Branch Letter

Eka Vahuweleri Va Mfumo Lava Rhandzekaka:

Muako wa vugandlisi wa swikwere-mitara swa 8 000 lowu engeteriweke erhavini ra hina wu herile naswona se wa tirhisiwa. Ku hoxiwe muchini lowuntshwa wo gandlisa lowu va nge i MAN Lithoman naswona se wu le ku tirheni, wu kota ku kandziyisa timagazini ta 90 000 hi awara. Muchini lowu, swin’we ni lowun’wana wa Hantscho, yi ta kandziyisa tibuku, tanihi leswi Huvo leyi Fumaka yi pfumeleke leswaku Rhavi ra Afrika Dzonga ri kandziyisa tibuku ta xifunengeto xo olova. Sweswi hi lunghiselela ku hoxa muchini wo namarheta swifunengeto swa tibuku, lowu hi rhumeriweke wona hi Rhavi ra le Jarimani.

Nakambe hi karhi hi rhurhisela Ndzawulo yo Rhumela minkandziyiso emuakweni lowuntshwa. Hi hoxe tixelufu letintshwa to paka minkandziyiso eka tona, leti ku nga ta vekiwa swiputsa swa 2 352 swa tibuku ni timagazini. Ku nga ri khale hi ta kuma muchini wa othomethiki wo khunguluxa mabokisi, lowu nga ta olovisa ni ku hatlisisa ku pakiwa ka tioda ta mavandlha ya kwalomu ka 8 000 ya le dzongeni wa Afrika lawa hi rhumelaka tioda ta wona. Sweswi vavalangi va amukeleka hi mandla mambirhi ku endzela eBethele va ta vona muako lowuntshwa wa vugandlisi.

Hi nkarhi wa Xitsundzuxo a va tele lava hisekeleke ntirho wo chumayela ensin’wini ya rhavi ra hina. Hi April maphayona ya nkarhinyana a ma ri 7 297, naswona nhlayo leyintshwa ya lava veke kona eXilalelweni xa Hosi eAfrika Dzonga a yi ri 193 661.

Hina swin’we na n’wina hi langute emahlweni leswaku hi “va ni swo tala swo swi endla entirhweni wa Hosi” tanihi leswi hi sungulaka lembe ra ntirho ra 2005.—1 Kor. 15:58.

Vamakwenu,

Rhavi Ra Afrika Dzonga