‘Veka Swo Karhi eTlhelo’

Eka vandlha ro sungula ra Vukreste, a ku ri ni swilaveko leswi a swi fanele swi khathaleriwa hi swilo leswi vonakaka. Loko munhu un’wana ni un’wana a va ni nkateko wo kuma swilo leswi vonakaka, a a khutaziwa ku ‘veka swo karhi etlhelo’ leswaku swi ta va munyikelo wa ku khathalela swilaveko sweswo. (1 Kor. 16:1-3) Hikwalaho ka ku hanana ka vona, vanhu hinkwavo va tsakele ku ‘humesa marito ya ku nkhensa Xikwembu.’—2 Kor. 9:11, 12.

Namuntlha, ntirho wa misava hinkwayo wa vanhu va Yehovha wu ya wu kula naswona wu tshama wu ri karhi wu lava ku seketeriwa hi timali. I swinene leswaku minkarhi hinkwayo na hina hi ‘veka swo karhi etlhelo’ leswaku hi ta hoxa xandla eku khathaleriweni ka xilaveko xexo. (2 Kor. 8:3, 4) Swilo leswi vonakaka swi nga nyikeriwa hi tindlela to hambana-hambana. (Vona Xihondzo xo Rindza xa November 1, 2001, matluka 28-9.) Kunene hi teka ku nyika ko tano ku ri lunghelo leri hi tiselaka ntsako wa xiviri.—Mint. 20:35.