Xiyimiso Xa Nhlangano Wa Ntirho

XIYA: Nhlangano Wa Ntirho lowu a wu vekeriwe etlhelo leswaku ku pfuxetiwa tinhla-nkulu ta ntsombano, hilaha swi tivisiweke ha kona eka Vutirheli Bya Hina Bya Mfumo bya November 2001, se wu ta khomiwa hi February 2002.

Vhiki Leri Sungulaka Hi January 14

Risimu 3

15 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hlamusela bokisi leri nge “Ku Simekiwa Ka Mavandla Lamantshwa.”

10 min: “Leswi U Nga Swi Vulaka Hi Timagazini.” Endla minkombiso yimbirhi, wun’we wu kombisa ndlela yo fambisa magazini wa Xihondzo xo Rindza xa January 15, kasi lowun’wana wu kombisa ndlela yo fambisa Xalamuka! ya February 8. Khutaza vahuweleri hinkwavo leswaku va seketela Siku ra Timagazini.

20 min: Ku Vuyeriwa Hi Malunghiselelo Ya Rirhandzu. Nkulumo hi nkulu la fanelekaka, la nga ta hlamusela malunghiselelo lama endliweke ku hi pfuna leswaku hi endla swiboho malunghana ni swa vutshunguri, yo kota makhadi lama nyikaka nkongomiso hi matshungulelo ya hina ni “Swivutiso Swa Vahlayi” leswi nga eka Xihondzo xo Rindza xa June 15, 2000 ni xa October 15, 2000. Vandlha ri fanele ku va ni nhlayo leyi ringaneke ya makhadi ya Advance Medical Directive/Release kumbe ya Identity Card loko ma fanele ku aviwa. Makhadi lawa ma ta nyikiwa vahuweleri lava khuvuriweke ntsena loko nhlangano wa namuntlha wu hela, kambe MA NGA tatiwi namuntlha. Ma ta sayiniwa hi vini va wona ni hi timbhoni ma tlhela ma tsariwa masiku eka Dyondzo ya Buku ya Vandlha leyi landzelaka, hi ku pfuniwa hi mufambisi wa dyondzo yoleyo loko ku ri ni xilaveko. Lava va nga ta sayina tanihi timbhoni va fanele ku vona vini va makhadi loko va ma sayina. Vahuweleri lava nga khuvuriwangiki va nga ha tiendlela makhadi ya vona kun’we ni ya vana va vona, hi ku titsalela rungula leri yelanaka ni leri tsariweke eka makhadi lawa, leswaku ri pfumelelana ni swiyimo swa vona ni leswi va swi pfumelaka. Kandziyisa nkoka wa ku endla swiboho malunghana ni swa vutshunguri ka ha ri ni nkarhi, leswi sekeriweke eka ripfalo ra vona leri sekeriweke eBibeleni. (Swiv. 27:12; 14:15) I swa nkoka ku bula ka ha ri nkarhi ni lava tirhaka hi swa vutshunguri, u swi veka erivaleni leswaku u lava ku tshunguriwa hi ndlela yihi nileswaku hi yihi mirhi leyi faneleke yi tirhisiwa. Leswaku u kota ku endla swiboho leswinene u fanele ku va ni dyondzo ya wena n’wini, u dyondza hi vukheta. Hlaya tindzimana leti faneleke eka swihloko swa Xihondzo xo Rindza leswi boxiweke laha henhla. Vakulu va tshama va lunghekele ku pfuna kambe va nge endleli munhu ni un’we xiboho. Hlamusela tindlela leti va nga ti tirhisaka loko va tsala rungula ra swiboho leswi va tiendleleke swona.

Risimu 55 ni xikhongelo xo pfala.

Vhiki Leri Sungulaka Hi January 21

Risimu 104

10 min: Switiviso swa vandlha. Xiviko xa timali. Hlamusela bokisi leri nge ‘Veka Swo Karhi eTlhelo.’

