Mpfuxeto Wa Xikolo Xa Vutirheli Bya Le Tilweni

Tibuku a ti nge pfuriwi loko ku endliwa mpfuxeto wa mhaka leyi hlanganisiweke eka swiavelo swa Xikolo xa Vutirheli bya le Tilweni swa mavhiki ya May 7 ku ya eka August 20, 2001. Tirhisa phepha rin’wana leswaku u tsala tinhlamulo ta swivutiso swo tala hilaha u nga kotaka hakona hi nkarhi lowu u nyikiweke wona.

[Tsundzuka: Hi nkarhi wa mpfuxeto wo tsala, ku nga tirhisiwa Bibele ntsena eku hlamuleni ka xivutiso xihi na xihi. Swikombo leswi landzelaka swivutiso i swa ku pfuna wena leswaku u tiendlela ndzavisiso. Tinomboro ta matluka ni tindzimana swi nga ha endleka ti nga humeleli eka swikombo swin’wana swa Xihondzo xo Rindza.]

Hlamula yin’wana ni yin’wana ya tinhlamuselo leti landzelaka u ku I Ntiyiso kumbe I Mavunwa:

1. Xikhongelo lexi ku vulavuriwaka hi xona eka Nehemiya 2:4 xi endliwe hikwalaho ko hela matimba, loko ku nga ha ri na ntshembo. [1, Ku hlaya ka Bibele ka vhiki ni vhiki; vona w86-TS 2/15 tl. 25 ndz. 8.] I Mavunwa. Se a ku ri nkarhi wo leha Nehemiya a ri karhi a khongela hi ku onhaka ka Yerusalema “vusiku ni nhlikanhi,” (Neh 1:4, 6); loko a kume nkarhi lowu faneleke, Nehemiya u tlhele a khongela, xisweswo a endla leswi ana se a swi endleke hi ku phindha-phindha.

2. Rito leri nge “vandlha” ri hundzuluxeriwe ri suka eka rito ra Xigriki leri nge ek·kle·siʹa, leri katsaka mianakanyo ya vun’we ni ku seketelana. [2, w99-TS 5/15 tl. 25 ndz. 4] I Ntiyiso.

3. Hambiloko malandza ya Yehovha ma papalata mikhuva ya hava leyi yelanaka ni ku rila vafi, leyi lwisanaka ni Rito ra Xikwembu, a ma yi ali hinkwayo mikhuva leyi fambisanaka ni ku rila vafi. (Yoh. 19:40) [7, rs-TS tl. 226 ndz. 4] I Ntiyiso.

4. Enkarhini wa ku hanya ka Yobo, hi yena ntsena loyi a a tshembekile eka Yehovha. (Yobo 1:8) [6, Ku hlaya ka Bibele ka vhiki ni vhiki; vona w92-TS 8/1 tl. 25 tindz. 3-4.] I Mavunwa. Hambileswi a nga ri kona loyi a a xiyeka swinene ku tlula Yobo tanihi munhu la lulameke, Elihu loyi a layeke Yobo, a a dzunisa Xikwembu xa ntiyiso naswona xi n’wi amukele tanihi loyi a tshembekeke; swi nga ha endleka ku ve ni van’wana lava na vona a va tshembekile.

5. Mhaka ya leswaku Sawulo, kumbe Pawulo, a a tihanyisa hi ku endla matende, yi kombisa leswaku a a huma endyangwini lowu nga swisiwana. (Mint. 18:2, 3) [7, w99-TS 5/15 tl. 30 ndz.2–tl.31 ndz. 1] I Mavunwa. Pawulo a a ri ni lunghelo ra ku va muaka-tiko wa le Rhoma, a a tsala matsalwa ya yena hi Xigriki xo hlantsweka naswona mudyondzisi wa yena a ku ri Gamaliyele la xiximekaka swinene. (Mint. 22:3, 27)

6. Hambileswi Davhida a endleke swidyoho leswikulu, Yehovha u vule leswaku u ‘fambe endzhaku ka yena hi mbilu yakwe hinkwayo’ hikwalaho ka leswi Davhida a hundzukeke ni hikwalaho ka timfanelo takwe letinene. (1 Tih. 14:8) [9, w99-TS 6/15 tl. 11 ndz. 4] I Ntiyiso.

