Xiyimiso Xa Nhlangano Wa Ntirho

Vhiki Leri Sungulaka Hi December 10

Risimu 205

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. U tirhisa swiringanyeto leswi nga eka tluka 8, endla nkombiso wo fambisa (1) Xihondzo xo Rindza xa December 15, ni (2) Xalamuka! ya January 8.

15 min: Swilaveko swa vandlha.

20 min: “Mikateko Leyi Tisiwaka Hi Ku Tlangela Rirhandzu Ra Yehovha—Xiyenge 2.”a Loko u bula hi tindzimana 2-6, kombela vayingiseri leswaku va rungula mintokoto leyi va yi kumeke loko va chumayela hi xitshuketa, hi ku tsala mapapila ni hi riqingho. Hlela ka ha ri emahlweni leswaku ku endliwa nkombiso wun’we kumbe yimbirhi wa ndlela leyi bulo ri fambeke ha yona.

Risimu 222 ni xikhongelo xo pfala.

Vhiki Leri Sungulaka Hi December 17

Risimu 211

10 min: Switiviso swa vandlha. Xiviko xa timali. Hlamusela malunghiselelo ya nsimu yo hlawuleka hi December 25, 26, na January 1.

22 min: “Ri Tamele Khwatsi Rito Ra Xikwembu.”b Katsa ni nkombiso lowu fanelaka nsimu ya ka n’wina wa xingheniso lexi nga eka ndzimana 4. Nakambe, endla nkombiso lowu humeleleke, lowu tirhisiweke ensin’wini ya ka n’wina ku khutaza ni ku chavelela vanhu lava tshikileriweke hi swiyimo swa misava, leswi va langutaneke na swona sweswi. Kombela vayingiseri va hlamusela leswaku ha yini va vona leswaku ku tirhisa Bibele ku ta endla leswaku vumbhoni lebyi nyikeriweke byi va ni ntikelo swinene.

13 min: ‘Mi Ni Bibele Ya N’wina.’ Bulo ni vayingiseri leri sekeriweke ebukwini leyi nge Ku Hlamulana, matluka 178-9. Hi nga ku yini loko vanhu va nga lavi ku hi yingisa hi leswi hi tirhisaka Vuhundzuluxeri Bya Misava Leyintshwa? Hlela ka ha ri emahlweni leswaku vahuweleri vo karhi va vula tinhlamulo leti ringanyetiweke, hi marito ya vona.

Risimu 225 ni xikhongelo xo pfala.

Vhiki Leri Sungulaka Hi December 24

Risimu 20

10 min: Switiviso swa vandlha. Vula buku leyi nga ta fambisiwa hi January ni tibuku leti nga kona exitokweni xa vandlha. U tirhisa swiringanyeto leswi nga eka tluka 8, endla minkombiso yimbirhi yo koma yo fambisa timagazini, wun’wana wu tirhisa Xihondzo xo Rindza xa January 1, lowun’wana wu tirhisa Xalamuka! ya January 8. Wun’wana wa yona a wu endliwe hi muntshwa.

20 min: Endla Leswinene Ngopfu eVuton’wini Bya Wena. Swirho swa ndyangu swi bula hi Xihondzo xo Rindza xa August 15, 1998, matluka 8-9. Tatana u lava leswaku ndyangu wu hanya vutomi lebyi nga ta wu tisela ntsako ku nga ri gome. Va hlamusela xitsundzuxo xa Matsalwa lexi nga eka xihloko lexi, lexi kombisaka ndlela leyi va nga tiyisekaka leswaku va tshama va tsakile, va yisa nyingiso eka xilaveko xa ku va ni ku twisisa, ku tivekela tipakani ta nkoka ni ku tshembela eka Yehovha. Va bula hi tindlela leti pfunaka, leti va nga antswisaka eka tona tanihi ndyangu.

