Leswi Hi Nga Swi Vulaka Hi Timagazini

Xihondzo xo Rindza June 15

“Xana u ehleketa leswaku swa koteka ku va ni ntsako ku nga khathariseki swiphiqo leswi hi langutanaka na swona? [Yimela nhlamulo.] Magazini lowu wu vulavula hi nkongomiso lowu nga hi pfunaka ku langutana ni swiphiqo evuton’wini hilaha ku humelelaka. Wu tlhela wu bula hi ntshembo wa xiviri lowu hi nyikaka matimba.” Hlaya Nhlavutelo 21:3, 4.

Xalamuka! June

“Xana wa pfumela leswaku timhangu leti veke kona sweswinyana ti kombisa nkoka wo yingisa swilemukiso? [Yimela nhlamulo.] Xihloko lexi xi bula hi leswi vanhu lava poneke Xidzedze lexi vuriwaka Katrina va nga swi dyondza. Xi tlhela xi boxa xitsundzuxo lexi hinkwerhu ka hina namuntlha hi faneleke hi xi yingisa.” N’wi kombe xihloko lexi sungulaka eka tluka 14.

Xihondzo xo Rindza July 1

“Emisaveni ya namuntlha leyi teleke maxangu, vanhu vo tala va vutisa leswi: ‘Ha yini ku ri ni swiphiqo swo tala swonghasi evuton’wini? Loko Xikwembu xi ri kona, ha yini xi nga endli swo karhi leswaku xi herisa ku xaniseka?’ Xana u tshame u tivutisa sweswo? [Yimela nhlamulo.] Magazini lowu wu nyikela tinhlamulo leti twisisekaka ta le Bibeleni ta swivutiso swoleswo.” Hlaya 2 Timotiya 3:16.

Xalamuka! July

“Namuntlha vatekani vo tala va ya va va ni ntshikilelo. Xana u ehleketa leswaku mimpatswa yi ta vuyeriwa loko yi tirhisa ndzayo leyi, leyi huhuteriweke? [Hlaya Vaefesa 4:32. Kutani u yimela nhlamulo.] Nkandziyiso lowu wa Xalamuka! wu kambisisa misinya ya milawu ya Bibele leyi nga hundzukiki leyi nga hi pfunaka ku va ni ntsako evukatini.”