Xiyimiso Xa Nhlangano Wa Ntirho

Vhiki Leri Sungulaka Hi October 14

Risimu 103

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Khutaza hinkwavo leswaku va hlalela vhidiyo leyi nge Our Whole Association of Brothers leswaku va lunghekela mbulavurisano wa Nhlangano wa Ntirho wa vhiki ra October 28. Etindhawini ta le makaya vakulu va fanele va endla matshalatshala ya leswaku mindyangu leyi nga riki na michini ya vhidiyo yi kombiwa vhidiyo leyi. Hi ku tirhisa swiringanyeto leswi nga eka tluka 12, endla minkombiso yimbirhi yo fambisa Xihondzo xo Rindza xa October 15 ni Xalamuka! ya November 8. Eka nkombiso ha wun’we, kombisa ndlela leyi hambaneke yo hlamula lava sivaka bulo hi ku vula va ku “Mina se ndzi wu tiva kahle ntirho wa n’wina.”—Vona buku leyi nge Ku Hlamulana, tluka 20.

20 min: “Xana Wena U Ta Va Kona?” Nkulumo leyi nga ta nyikeriwa hi nkulu, leyi katsaka ni mintokoto. Minhlangano leyikulu yi pfune swinene eku tiyiseni ka vanhu va Xikwembu ku sukela eminkarhini ya ku tsariwa ka Bibele ku fikela enkarhini wa hina. (Vona buku leyi nge Vahuweleri, tluka 254, tindzimana 1-3, na Insight, Vholumo 1, tluka 821, ndzimana 5.) Khutaza hinkwavo leswaku va namba va sungula ku endla malunghiselelo ya leswaku va va kona masiku hinkwawo manharhu entsombanweni wa muganga wa lembe leri. Kombela vayingiseri va hlamusela mintokoto leyi kombisaka leswaku matshalatshala lama va ma endleke leswaku va va kona enkarhini lowu hundzeke ma va vuyerisile hi tlhelo ra moya.

15 min: “Ku Khutazana Hi Ndlela Yo Hlawuleka.” Nkulumo. Endla leswaku vayingiseri va tsakela ku va kona entsombanweni wa muganga. Khutaza hinkwavo leswaku va va kona eka xiyimiso hinkwaxo ku sukela hi Ravuntlhanu nimixo ku ya fikela hi Sonto nindzhenga.

Risimu 65 ni xikhongelo xo pfala.

Vhiki Leri Sungulaka Hi October 21

Risimu 206

10 min: Switiviso swa vandlha. Xiviko xa timali.

20 min: “Ndlela Leyi Valanguteri Va Dyondzo Ya Buku Ya Vandlha Va Kombisaka Nkhathalelo Wa Vona Ha Yona.” Bulo ra swivutiso ni tinhlamulo leri nga ta fambisiwa hi mulanguteri wa Dyondzo ya Buku ya Vandlha. Eka xingheniso xa wena, hlamusela hi ku komisa leswaku lunghiselelo ra dyondzo ya buku ri sungule njhani. (jv-TS 237 ndz. 4) Hlela ka ha ri nkarhi leswaku vahuweleri vambirhi kumbe vanharhu va hlamusela ndlela leyi va vuyeriweke ha yona eka nkhathalelo lowu va kombisiweke wona eka Dyondzo ya Buku ya Vandlha.

15 min: “Lwela Ku Endla Leswinene Minkarhi Hinkwayo.”a Kandziyisa xilaveko xo namarhela malunghiselelo ya vutshamo lawa hi endleriweke wona leswaku hi vuyeriwa. Kandziyisa switsundzuxo swinharhu leswi kumekaka eka ndzimana 2. Hlamusela leswaku ha yini mahanyelo lamanene ya ri ya nkoka eka un’wana ni un’wana.

Risimu 194 ni xikhongelo xo pfala.

Vhiki Leri Sungulaka Hi October 28

Risimu 110

8 min: Switiviso swa vandlha. Kombela hinkwavo leswaku va pfuxeta tinhla leti va ti tsaleke eka nongonoko wa nhlengeletano yo hlawuleka ya siku rin’we leyi hundzeke, leswaku va lunghekela mbulavurisano wa Nhlangano wa Ntirho wa vhiki leri landzelaka. Tsundzuxa vahuweleri leswaku va siya swiviko swa ntirho wa vona wa nsimu wa October. Hi ku tirhisa swiringanyeto leswi nga eka tluka 12, kombela makwerhu wa xisati a kombisa ndlela yo fambisa Xihondzo xo Rindza xa November 1 kutani makwerhu wa xinuna a kombisa ndlela yo fambisa Xalamuka! ya November 8. Endzhaku ka nkombiso wun’wana ni wun’wana, hi ku komisa hlamusela ndlela leyi xingheniso xi tirheke kahle ha yona.

