Leswi Hi Nga Swi Vulaka Hi Timagazini

Xihondzo xo Rindza Aug. 15

“Vanhu vo tala va swi lava ku va ni ndhuma leyinene. Van’wana va tivutisa leswaku va ta tsundzukiwa hi yini loko va file. Xana u tshame u anakanya hi mhaka leyi? [Yimela nhlamulo. Kutani u hlaya Eklesiasta 7:1.] Xihondzo xo Rindza lexi xi hlamusela ndlela leyi hi nga tiendlelaka ha yona vito lerinene evanhwini ni le ka Xikwembu.”

Xihondzo xo Rindza Sept. 1

“Vanhu vo tala va anakanya leswaku vukhongeri byo hambana-hambana lebyi nga kona byo va tindlela leti hambaneke leti yaka endhawini yin’we. Van’wana va vula leswaku ku ni vukhongeri byin’we ntsena bya ntiyiso. Xana u kale u anakanya hi mhaka leyi? [Yimela nhlamulo.] Magazini lowu wu hlamusela xifaniso xa khale lexi hlamulaka xivutiso lexi.” Hlamusela Matewu 13:24-30.

Xalamuka! Sept. 8

“Loko wena kumbe xirho xa ndyangu wa wena xi tshame xi xanisiwa, wa yi tiva ndlela leyi swi vavaka ha yona. [Yimela nhlamulo.] Nkandziyiso lowu wa Xalamuka! wu nyika swiringanyeto leswi nga pfunaka vanhu lava xanisiwaka. Wu tlhela wu hlamusela xitshembiso xa Xikwembu xa nkarhi lowu swiphiqo swo fana ni leswi swi nga ta va swi herile.” Hlaya Mikiya 4:4.

“Fexeni yi ni nkucetelo lowukulu evuton’wini bya vanhu vo tala namuntlha. Van’wana va anakanya leswaku leswi munhu a swi ambalaka ni ndlela leyi a langutekaka ha yona, hi swona swi rhangisiwaka swinene evuton’wini. Wena u ri yini hi mhaka leyi? [Yimela nhlamulo.] Xalamuka! leyi yi hlamusela ndlela leyi fexeni yi faneleke yi langutiwa ha yona.” Hlaya Vakolosa 3:12.