Xiyimiso Xa Nhlangano Wa Ntirho

Vhiki Leri Sungulaka Hi March 11

Risimu 2

13 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. U tirhisa swiringanyeto leswi nga eka tluka 8, endla minkombiso yimbirhi leyi nga faniki, ya ndlela leyi ku nga fambisiwaka Xihondzo xo Rindza xa March 15, ni Xalamuka! ya April 8, ha yona. Enkombisweni ha wun’we, kombisa ndlela leyi hambaneke ya ku angula lava lavaka ku siva bulo hi ku vula va ku, “A ndzi swi tsakeli.”—Vona buku leyi nge Ku Hlamulana, tluka 16.

12 min: Ku Tshama Hi Nga Hlanganyeli eTimhakeni Ta Tipolitiki Tanihi Vakreste. Nkulumo hi nkulu la nga xivulavuri lexinene. Swi nga endleka leswaku moya wa vutiko wa vonaka minkarhi yin’wana exikolweni, entirhweni ni le mugangeni lowu hi tshamaka eka wona. Van’wana lava khutazaka moya lowu va swi endla hi xikongomelo xa ku hlula ku karhateka ni nhlomulo lowu vangiwaka hi makhombo ya tiko. Hambileswi na hina swi hi twisaka ku vava leswi hi swi vonaka emisaveni, hi twisisa mhaka-nkulu leyi khumbekaka, ku nga vuhosi bya vuako hinkwabyo kutani ha chaveleriwa hi rungula ra Mfumo. Loko hi ri karhi hi hlamusela van’wana hi vutlhari leswaku ha yini hi nga hlanganyeli etimhakeni leti khumbaka vutiko, hi fanele ku tlhela hi va byela nchavelelo ni ntshembo lowu hi nga na wona, lowu kumekaka eRitweni ra Xikwembu. Broxara leyi nge Timbhoni Ta Yehovha Ni Dyondzo, matluka 20-4, ehansi ka xihlokwana lexi nge “Ku Losa Mujeko,” yi hlamusela leswaku ha yini hi nga hlanganyeli eminkhubyeni ya vutiko. Hlamusela tinhla-nkulu naswona u khutaza vatswari leswaku va pfuxeta rungula leri hi vukheta ni vana va vona. Rungula mintokoto leyi kumekaka eka tluka 20 ra broxara leyi ni lowu kumekaka eka tluka 31 ra Xalamuka! ya January 8, 1996, (hi Xinghezi). Kandziyisa xilaveko xa ku tinyiketela hi ku helela eka Yehovha loko hi nkarhi lowu fanaka hi ri karhi hi xixima vulawuri bya ka hulumendhe.

20 min: “Fuwa Hi Mintirho Leyinene.”a Yi fanele ku nyikeriwa hi mulanguteri wa ntirho. Va khutaze hinkwavo leswaku va hlanganyela hi xitalo evutirhelini loko ku ri karhi ku lunghiseleriwa nkhuvo wa Xitsundzuxo hi March 28. Hlamusela ndlela leyi swiphephana swa swirhambo swi nga tirhisiwaka ha yona hi ndlela leyi vuyerisaka. Kombela vahuweleri va vula ndlela leyi va koteke ku rhamba maxaka, vaakelani, swichudeni swa Bibele ni vanhu van’wana lava tsakelaka, leswaku va va kona eXitsundzuxweni xa n’wexemu ni ndlela leyi sweswo swi tiseke ntsako ha yona. Khutaza hinkwavo lava swiyimo swi nga va pfumelelaka, leswaku va va maphayona ya nkarhinyana hi April naswona va kuma tifomo ta vuphayona loko nhlangano wu hela.

Risimu 82 ni xikhongelo xo pfala.

Vhiki Leri Sungulaka Hi March 18

Risimu 7

10 min: Switiviso swa vandlha. Xiviko xa timali. Hlamusela bokisi leri nge “Switsundzuxo Swa Nkhuvo Wa Xitsundzuxo.” Khutaza hinkwavo leswaku va fambisana ni ku hlaya ka Bibele ka Xitsundzuxo loku hleleriweke March 23-28, hilaha ku xaxametiweke hakona eka Ku Kambisisa Matsalwa Siku Ni Siku—2002.

15 min: “Ku Va Ni Vun’we Lebyi Tsakisaka Na Yehovha Ni N’wana Wa Yena.” Nkulumo ya Matsalwa leyi khutazaka, leyi faneleke ku nyikeriwa hi nkulu. Va khutaze hinkwavo leswaku va endla matshalatshala lamakulu ku sukela sweswi ku ya fika hi March 28, ya ku rhamba vanhu vo tala hilaha swi nga kotekaka hakona leswaku va hlanganyela na hina eXitsundzuxweni.

20 min: “Andzisa Ntsako Wa Wena Eku Chumayeleni.”b Loko u hlamusela ndzimana 5, kombela swiringanyeto leswi pfunaka leswi kombisaka ndlela yo va ni vuyelo lebyinene ensin’wini ya ka n’wina. Endla nkombiso wun’we kumbe yimbirhi, leyi kombisaka ndlela leyi hi nga tekaka goza ro sungula ha yona ro ya eka munhu hi n’wi chumayela hi ku komisa. Va khutaze hinkwavo leswaku va pfula tindlela ta ku chumayela hi mahelo-vhiki lawa.