12 min: “Enerisa Xilaveko Xa Wena Xa Moya.” Nkulumo leyi katsaka ni ku burisana ni vayingiseri. Hlamusela leswaku ha yini hinkwerhu hi fanele hi rhiya ndleve swinene eka nongonoko wa ntsombano. Kandziyisa nkoka wa ku tirhisa leswi hi swi dyondzaka ematshan’weni yo yingisela ntsena.

25 min: “Mhaka Leyi Ha Yona Hi Rhandzaka Nhlengeletano Hinkwayo Ya Vamakwerhu.” Namba u vulavurisana ni vayingiseri hi vhidiyo leyi nge Whole Association, u tirhisa swivutiso leswi kumekaka eka xihloko lexi.

Risimu 41 ni xikhongelo xo pfala.

Vhiki Leri Sungulaka Hi November 4

Risimu 66

10 min: Switiviso swa vandlha. Hlamusela xihloko lexi nge “Ku Tlangela Tsima Ro Aka Tiholo Ta Mfumo.”

13 min: “Ku Ambala Ni Ku Tisasekisa Hi Ndlela Leyi Xiximekaka.”b Yi fanele ku fambisiwa hi nkulu, loyi a nga ta hlaya tindzimana to karhi endzhaku ka loko ti hlamuseriwile. Pfuna hinkwavo leswaku va twisisa leswaku ha yini va fanele va languteka kahle loko va ri evanhwini.

22 min: Tivekeni eHansi Ka Xikwembu—Mi Kaneta Diyavulosi. (Yak. 4:7) Hi ku tirhisa swivutiso leswi nga laha hansi, nkulu u vulavurisana hi ndlela leyi hanyaka ni vayingiseri hi nongonoko wa nhlengeletano yo hlawuleka ya siku rin’we leyi khomiweke eka lembe ra ntirho leri hundzeke. Kombela vayingiseri va hlamusela ndlela leyi va swi koteke ha yona ku tirhisa leswi va swi dyondzeke. (Vahuweleri va nga averiwa tinhla leti va nga ta vulavula ha tona ka ha ri emahlweni.) Kandziyisa tinkulumo leti landzelaka: (1) “Ku Titsongahata Eka Xikwembu eMisaveni Leyi Nga eVuhlongeni.” Ha yini hi fanele ku xalamukela ku papalata mintlhamu ya misava? (2) “Ku Kombisa Ku Titsongahata Eka Xikwembu Tanihi Swirho Swa Ndyangu.” Ha yini ku ri ni xilaveko xa xihatla enhlengeletanweni ya Yehovha xo tiyisa vuxaka bya ndyangu? Xana sweswo hi nga swi endlisa ku yini? (3) “Pfuna Vadyondzisiwa Lava Ha Riki Vantshwa Leswaku Va Yima Va Tiyile eTlhelweni Ra Yehovha.” Xana hi nga va pfuna njhani lava ha riki vantshwa leswaku va hlula swihinga leswi ringaka ripfumelo ra vona? (4) “Leswi Ku Kaneta Diyavulosi Swi Vulaka Swona.” I yini lexi nga hi pfunaka ku hlula Diyavulosi? Xana matlhari ya moya lama hlamuseriweke eka Vaefesa 6:11-18 ma nga hi sirhelela njhani? (w92-TS 5/15 21-3) (5) “Vantshwa Lava Humelelaka Eku Kaneteni Ka Lowo Homboloka” ni leyi nge “Vantshwa Lava Vuyeriwaka Hi Ku Titsongahata Eka Xikwembu.” Hi wahi marhengu man’wana ya Sathana lawa vantshwa va faneleke va tivonela eka wona? Xana vantshwa va vuyeriwa njhani hi ku titsongahata eka Yehovha? (w90-TS 8/1 13-14, tindz. 15-17) (6) “Ku Vuyeriwa Hi Ku Titsongahata Eka Xikwembu.” Hlamusela ndlela leyi Vakreste va kombisaka ku titsongahata ha yona eka vulawuri bya mfumo, eka vathori va vona, endyangwini ni le vandlheni ra Vukreste. Hi tihi timfanelo leti nga ta hi pfuna ku endla tano?

Risimu 185 ni xikhongelo xo pfala.

[Tinhlamuselo ta le hansi]