Leswi Hi Nga Swi Vulaka Loko Hi Fambisa Timagazini

Xihondzo Xo Rindza June 1

“Xana vukhongeri hinkwabyo bya amukeleka eka Xikwembu? [Yimela nhlamulo.] Xiya ndlela leyi Xikwembu xi titweke ha yona loko Vaisrayele va khale va tekelela mikhuva ya vukhongeri bya matiko lawa a va akelane na wona. [Hlaya Ezekiyele 6:6.] Xihloko lexi xi hlamula xivutiso lexi nge, ‘Xana Swi Ni Mhaka Leswaku Hi Xi Gandzela Njhani Xikwembu?’” N’wi kombe xihloko lexi sungulaka eka tluka 9.

Xalamuka! June

“Ndza tshemba u ta pfumelelana na mina leswaku malembe ya vuntshwa ya karhata swinene eka vana ni le ka vatswari. Xana u ehleketa leswaku ku landzela ndzayo leyi swi nga byi antswisa vuswikoti bya vatswari byo dyondzisa vana? [Hlaya Yakobo 1:19. Kutani u yimela nhlamulo.] Magazini lowu wu ta ku nyika swiringanyeto leswi pfunaka leswi sekeriweke eBibeleni.”

Xihondzo Xo Rindza July 1

“Hinkwerhu hi va ni gome loko hi feriwe hi munhu loyi hi n’wi rhandzaka. Loko hi ri ni gome rolero, xana u ehleketa leswaku Bibele yi nga hi pfuna? [Yimela nhlamulo. Kutani u hlaya Pisalema 55:22.] Magazini lowu wu hlamusela tindlela tin’wana leti tirhaka leti hlamuseriwaka eBibeleni leti nga pfunaka munhu leswaku a langutana ni gome.”

Xalamuka! July

“Vanhu lava tekaneke va langutana ni swiphiqo leswikulu naswona vo tala va hetelela va dlaye vukati. [Hlaya Swivuriso 12:18, kutani u vutisa u ku.] Loko vatekani va landzela ndzayo leyi, xana swi nga va pfuna leswaku va va ni vukati lebyi tsakisaka? [Kutani u yimela nhlamulo.] Magazini lowu wu hlamusela misinya ya milawu ya Bibele leyi nga pfunaka vanhu lava tekaneke leswaku va tiyisa vukati bya vona.”