. (March, June, November 1996; June 1997; March 1998) Endla minkombiso yimbirhi hi swingheniso leswi nga enkandziyisweni wa November 1996 leswi kombisaka ku tirhisa xingheniso lexi kongomeke leswaku u sungula tidyondzo ta Bibele. Khutaza hinkwavo ku endla matshalatshala yo hlawuleka leswaku va sungula tidyondzo letintshwa.

15 min: “Xalamukela Mintirho Leyi Hlamarisaka Ya Xikwembu.”c Kombisa swifaniso swi nga ri swingani swa buku leyintshwa leswi endlaka leswaku vuprofeta bya Esaya byi tlangeriwa.

Risimu 64 ni xikhongelo xo pfala.

Vhiki Leri Sungulaka Hi March 5

Risimu 81

5 min: Switiviso swa vandlha.

18 min: “Yehovha U Hi Nyika Matimba.”d Kombela vayingiseri va hlamusela ndlela leyi matsalwa lama nga exihlokweni lexi ma tirhaka ha yona.

22 min: “Ku Humelela Eku Nyikeleni Ka Vumbhoni Hi Riqingho.”e Yi fanele ku nyikeriwa hi mulanguteri wa ntirho. Katsa ni xikhutazo lexi nyikiweke eka Xihondzo xo Rindza xa December 15, 1999, tluka 23, ndzimana 17. Vula leswaku hi wahi masimu lama vekeriweke etlhelo leswaku ma ta chumayeriwa hi riqingho. Lunghiselela leswaku ku runguriwa mintokoto yi nga ri yingani leyi kombisaka ku humelela eku chumayeleni ko tano endhawini ya ka n’wina. Loko rungula leri ri nga tirhi ensin’wini ya ka n’wina, xihloko lexi xi nga hundzuriwa kumbe ku buriwa hi swilaveko swa vandlha.

Risimu 108 ni xikhongelo xo pfala.

[Tinhlamuselo ta le hansi]