7. Handle ka loko nchumu lowu hi tshembiseke ku wu endla wu lwisana ni matsalwa, hi fanele ku endla hinkwaswo leswi hi nga swi kotaka ku hetisisa switshembiso swa hina hambiloko endzhaku ka nkarhi hi kuma leswaku swa tika ku swi hetisisa. (Ps. 15:4) [13, Ku hlaya ka Bibele ka vhiki ni vhiki; vona w89-TS 9/15 tl. 28 ndz. 5.] I Ntiyiso.

8. Pisalema 22:1 yi kombisa leswaku loko Davhida a tshikilelekile u lahlekeriwe hi ripfumelo swa nkarhinyana. [14, Ku hlaya ka Bibele ka vhiki ni vhiki; vona w86-TS 8/15 tl. 20 ndz. 19.] I Mavunwa. Ku angula ka Davhida hi ndlela ya munhu wa nyama eka swiyimo swa yena swo tika a ku nga kombisi ku kayivela ripfumelo, hikuva u ye emahlweni a khongelela ku ponisiwa a ri ni ntshembo. (Ps. 22:16-19)

9. Mukreste a nga ha “wa” hikwalaho ka ku tshoveka mbilu, ku hela matimba ni hi ku hundzuka ka xiyimo xa nawu kumbe xa timali, kambe hi mpfuno wa moya wa Xikwembu ni wa vagandzeri va xona lava nga ni rirhandzu, a nge “lahleriwi ehansi” hi ku helela hi tlhelo ra moya. (Ps. 37:23, 24) [16, Ku hlaya ka Bibele ka vhiki ni vhiki; vona w86-TS 11/1 tl. 30 ndz. 14.] I Ntiyiso.

10. Genesa ndzima 1 yi dyondzisa leswaku Xikwembu xi tumbuluxe swilo hinkwaswo emisaveni hi masiku ya tsevu lawa rin’wana ni rin’wana ra wona ri nga ni tiawara ta 24. [16, rs-TS tl. 61 ndz. 5] I Mavunwa. Rungula ra Bibele a ri vuli leswaku masiku lawa a ma ringana tiawara ta 24 ha rin’we; hakanyingi Bibele yi tirhisa rito leri nge “siku” ku kombisa nkarhi wo leha. (2 Pet. 3:8)

Hlamula swivutiso leswi landzelaka:

11. Hi yihi ndlela leyi Ezra ni vapfuneti vakwe va ‘hlamuseleke’ Nawu ha yona? (Neh. 8:8) [2, Ku hlaya ka Bibele ka vhiki ni vhiki; vona w86-TS 2/15 tl. 26 ndz. 5.] Handle ka ku vula marito kahle ni ku kandziyisa hi nomu, Ezra ni vapfuneti vakwe va hlamusele Nawu va tlhela va tirhisa misinya ya wona leswaku vanhu va kota ku wu twisisa ku antswa.

12. I yini lexi tisaka “ntsako wa Yehovha”? (Neh. 8:10) [2, Ku hlaya ka Bibele ka vhiki ni vhiki; vona w86-TS 2/15 tl. 26 ndz. 10.] Hilaha mongo wu kombisaka hakona, “ntsako wa Yehovha” wu tisiwa hi ku twisisa Rito ra Xikwembu, ku ri tirhisa ni ku amukela nkongomiso wa le tilweni.

13. Ha yini “lava va tinyiketeleke hi ku tirhandzela ku ya tshama eYerusalema” va katekisiwile? (Neh. 11:2) [3, Ku hlaya ka Bibele ka vhiki ni vhiki; vona w86-TS 2/15 tl. 26 ndz. 13.] Ku siya ka vona ndzhaka ya vona kutani va rhurhela eYerusalema swi va koxe mali ni ku lahlekeriwa hi swo karhi; nakambe swi nga ha endleka leswaku lava a va tshama emutini wolowo a va langutane ni makhombo yo hambana-hambana; koloko a ku ri ku tinyiketela loku dzunekaka loku va katekisiweke ha kona.

14. Ha yini Estere a hlwerile ku tivisa hosi hi kungu leri a kongomeke ku ri endla? (Est. 5:6-8) [5, Ku hlaya ka Bibele ka vhiki ni vhiki; vona w86-TS 3/15 tl. 24 ndz. 18.] A ku nga ri hikwalaho ko pfumala xivindzi hikuva ana se a a tiveke ekhombyeni hi ku ta eka hosi; kumbexana a a lava leswaku hosi yi n’wi komba musa ku sungula; nakambe a ku katseka ni nkongomiso wa Xikwembu hikuva hi nkarhi lowu a miyeleke ha wona ku endleke swin’wana. (Mongo lowu fanaka)

15. Hi swihi swivutiso swimbirhi swa nkoka leswi hlamuriwaka ebukwini ya Yobo? [6, si-TS tl. 95 ndz. 1.] Buku leyi yi hlamula swivutiso leswi nge: Ha yini vanhu lava nga riki na nandzu va xaniseka? Ha yini Xikwembu xi pfumelela vubihi emisaveni?

