Leswi Hi Nga Swi Vulaka Hi Timagazini

Xihondzo xo Rindza July 15

“Manguva lawa loko ko vikiwa xiendlakalo xo fana ni lexi [lexi kombisiweke exifunengetweni] emahungwini, kumbexana vanhu vo tala a va nge xi tshembi. Xana wena u ri yini? [Yimela nhlamulo. Kutani u hlaya Marka 4:39.] Hi byihi vumbhoni lebyi kombisaka leswaku masingita lama endliweke hi Yesu a ma ri ntiyiso? Magazini lowu wa Xihondzo xo Rindza wa xi hlamula xivutiso lexi.”

Xihondzo xo Rindza Aug. 1

“Namuntlha leswi vanhu va avaneke, van’wana va vona onge ku rhula emisaveni hinkwayo ku nga tisiwa hi hulumendhe yin’we ntsena. Xana u ehleketa leswaku sweswo swi nga koteka? [Yimela nhlamulo. Kutani u hlaya Daniyele 2:44.] Magazini lowu wu kandziyisa leswi Mfumo wa Xikwembu wu swi hetisisaka sweswi ni ndlela leyi ha yona wu nga ta tisa ku rhula emisaveni ku nga ri khale.”

Xalamuka! Aug. 8

“Masiku lawa swigevenga swi tshama swi ri karhi swi luka mano lamantshwa yo kanganyisa vanhu lava nga lemukiki nchumu. Xana wa karhateka hi sweswo? [Yimela nhlamulo.] Nkandziyiso lowu wa Xalamuka! wu vulavula hi swiringanyeto swi nga ri swingani leswi nga hi pfunaka leswaku hi tisirhelela eka vukanganyisi byebyo.” Hlaya Swivuriso 22:3.

Xingheniso xin’wana: “Hinkwerhu ka hina ha khunguvanyeka loko hi twa hi ta ku xanisiwa ka vana. Kumbexana u tshame u tivutisa leswaku, ‘Xana Xikwembu xa khathala hakunene?’ [Yimela nhlamulo. Kutani u hlaya Pisalema 72:12-14.] Xihloko lexi xi hlamusela ndlela leyi Xikwembu xi titwisaka xiswona hi vana ni leswaku xi ta wu tisa njhani ntshunxeko wa hilaha ku nga heriki eka hinkwavo lava xanisiwaka.”