Leswi U Nga Swi Vulaka Hi Timagazini

Xihondzo xo Rindza May 15

“Xana u ehleketa leswaku swi nga koteka ku tiva Xikwembu? [Yimela nhlamulo.] Ndza tshemba wa pfumela leswaku swa tika ku va ni ripfumelo eka munhu loyi hi nga tiviki nchumu ha yena. Entiyisweni, Bibele yi hi khutaza ku lava Xikwembu. [Hlaya Mintirho 17:27.] Swihloko leswi swi kombisa ndlela leyi hi nga tivaka Xikwembu ku antswa ha yona.”

Xihondzo xo Rindza June 1

“Swiendlakalo leswa ha ku endlekaka swi siye vo tala va tivutisa leswaku ha yini vanhu lava nga riki na nandzu va fa hi xitshuketa. Xana u tshama u tivutisa leswaku ha yini vanhu va fa? [Yimela nhlamulo kutani u pfula eka chati leyi nga eka tluka 7.] Xana u nga tsakela ku twa leswi Bibele yi swi vulaka hi yin’wana ya tidyondzo toleto leti tolovelekeke?” Loko swi koteka, hlaya tsalwa leri kombisiweke.

Xalamuka! June 8

“Varhangeri va misava va ringete ku tlhantlha swiphiqo swa hina hi tindlela to tala. Ndlela yin’wana leya ha ku ringetiwaka yi tiviwa tanihi ntirhisano wa misava. Eka magazini lowu, u ta hlaya hi ndlela leyi matshalatshala lawa lamantshwa ana se ma nga vaka ma khumba vutomi bya wena ha yona. U ta tlhela u hlaya hi ntlhantlho wa misava hinkwayo lowu profetiweke eBibeleni.” Kutani hlaya Matewu 6:9, 10.

Xingheniso Xin’wana: “Vanhu vo tala va vona onge ku na nkwetlembetano exikarhi ka vukhongeri na sayense. Van’wana va kale va teriwa hi mianakanyo ya leswaku swi nge koteki ku va munhu la tivaka ngopfu hi sayense a pfumela eka Xikwembu. Xana wena u ri yini hi mhaka leyi? [Yimela nhlamulo.] Xalamuka! yi hlamusela mhaka leyi hi ndlela leyi pfulaka mianakanyo.”