Risimu 45 ni xikhongelo xo pfala.

Vhiki Leri Sungulaka Hi March 25

Risimu 12

14 min: Switiviso swa vandlha. Vula leswaku nkarhi wa ha ri kona wa ku tata fomo ya ku va phayona ra nkarhinyana hi April. U tirhisa swingheniso leswi ringanyetiweke eka tluka 8, lunghiselela leswaku nkulu a endla nkombiso wo fambisa Xihondzo xo Rindza xa April 1, kutani muntshwa a endla wo fambisa Xalamuka! ya April 8. Endzhaku ka nkombiso ha wun’we, kandziyisa tinhla letinene leti kandziyisiweke enkombisweni wolowo.

15 min: “A Hi Akeni Tiholo Ta Hina Ta Mfumo Hi Tlhela Hi Ti Hlayisa.”—Xiyenge 1.c Nkulu u hlanganisa tindzimana 1-8 ta xiengetelo, hi ku hiseka. Emavandlheni lama nga si vaka ni Holo ya Mfumo, kandziyisa xilaveko xa leswaku hinkwavo evandlheni va fanele ku ma seketela hi ku helela malunghiselelo lama endliwaka. Hlamusela leswaku hi rihi bokisi ra munyikelo leri ku hoxiwaka mali ya Nkwama Wa Ku Akiwa Ka Holo Ya Mfumo ya vandlha ra ka n’wina ni malunghiselelo lama endliweke leswaku yi vekiwa laha ku hlayisekeke kahle. Laha swi faneleke, hlamusela leswi vakulu va vandlha va swi endlaka ku kuma xitandi xo aka Holo ya Mfumo. Loko nkarhi wu pfumela, katsa ni mintokoto leyi faneleke leyi runguriweke loko ku akiwa Tiholo ta Mfumo endhawini ya ka n’wina enkarhini lowu hundzeke.

16 min: “‘Tinyiko Leti Nga Vanhu’ Ti Hisekela Ku Risa Ntlhambi Wa Xikwembu.” Nkulumo hi nkulu. Hlamusela matsalwa lama kombisiweke. Kombisa ndlela leyi mintokoto leyi khutazaka yi nga pfunaka ni ku va ni vuyelo lebyinene loko ku risiwa lava holeke ni ku pfuna lava tsaneke leswaku va endla leswi va nga swi kotaka. Varisi va rirhandzu va ma tlangela matshalatshala lama ntlhambi wu ma endlaka hi mbilu hinkwayo leswaku wu tshama wu ri karhi wu hiseka entirhweni wa Yehovha.

Risimu 131 ni xikhongelo xo pfala.

Vhiki Leri Sungulaka Hi April 1

Risimu 27

10 min: Switiviso swa vandlha. Tsundzuxa vahuweleri leswaku va yisa swiviko swa March swa ntirho wa vona wa le nsin’wini eka vafambisi va buku ya vona ya vandlha.

15 min: “A Hi Akeni Tiholo Ta Hina Ta Mfumo Hi Tlhela Hi Ti Hlayisa.”—Xiyenge 2.d Mulanguteri la ungamelaka u hlanganisa tindzimana 9-15 ta xiengetelo. Mavandlha lama khomelaka minhlangano ya wona emiakweni ya xinkarhana ma fanele ma anakanya hi leswi ma nga swi endlaka ku antswisa miako yoleyo, ma nga tirhisanga mali yo tala. Kandziyisa xilaveko xa ku hambeta hi humesa munyikelo wa ku hlayisa ndhawu ya hina ya vugandzeri. Loko ku ri leswaku vandlha ri hakela mali leyi lombiweke eka Sosayiti, vula ndlela leyi yi humesiwaka ha yona n’hweti ni n’hweti u tlhela u bumabumela vandlha hi ku tshembeka ka rona ku humesa munyikelo lowu ri tshembiseke leswaku ri ta wu humesa. Mulanguteri la ungamelaka u fanele ku endla xiboho ni huvo ya vakulu hi leswi swi lavaka ku lunghisiwa ni leswaku ntirho wa kona wu nga endliwa rini, a tlhela a andlalela vandlha malunghiselelo ya kona.

20 min: Xana Buku Ya Lembe Yi Ku Vuyerisa Hi Ndlela Yihi? Nkulumo leyi katsaka bulo ni vayingiseri. Xo sungula, kandziyisa tinhla-nkulu ta “Papila Leri Humaka Eka Huvo Leyi Fumaka,” ematlukeni 3-5. Kutani kombela vayingiseri va rungula swiviko ni mintokoto leyi nga eka Buku Ya Lembe, leyi va yi kumeke yi khutaza ni ku tiyisa ripfumelo swinene. Va khutaze hinkwavo leswaku va yi hlaya hinkwayo Buku Ya Lembe nileswaku va yi tirhisa ku pfuna swichudeni swa Bibele swi tolovelana ni nhlengeletano ya Yehovha.

Risimu 15 ni xikhongelo xo pfala.

[Tinhlamuselo ta le hansi]