16. Ha yini ndzayo ya Elifazi yi hete Yobo matimba ematshan’weni ya ku n’wi khutaza? (Yobo 21:34; 22:2, 3) [9, Ku hlaya ka Bibele ka vhiki ni vhiki; vona w95-TS 2/15 tl. 27 tindz. 5-6.] Hikuva a yi sekeriwe eka mavonelo ya vanhu ku nga ri eka vutlhari bya Xikwembu; a yi nga ri ntiyiso naswona a yi sekeriwe eka swilo leswi ngo ehleketeriwa, leswi hoxeke.

17. Pisalema i yini? [12, si-TS tl. 101 ndz. 2] Pisalema i risimu kumbe xiphato xo kwetsima lexi tirhisiwaka eku dzuniseni ni le ku gandzeleni ka Xikwembu.

18. Hi swihi swilo swa “hava” leswi matiko ma hambetaka ma ‘gungula’ ha swona, hilaha swi tsariweke hakona eka Pisalema 2:1? [12, Ku hlaya ka Bibele ka vhiki ni vhiki; vona w86-TS 8/15 tl. 20 ndz. 5.] Ku sukela hi 1914 matiko ma hambeta ma “gungulela” (kumbe ku anakanyisisa hi) leswaku vulawuri ni vuhosi bya wona byi tshama hi masiku ku ri ni ku amukela Yesu Kreste tanihi Hosi leyi totiweke hi Yehovha.

19. Hi yihi dyondzo leyinene hi ku nga vi na xihlawuhlawu leyi hi nga yi dyondzaka evutirhelini bya Filipi lebyi a byi endleke eka Vasamariya ni mutirhela-mfumo wa Muetiyopiya? (Mint. 8:6-13, 26-39) [15, w99-TS 7/15 tl. 25 ndz. 2] Hi dyondza leswaku hi nga tshuki hi ehleketa leswaku vanhu va tiko ro karhi, rixaka kumbe xiyimo a va nge ma tsakeli mahungu lamanene; hi fanele ku chumayela rungula ra Mfumo eka “vanhu va mixaka hinkwayo.” (1 Kor. 9:19-23)

20. Xana Yobo u ri kombise hi ndlela yihi ripfumelo ra yena ra leswaku Xikwembu xi nga n’wi pfuxa esirheni, leri eka yena a ri fana ni ndhawu ya ku wisa eka swiphiqo swa yena? (Yobo 14:7, 13-15) [7, Ku hlaya ka Bibele ka vhiki ni vhiki; vona w00-TS 5/15 tl. 27 ndz. 7–tl. 28 ndz. 1.] Yobo u vulavule hi murhi (kumbexana wa mutlhwari) lowu nga tsemiwaka kumbe wu vuna hikwalaho ka dyandza lerikulu kutani endzhaku wu tlhela wu hluka.

Tsala (ma-)rito kumbe xiga lexi lavekaka ku hetisa yin’wana ni yin’wana ya tinhlamuselo leti landzelaka:

21. Estere 8:17 yi vula leswaku vanhu a va “tivula Vayuda”; hilaha ku fanaka namuntlha, “ntshungu lowukulu” wa “tinyimpfu tin’wana” wu hlawule ku yima ni masalela lama totiweke. (Nhlav. 7:9; Yoh. 10:16; Zak. 8:23) [5, Ku hlaya ka Bibele ka vhiki ni vhiki; vona w86-TS 3/15 tl. 25 ndz. 14.]

