Leswi Hi Nga Swi Vulaka Hi Timagazini

Xihondzo xo Rindza July 15

“Xana u anakanya leswaku yi ta kala yi va kona hulumendhe leyi nga ta tlhantlha swiphiqo swa vanhu? [Yimela nhlamulo.] Yesu u dyondzise vadyondzisiwa vakwe ku khongelela hulumendhe yo tano hi marito lama tsariweke eka Matewu 6:9, 10. [Hlaya.] Magazini lowu wu hlamusela xivangelo xa ku va Mfumo wa Xikwembu wu ri lowu tlakukeke eka tihulumendhe ta vanhu wu tlhela wu hlamusela mikateko leyi wu nga ta yi tisela vanhu.”

Xalamuka! July

Loko u hlangana ni muntshwa u nga ha ku: “Tintangha ta wena to tala ti ehleketa hi ku nghenela vukati. Xana u ehleketa leswaku u nga ri kuma kwihi rungula leri tshembekaka emhakeni leyi? [Yimela nhlamulo.] Xiya leswaku i mani musunguri wa vukati. [Hlaya Matewu 19:6.] Magazini lowu wu xaxameta misinya yin’wana ya milawu ya Bibele yo hi pfuna ku va ni vukati lebyi tsakisaka.”

Xihondzo xo Rindza Aug. 1

“Namuntlha swi tolovelekile ku vona vanhu va xanisa vanhu-kulobye. Xana u ehleketa leswaku swilo swi nga cinca loko vunyingi bya vanhu byo tirhisa marito lawa ya Yesu? [Hlaya Matewu 7:12. Kutani u yimela nhlamulo.] Magazini lowu wu kombisa leswi Bibele yi swi vulaka malunghana ni ndlela leyi xindzhuti xa vanhu xi nga ta xiximiwa ha yona.”

Xalamuka! Aug.

“Hinkwerhu ka hina hi tsakela leswaku rihanyo ra hina ri khathaleriwa kahle. Xana wa swi tiva leswaku madokodela yo tala namuntlha ma yi kanakana mhaka ya ku pompela ngati? [Yimela nhlamulo.] Magazini lowu wu hlamusela xivangelo xa kona. Wu tlhela wu hlamusela xivangelo xa le Bibeleni xa leswaku Xikwembu xi teka ngati yi ri ya nkoka.” Hlaya Levhitika 17:11.