Leswi Hi Nga Swi Vulaka Hi Timagazini

Xihondzo xo Rindza Aug. 15

“Ti tele tindhawu leti vanhu va yaka eka tona namuntlha va ya lava mpfuno etimhakeni ta vukati ni ku kurisa vana. Xana u anakanya leswaku ndzayo leyinene yi nga kumeka kwihi? [Yimela nhlamulo.] Nkandziyiso lowu wa Xihondzo xo Rindza wu hlamusela ndzayo yin’wana ya vutlhari leyi humaka eka Muvumbi wa vanhu, leyi ndyangu wu nga hanyaka ha yona.” Hlaya Pisalema 32:8.

Xihondzo xo Rindza Sept. 1

“Hinkwerhu ha swi lava ku va lava tsakeke. Xana u ehleketa leswaku swilo leswi boxiweke laha swi nga endla leswaku hi tsaka hakunene? [Hlaya Matewu 5:4a, 6a, 10a. Kutani u yimela nhlamulo.] Magazini lowu wu hlamusela leswi marito wolawo ya Dyondzo ya le Ntshaveni ma vulaka swona wu tlhela wu hlamusela leswi lavekaka leswaku munhu a va la tsakeke.”

Xalamuka! Sept. 8

“Xana u ehleketa leswaku i swa nkoka ku fikela kwihi leswaku vatatana va katseka evuton’wini bya vana va vona? [Yimela nhlamulo.] Xalamuka! leyi yi hlamusela xiphiqo lexi yaka xi nyanya xa vatatana lava nga riki na nkarhi wo va ni vana va vona. Wu tlhela wu hlamusela ndlela leyi vatatana va nga pfunaka vana va vona ha yona.” Hlaya Swivuriso 13:1.

Xingheniso Xin’wana: “Ku ringanyetiwa leswaku munhu un’we eka va mune u ta kavanyeteka enhlokweni evuton’wini bya yena. Hi tele lava tivaka munhu wo karhi la kavanyetekeke enhlokweni. [Pfula xihloko.] Xihloko lexi xi nyika swiringanyeto leswi pfunaka swa leswi hi nga swi endlaka loko murhandziwa wa hina a kavanyetekile enhlokweni.”