Leswi Hi Nga Swi Vulaka Hi Timagazini

Xihondzo xo Rindza June 15

“Xana wa pfumela leswaku swa tika ku letela vana manguva lawa? [Yimela nhlamulo.] Ku ni xitiyisekiso xa leswaku vatswari va nga swi kota ku letela vana va vona. [Hlaya Swivuriso 22:6.] Nkandziyiso lowu wa Xihondzo xo Rindza wu nyikela ndzayo leyi twisisekaka yo pfuna vatswari leswaku va langutana ni ntlhontlho lowu.”

Xihondzo xo Rindza July 1

“Loko vanhu vo tala va hlaseriwa hi makhombo va tivutisa loko Xikwembu xi khathala hakunene hi vanhu niloko xi swi vona leswaku va xaniseka. Xana u tshame u tivutisa sweswo? [Yimela nhlamulo.] Magazini lowu wu hlamusela ndlela leyi Xikwembu xi kombisaka ha yona leswaku xa hi khathalela namuntlha, ni ndlela leyi ha yona xi hi nyikeke xisekelo lexi tiyisekisaka leswaku xi ta susa ku xaniseka hinkwako.” Hlaya Yohane 3:16.

Xalamuka! July 8

“Van’wana va ehleketa leswaku ku pfumela eka Xikwembu a swi fambisani ni sayense. Kambe, xana a wu swi tiva leswaku ku ni vativi va sayense lava vulaka leswaku sayense yi seketela leswaku u kona Muvumbi? [Yimela nhlamulo.] Nkandziyiso lowu wa Xalamuka! wu boxa vumbhoni byin’wana lebyi byi va endleke va va ni vonelo ro tano.” Hlaya Varhoma 1:20.

Xingheniso Xin’wana: “Eka vantshwa vo tala, malembe ya kondlo-a-ndzi-dyi ma tsakisa ma tlhela ma va ni mintlhontlho, a swi tano ke? [Yimela nhlamulo.] Magazini lowu wu hlamusela ku cinca loku vana va kondlo-a-ndzi-dyi va langutanaka na kona. Wu tlhela wu vulavula hi xitsundzuxo xin’wana xa vutlhari lexi nga ta va pfuna leswaku va endla leswinene ngopfu loko va ri emalembeni ya kondlo-a-ndzi-dyi.” Hlaya Eklesiasta 12:1.