13 min: Xana U Kambisisa Matsalwa Siku Ni Siku? Bulo ra swirho swa ndyangu. Leswaku swi vuyeriwa swinene hi bulo ra swona ra ndzimana ya siku, swi bula hi Xihondzo xo Rindza xa December 15, 1996, tluka 18, tindzimana 13-14. Hi ku komisa swi pfuxeta tindzimana ta siku timbirhi kumbe tinharhu leta ha ku dyondziwaka kutani swi hlamusela ndlela leyi swi vuyeriweke swinene hi rungula rero. Swi kandziyisa leswaku lunghiselelo leri ri fanele ku va xiphemu xa dyondzo ya ndyangu leyi endliwaka minkarhi hinkwayo, leyi lunghiseleriweke leswaku swi tshama swi hiseka emoyeni.

22 min: “Hambeta U Rhangisa Mfumo.”a Katsa ni swivutiso swi nga ri swingani leswi hlanganisaka tinhla-nkulu ta Xihondzo xo Rindza xa September 1, 1998, matluka 19-21.

Risimu 168 ni xikhongelo xo pfala.

Vhiki Leri Sungulaka Hi January 28

Risimu 196

10 min: Switiviso swa vandlha. Tsundzuxa vahuweleri leswaku va yisa swiviko swa January swa ntirho wa vona wa le nsin’wini eka vafambisi va vona va dyondzo ya buku ya vandlha. U tirhisa swiringanyeto leswi nga eka tluka 8, endla minkombiso yimbirhi yo koma yo fambisa timagazini, wun’wana wu tirhisa Xihondzo xo Rindza xa February 1, lowun’wana wu tirhisa Xalamuka! ya February 8. Vula kandziyiso lowu nga ta fambisiwa hi February, u vula ni tibuku leti nga kona exitokweni xa vandlha.

20 min: “Vatswari—Letelani Vana Va N’wina Ku Sukela Loko Va Ha Ri Tincece.”b Katsa ni leswi hlamuseriweke eka Xihondzo xo Rindza xa April 15, 1998, tluka 32. Kombela vatswari va rungula hi vuyelo lebyi va byi kumeke hi ku sungula ku letela vana va vona loko va ha ri tincece.

15 min: Swilaveko swa vandlha. Kombela vahuweleri va rungula mintokoto leyi va yi kumeke hi ku tirhisa buku leyi nge Ku Hlamulana, loko va fambisa tibroxara to karhi leswaku va hlamula swivutiso leswi vanhu va swi vutiseke, kumbe loko va chavelela vanhu hi Matsalwa lama kumekaka eka broxara leyi nge Loko U Feriwa Hi Loyi U N’wi Rhandzaka. Loko swi koteka, endla nkombiso wun’we kumbe yi mbirhi lowu kombisaka leswi endlekeke eka ntokoto wolowo.

Risimu 202 ni xikhongelo xo pfala.

Vhiki Leri Sungulaka Hi February 4

Risimu 212

10 min: Switiviso swa vandlha. Marungula Ya Swa Le Tilweni.

15 min: “Va Ta Swi Twisa Ku Yini?”c Kombela vayingiseri va hlamusela ndlela leyi matsalwa ya xihloko lexi ma tirhaka ha yona. Katsa ni swivutiso swa tindzimana 17-18 ta Xihondzo xo Rindza xa August 15, 1998, eka tluka 20.

20 min: “Swingheniso Leswi Ringanyeteriweke Ntirho Wa Le Nsin’wini.” Bulo ni vayingiseri leri fambisiwaka hi mulanguteri wa ntirho. Xiengetelo lexi xi tamele swingheniso leswi ringanyetiweke, leswi kumekaka eka minkandziyiso ya nkarhi lowu hundzeke ya Vutirheli Bya Hina Bya Mfumo, ni swin’wana leswintshwa. Tilayini leti nga tsariwangiki nchumu ku nga tsariwa swingheniso swin’wana leswi nga ta kandziyisiwa enkarhini lowu taka, leswi tirhaka ensin’wini ya ka n’wina. Kombela vayingiseri va vula swingheniso leswi va swi tsakeleke nileswaku ha yini va swi tsakerile. Endla nkombiso hi xin’we kumbe swimbirhi leswi nga tirhisiwaka loko ku fambisiwa nkandziyiso lowu nga ta fambisiwa hi February. Khutaza vahuweleri hinkwavo ku hlayisa xiengetelo lexi leswaku va ta hamba va xi tirhisa loko va lunghiselela ku ya ensin’wini.

Risimu 224 ni xikhongelo xo pfala.

[Tinhlamuselo ta le hansi]