Leswi Hi Nga Swi Vulaka Hi Timagazini

Xihondzo xo Rindza July 15

“Eka magidi ya malembe ya matimu ya vanhu, vanhu va sungule ku pfumela eka tidyondzo to tala to hambana-hambana. Xana u ehleketa leswaku swa koteka ku tiva leswaku hi tihi leti nga ta ntiyiso ni leswaku hi tihi leti nga ta mavunwa? [Yimela nhlamulo.] Magazini lowu wu hlamusela laha u nga ti kumaka kona tidyondzo ta ntiyiso leti tsakisaka Xikwembu.” Hlaya 2 Timotiya 3:16.

Xihondzo xo Rindza Aug. 1

“Namuntlha vanhu vo tala va titwa va ri swikangalafula. Xana u ehleketa leswaku ku nga endliwa yini leswaku ku pfuniwa vanhu vo tano? [Yimela nhlamulo.] Magazini lowu wu hlamusela ndlela leyi Bibele yi nga va pfunaka ha yona vanhu vo tano leswaku va kuma ntsako wa xiviri.” Kandziyisa matsalwa lama tsariweke hi marito yo dzwihala ma tlhela ma voyamisiwa lama nga eka xihloko lexi nge “Bibele Yi Nga Ku Pfuna Leswaku U Kuma Ntsako.”

Xalamuka! Aug. 8

“Swi hlomula mbilu ku vona maxangu lama vangiwaka hi makhombo ya ntumbuluko. [Boxa xikombiso lexi tiviwaka endhawini yoleyo.] Xana u ehleketa leswaku makhombo yo tano ma ya ma engeteleka? [Yimela nhlamulo.] Magazini lowu wu hlamula xivutiso xolexo. Wu tlhela wu chavelela lava feriweke hi varhandziwa va vona eka makhombo yo tano.” Hlaya Yohane 5:28, 29.

Xingheniso Xin’wana: “Vanhu vo tala va tshama va ri eku chaveni. Xana u vona onge ku chava loku ku vangiwa hi yini? [Yimela nhlamulo.] Magazini lowu wu nyikela swiringanyeto leswi twisisekaka leswaku hi tisirhelela eka makhombo lama tolovelekeke. Wu tlhela wu hlamusela leswi Bibele yi swi tshembisaka malunghana ni misava leyi vanhu va nga ta ka va nga ha chavi nchumu eka yona.” Hlaya Esaya 11:9.