Leswi Hi Nga Swi Vulaka Hi Timagazini

Xihondzo xo Rindza Aug. 15

“Ndzi tsakela ku twa vonelo ra wena mayelana ni swin’wana leswi Yesu a swi vuleke. [Hlaya Matewu 5:5.] Loko xitshembiso lexi xi hetiseka, xana u ehleketa leswaku swiyimo swa laha misaveni swi ta va leswi swi nga xiswona sweswi? [Yimela nhlamulo.] Magazini lowu wu kombisa leswi Bibele yi swi vulaka malunghana ni ndlela leyi Yesu a nga ta cinca misava ha yona. Wu tlhela wu hlamusela leswaku i vamani lava nga ta dya ndzhaka ya misava.”

Xalamuka! Aug.

“Xana u ehleketa leswaku hi ta kala hi va vona varhandziwa va hina lava nga fa? [Yimela nhlamulo.] Vona leswi Yesu a swi tshembisaka malunghana ni vafi. [Hlaya Yohane 5:28, 29.] Xihloko lexi xi hlamusela leswi Bibele yi swi vulaka malunghana ni leswi endlekaka loko hi fa.” N’wi kombe xihloko lexi sungulaka eka tluka 28.

Xihondzo xo Rindza Sept. 1

“Namuntlha vanhu vo tala a va ha byi tsakeli vukhongeri. Xana u ehleketa leswaku hi nga va vanhu vo antswa hi ku va swirho swa vukhongeri byo karhi? [Yimela nhlamulo.] Xiya leswi Bibele yi swi vuleke ka ha ri emahlweni leswi vanhu van’wana va swi languteleke eka vukhongeri emasikwini lawa ya makumu. [Hlaya 2 Timotiya 4:3, 4.] Magazini lowu wu hlamusela ndlela leyi vugandzeri bya ntiyiso byi xi xiximaka ha yona Xikwembu swin’we ni ndlela leyi byi hi vuyerisaka ha yona.”

Xalamuka! Sept.

“Vanhu vo tala va tivutisa loko ku pfumela eka Xikwembu swi fambelana ni sayense. Xana wena u ri yini hi mhaka leyi? [Yimela nhlamulo. Kutani u hlaya Vaheveru 13:4.] Nkandziyiso lowu wo hlawuleka wa Xalamuka! wu kambisisa vumbhoni lebyi endleke leswaku vativi van’wana va sayense va pfumela eka Muvumbi.”