Leswi Hi Nga Swi Vulaka Hi Timagazini

Xihondzo xo Rindza July 15

“Vo tala va xiye leswaku vanhu se va tala ku tihambanisa ni vanhu van’wana. Xana u anakanya leswaku sweswo i swinene? [Yimela nhlamulo.] Twana xivulavulelo lexi xa vutlharhi malunghana ni nkoka wa vunakulobye. [Hlaya Eklesiasta 4:9, 10.] Magazini lowu wu kombisa leswaku ha yini hinkwerhu hi wu lava mpfuno wa van’wana ni leswaku xiphiqo xa ku tihambanisa ni vanhu van’wana xi nga tlhantlhiwa hi ndlela yihi.”

Xihondzo xo Rindza Aug. 1

“Xana a wu swi tiva leswaku hi ku ya hi xiviko xin’wana, ku tlula hafu ya vaaki va misava va hanya hi mali leyi nga ehansi ka R15 hi siku? Xana u anakanya leswaku ku na lexi nga endliwaka leswaku ku herisiwa xiphiqo lexi? [Yimela nhlamulo.] Nkandziyiso lowu wa Xihondzo xo Rindza wu hlamusela ndlela leyi vusweti byi nga ta herisiwa ha yona hilaha swi kombisiweke ha kona eBibeleni.”—Hlaya Pisalema 72:12, 13, 16.

Xalamuka! Aug. 8

“Vanhu vo tala va vilela hi ku hangalasiwa loku andzeke ka swilo swo navetisa rimbewu. Xana na wena wa xi vona xiphiqo lexi? [Yimela nhlamulo.] Xitsundzuxo lexi tirhaka lexi nga eBibeleni xi nga hi sirhelela. [Hlaya Vaefesa 5:3, 4.] Magazini lowu wu kombisa ndlela leyi hi nga ti sirhelelaka ha yona eka khombo leri leri vavisaka.”

“Emalembeni ya sweswinyana, timhangu leti fambisanaka ni maxelo ti vange ku onhaka lokukulu emisaveni. Xana u anakanya leswaku i yini leswi nga endliwaka leswaku hi langutana ni xiphiqo lexi? [Yimela nhlamulo.] Magazini lowu wu hlamusela xiphiqo xa ku cinca-cinca ka maxelo swin’we ni ntlhantlho lowu hlamuseriwaka eBibeleni.”—Hlaya Esaya 35:1.