Leswi Hi Nga Swi Vulaka Hi Timagazini

Xihondzo xo Rindza July 15

“Hi va ni nhlomulo lowukulu loko hi feriwa hi varhandziwa va hina. Xana u ehleketa leswaku ku ni nchumu wo karhi eka vona lowu hambetaka wu hanya loko va file? [Yimela nhlamulo.] Yesu u nyikele xikhutazo lexi, lexi khutazaka. [Hlaya Yohane 5:28, 29.] Leswi Yesu a vuleke leswaku ‘ku ta va’ ni ku pfuxiwa ka vafi, magazini lowu wu hlamusela leswi Bibele yi swi vulaka malunghana ni lomu vafi va nga kona sweswi.”

Xalamuka! July

“Vanhu vo tala va hanya vutomi lebyinene hilaha va nga kotaka hakona, naswona va vona swi ri swa nkoka ku va vanhu lavanene. Xana swi tano ni le ka wena? [Yimela nhlamulo.] Vona khombo leri nga kona loko leswi hina hi anakanyaka leswaku i swinene swi hambanile ni leswi Xikwembu xi vulaka leswaku i swinene. [Hlaya Swivuriso 14:12.] Xihloko lexi xi hlamusela leswi swi vulaka swona ku va munhu lonene emahlweni ka Xikwembu.” N’wi kombe xihloko lexi sungulaka eka tluka 20.

Xihondzo xo Rindza Aug. 1

“Ndzi tsakela ku twa mavonelo ya wena emhakeni yin’wana leyi vuriweke hi Yesu. [Hlaya Matewu 5:3.] Xana u ehleketa leswaku timhaka ta swa moya i ta nkoka leswaku munhu a kuma ntsako? [Yimela nhlamulo.] Magazini lowu wu kombisa leswi Bibele yi swi vulaka hi vumoya bya ntiyiso ni leswaku byi nga kumiwa njhani.”

Xalamuka! Aug.

“Xana u ehleketa leswaku vatswari va nga xi kuma kwihi xitsundzuxo lexi nga ta va pfuna hakunene? [Yimela nhlamulo.] Xiya xitshembiso lexi tsariweke eBibeleni. [Hlaya 2 Timotiya 3:16.] Magazini lowu wu kombisa ndlela leyi twisisekaka leyi Bibele yi nga va pfunaka ha yona vatswari ku kurisa vana leswaku va kula va ri lava tsakeke.”