Leswi Hi Nga Swi Vulaka Hi Timagazini

Xhihondzo xo Rindza Aug. 15

“Ndzi tsakela ku twa leswaku wena u yi vona njhani mhaka leyi nga laha. [Hlaya Vaheveru 3:4.] Xana wa pfumela leswaku vuako byi vumbiwe hi Muvumbi wo tlhariha? [Yimela nhlamulo.] Magazini lowu wu vulavula hi mhaka ya loko ku pfumela eka Muvumbi swi fambisana ni sayense ya ntiyiso.”

Xalamuka! Aug.

Loko u hlangana ni muntshwa, u nga ha ku: “Tintangha ta wena to tala ti tshama ti twisiwa ku vava hikwalaho ka ku hleviwa hi ndlela yo biha. Xana wena swi tshama swi ku humelela sweswo? [Yimela nhlamulo.] Bibele yi hi nyika xitsundzuxo lexinene lexi nga hi pfunaka loko ku ri leswaku ha hleviwa. Yi tlhela yi kombisa ndlela leyi na hina hi hexe hi nga ri papalataka ha yona rihlevo ro biha.” N’wi kombe nhloko-mhaka leyi sungulaka eka tluka 12, kutani u hlaya rin’wana ra Matsalwa lama nga kwalaho.

Xhihondzo xo Rindza Sept. 1

“Vo tala va vona onge ‘Testamente ya Khale’ ya pfuna hi matimu lawa yi ma tameleke. Kambe va tivutisa loko nkongomiso wa yona wa ha tirha ninamuntlha. Xana wena u swi vona njhani? [Yimela nhlamulo. Kutani u hlaya Varhoma 15:4.] Magazini lowu wu kombisa ndlela leyi nkongomiso lowu nga eka ‘Testamente ya Khale’ wu pfunaka ha yona eka vutomi bya siku ni siku ni ku nyika ntshembo hi ta vumundzuku.”

Xalamuka! Sept.

“Xana u ehleketa leswaku leswi vanhu va swi vitanaka timhangu ta ntumbuluko swi vangiwa hi Xikwembu? [Yimela nhlamulo. Kutani u hlaya Deteronoma 32:4.] Magazini lowu wu kambisisa xivangelo xa ku va Xikwembu xi pfumelela leswaku ku va ni leswi hi swi vulaka timhangu ta ntumbuluko. Nakambe wu hlamusela ndlela leyi u nga wu sirhelelaka ha yona ndyangu wa wena.”