22. Hilaha Mintirho 1:7 yi kombisaka hakona, hambileswi Yehovha a khathalaka swinene hi nkarhi, siku ra yena ra ku tirihisela ri ta ta ku fana ni khamba, vanhu va nga ri rindzelanga. (2 Pet. 3:10) [8, w99-TS 6/1 p. 5 tindz. 2-3]

23. Eka 2 Petro 3:7, 10, marito lama nge “matilo” ni “misava” ma tirhisiwa hi ndlela yo fanekisela; hilaha mongo wu kombisaka hakona, “misava” yi kombetela eka vanhu lava nga xi chaviki Xikwembu, kumbe vandla ra vanhu vo homboloka. [11, rs-TS tl. 149 tindz. 2-4]

24. Mbulavurisano lowunene wu va kona hikwalaho ka ku tshembana ni ku twisisana naswona timfanelo leti ti va kona loko vukati byi tekiwa tanihi vuxaka bya vutomi hinkwabyo naswona ku ri ni ku tiyimisela ka xiviri ka leswaku byi humelela. [14, w99-TS 7/15 tl. 21 ndz. 3]

25. Nkucetelo lowunene wa tintangha wu nga hi pfuna leswaku hi hanya hi ku ya hi milawu ya mahanyelo ni ku va ni vumoya lebyinene, xisweswo swi hi pfuna ku tirhela Yehovha hi moya-xiviri hinkwawo. [16, w99-TS 8/1 tl. 24 ndz. 3]

Hlawula nhlamulo leyi faneleke eka yin’wana ni yin’wana ya tinhlamuselo leti landzelaka:

26. Leswi Mordekayi ‘a a tshama enyangweni ya hosi’ swi kombisa leswaku a a (ri musirheleri wa hosi; ri un’wana wa vatirhela-mfumo va Hosi Ahasuwerusi; rindzele ku ta bula ni hosi). (Est. 2:19, 20) [4, Ku hlaya ka Bibele ka vhiki ni vhiki; vona w86-TS 3/15 tl. 24 ndz. 9.]

27. Hilaha ku tsariweke hakona eka Yobo 19:25-27, Yobo u kombise ripfumelo ra leswaku u ta “vona Xikwembu” leswi vulaka leswaku u ta (kombiwa xivono; pfuxeriwa ku ya hanya etilweni; pfuriwa mahlo ya ku anakanya leswaku a tiva ntiyiso malunghana na Yehovha). [8, Ku hlaya ka Bibele ka vhiki ni vhiki; vona w94-TS 11/15 tl. 19 ndz. 17.]

28. Yobo u tsundzukiwa ngopfu hikwalaho ka (rirhandzu ra yena; musa wa yena; ku tiyisela ka yena). (Yak. 5:11) [11, si-TS tl. 100 ndz. 41]

29. Ku tsariwa ka buku ya Tipisalema ku teke kwalomu ka malembe ya (madzana manharhu; ntlhanu wa madzana; gidi). [12, si-TS tl. 101 ndz. 4]

30. Swi le rivaleni leswaku (Davhida; Asafa; Ezra) hi yena wo hetelela la tsaleke buku ya Tipisalema. [13, si-TS tl. 102 ndz. 6]

Twananisa matsalwa lama landzelaka ni swiga leswi xaxametiweke laha hansi:

Neh. 3:5; Ps. 12:2; 19:7; 2 Tim. 3:16, 17; Yak. 5:14-16

31. Hi fanele ku tiyimisela ku tirha hi nga tifeleli hikwalaho ka ku tikukumuxa, hi nga teki ntirho wo tika wu ri lowu hi susaka xindzhuti. [Neh. 3:5] [1, Ku hlaya ka Bibele ka vhiki ni vhiki; vona w86-TS 2/15 tl. 25 tindz. 12, 19.]

32. Mukreste la endleke xidyoho lexikulu u fanele ku vika xidyoho xa yena eka vakulu. [Yak. 5:14-16] [4, rs-TS tl. 90 ndz. 2]

33. Hambileswi Xikwembu xi tirhiseke milorho loko xi nyika vanhu va xona switsundzuxo, swiletelo ni vuprofeta enkarhini lowu hundzeke, sweswi xi tirhisa Rito ra xona leri huhuteriweke leswaku hi kota ku ponisiwa. [2 Tim. 3:16, 17] [8, rs-TS tl. 147 ndz. 2]

34. Loko hi lava ku va vanghana va Xikwembu, hi fanele ku tshembeka hilaha ku heleleke embilwini, hi nga vi na vukanganyisi. [Ps. 12:2] [13, Ku hlaya ka Bibele ka vhiki ni vhiki; vona w89-TS 9/15 tl. 26 ndz. 7.]

35. Ku yingisa nawu wa Xikwembu ku pfuxeta moya-xiviri wa munhu naswona ku endla leswaku a hanya kahle. [Ps. 19:7] [14, Ku hlaya ka Bibele ka vhiki ni vhiki; vona w00-TS 10/1 tl. 13 ndz. 4.]