15 min: Ku Yisa Nyingiso eHolweni Ya Hina Ya Mfumo. Nkulumo hi nkulu. Languta xiyimo xa Holo ya n’wina ya Mfumo kumbe laha vandlha ri hlanganaka kona. Xana yi basile, ya languteka ni ku koka mahlo? Xana switulu, fambiselo ra mpfumawulo ni mafasitere, swi endla leswaku minhlangano yi tsakeriwa? Xana mimete, makhumbi ni makhetenisi swi basile? Xana swihambukelo swi tshama swi basile? Xana muako wa languteka ehandle? Ku vuriwa yini hi lomu ku fambiwaka kona ni laha ku pakiwaka kona mimovha? Boxa xin’wana ni xin’wana lexi lavaka ku lunghisiwa kumbe ku antswisiwa. Hi wahi malunghiselelo lama endliweke leswaku ndhawu hinkwayo yi basisiwa loko ku nga si tlangeriwa Xitsundzuxo? Hi swi hi leswi lavaka ku lunghisiwa siku rero ri nga si fika? Hlamusela ndlela leyi vandlha ri nga pfunaka ha yona. Kandziyisa xilaveko xa ku tiyiseka leswaku ndhawu ya hina ya vugandzeri yi kombisa vuxongi ni ku xiximeka leswi fanelaka yindlu ya Yehovha.—Ps. 84:1.

Risimu 126 ni xikhongelo xo pfala.

Vhiki Leri Sungulaka Hi December 31

Risimu 140

10 min: Switiviso swa vandlha. Tsundzuxa vahuweleri leswaku va yisa swiviko swa December swa ntirho wa vona wa le nsin’wini eka vafambisi va vona va dyondzo ya buku ya vandlha. Loko vandlha ra ka n’wina ri ta cinca minkarhi ya minhlangano eka lembe lerintshwa, hi musa, khutaza hinkwavo leswaku va va kona minkarhi hinkwayo eminhlanganweni, eka minkarhi leyintshwa leyi vekiweke. Tiyisekani leswaku vanhu hinkwavo lava tsakelaka ni lava holeke va tiva hi ku cinca loku.

20 min: Nyika Vakulu Xichavo Lexi Va Fanelaka. Malandza ya vutirheli mambirhi kumbe manharhu ma bula hi Xihondzo xo Rindza xa June 1, 1999, matluka 18-19. Ma hlamusela mintirho yo tala leyi vakulu va faneleke va yi endla, leyi katsaka ntirho wa ku tihanyisa, vutihlamuleri bya ndyangu ni swiavelo swa le tilweni. Kambisisani tindlela leti hinkwerhu hi nga va khutazaka ha tona, hi olovisa ntirho wa vona ni ku landzela nkongomiso wa vona. Malandza ma pfumela leswaku vakulu va endla ntirho wa nkoka nileswaku va fanele ku nyikiwa “xichavo lexi tlulaka ngopfu lexi tolovelekeke.”—1 Tes. 5:12, 13.

15 min: U Ta Hlamurisa Ku Yini? Hi ku komisa yisa nyingiso eka matluka 289-90 ebukwini leyi nge Ku Hlamulana, laha ku nyikiwaka nhlamulo leyi nga erivaleni ya xivutiso lexi nge, ‘Timbhoni Ta Yehovha Ti Swi Kotisa Ku Yini Ku Hlamusela Bibele Hi Ndlela Leyi Ti Yi Hlamuselaka Ha Yona?’ Endla nkombiso lowu lunghiseleriweke kahle lowu hlamulaka xivutiso lexi loko ku tlheleriwa eka munhu, ivi a rhambiwa hi malwandla leswaku a va kona eminhlanganweni ya vandlha.

Risimu 219 ni xikhongelo xo pfala.

Vhiki Leri Sungulaka Hi January 7

Risimu 218

10 min: Switiviso swa vandlha.

10 min: “Xikolo Xa Vutirheli Bya Le Tilweni Xa 2002.” Nkulumo hi mulanguteri wa xikolo. Khutaza hinkwavo leswaku va hisekela ku lunghiselela swiavelo swa vona.

25 min: “Ku Tlhelela eXikolweni.”c Kandziyisa swiphiqo leswi vantshwa va langutanaka na swona ni ndlela leyi vatswari va nga pfunaka vana va vona ha yona. Exikolweni, vantshwa va hina va langutana ni mintshikilelo yo tala leyi va kucetelaka ku tlula misinya ya milawu ya Bibele, mintshikilelo ya kona yi katsa ku hlanganyela eminkhubyeni ya vutiko, mintlangu kumbe ku hlanganyela etidyondzweni ta vukhongeri. Tirhisa broxara leyi nge Dyondzo, matluka 14-21, ku hlamusela timhaka leti. Endla nkombiso lowu lunghiseleriweke kahle wa mutswari la hlamuselaka mudyondzisi leswaku ha yini vantshwa va hina va nga hlanganyeli etidyondzweni ta vukhongeri, kutani a kombela leswaku n’wana wa yena a nga katsiwi eka tona.

Risimu 24 ni xikhongelo xo pfala.

[Tinhlamuselo ta le hansi]