Leswi Hi Nga Swi Vulaka Hi Timagazini

Xihondzo xo Rindza Aug. 15

“Vanhu vo tala loko va feriwile, va tivutisa leswaku ku endleka yini loko munhu a fa. Xana u ehleketa leswaku swa koteka ku twisisa leswi rifu ri nga swona? [Yimela nhlamulo.] Magazini lowu wu hlamusela leswi Bibele yi swi vulaka hi xiyimo xa vafi. Wu tlhela wu hlamusela xitshembiso xa Xikwembu xo pfuxa varhandziwa va hina lava feke.” Hlaya Yohane 5:28, 29.

Xihondzo xo Rindza Sept. 1

“Hakanyingi vanhu va manguva lawa, va byi rhandza vutshembeki kambe vona hi voxe a va tshembeki. Xana a swi nga ta tsakisa loko vanhu vo tala a vo fana ni munghana loyi a hlamuseriweke laha? [Hlaya Swivuriso 17:17. Kutani u yimela nhlamulo.] Magazini lowu wu hlamusela vuyelo lebyi vaka kona loko hi tshembeka endyangwini wa hina ni le ka vanghana va hina.”

Xalamuka! Sept. 8

“Xana a wu swi tiva leswaku vavalangi va endla leswaku vanhu vo tala va kuma xo yisa enon’wini? [Yimela nhlamulo.] Kambe ku engeteleka ka vavalangi ka vuyerisa ku tlhela ku vanga swiphiqo. Magazini lowu wu hlamusela leswi pfunaka ni leswi nga pfuniki hi vuvalangi. Wu tlhela wu hlamusela switsundzuxo swin’wana leswi tirhaka eka lava endzelaka ematikweni man’wana.”

Xingheniso Xin’wana: “Kumbexana wa hlamala loko u vona ntirhisano lowu ntumbuluko wu nga na wona. [Boxa xin’wana xa swikombiso leswi tshahiweke eka xihloko.] Xana a swi khomisi gome ku vona vanhu va nga hanyisani hi ku rhula? [Yimela nhlamulo.] Magazini lowu wu hlamusela ndlela leyi ha yona Xikwembu xi nga ta tisa ku rhula ni ntwanano emisaveni ku nga ri khale.” Hlaya Esaya 11:9.