Xiyimiso Xa Nhlangano Wa Ntirho

Vhiki Leri Sungulaka Hi January 13

Risimu 69

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hi ku tirhisa swiringanyeto leswi kumekaka eka tluka 4, hlela minkombiso yimbirhi yo fambisa Xalamuka! ya January 8 na Xihondzo xo Rindza xa January 15. Eka nkombiso wun’wana ni wun’wana, timagazini ti fanele ti nyikeriwa ha timbirhi xikan’we, hambiloko ku vulavuleriwa wun’we ntsena.

15 min: Xana U Kambisisa Matsalwa Siku Na Siku? Nkulumo leyi katsaka ni ku vulavurisana ni vayingiseri. Khutaza hinkwavo leswaku va xi tirhisa swinene xibukwana lexi nge Ku Kambisisa Matsalwa Siku Ni Siku—2003. Vulavula hi tinhlamuselo leti kumekaka eka rito ro rhanga, eka matluka 3-4. Nyika swiringanyeto swa ndlela leyi mindyangu yi nga vulavurisanaka swin’we ha yona hi ndzimana ya siku. Leswaku u kombisa ndlela leyi swi vuyerisaka ha yona ku kambisisa tsalwa siku ni siku, hlamusela swikombiso swimbirhi kumbe swinharhu swa tsalwa ni tinhlamuselo leswi swi nga ta kambisisiwa eka n’hweti leyi landzelaka. Katsa ni nkombiso wo koma wa mpatswa lowu kambisisaka ndzimana ya siku ra namuntlha ni tinhlamuselo ta kona.

20 min: “Ku Hetisisa Xihlambanyo Xa Ku Tinyiketela Ka Hina.”a Endzhaku ko kambisisa ndzimana 3, hi ku komisa vulavurisana ni muntshwa kumbe n’wana wa kondlo-a-ndzi-dyi la khuvuriweke. I mintlhontlho yihi leyi a langutaneke na yona ku sukela loko a khuvuriwile? I yini leswi n’wi pfuneke ku hlangavetana na yona? Xana u vuyeriwe njhani hi ku va a nyiketele vutomi bya yena eka Yehovha?

Risimu 22 ni xikhongelo xo pfala.

Vhiki Leri Sungulaka Hi January 20

Risimu 44

8 min: Switiviso swa vandlha. Xiviko xa timali.

22 min: “Dyondzisa Van’wana Ririmi Leri Tengeke.”b Endzhaku ko kambisisa ndzimana 6, kombela muhuweleri la fanelekaka a kombisa ndlela yo sungula dyondzo ya Bibele ta ha suka loko a endla riendzo ro vuyela, a tirhisa xin’wana xa swingheniso leswi kumekaka eka xiengetelo xa Vutirheli Bya Hina Bya Mfumo bya January 2002, tluka 4. Endla leswaku ku tirhisiwa ni ndzimana yin’we eka broxara leyi nge Leswi Xi Swi Languteleke. Kombela muhuweleri leswaku a gimeta hi ku vutisa xivutiso xa ndzimana leyi landzelaka kutani a hlela ku ta xi hlamula loko a tlhela a vuya. Khutaza hinkwavo leswaku va tivutisa loko eka lava va chumayelaka eka vona ku ri ni lava nga tsakelaka ku dyondza Bibele hi ndlela leyi.

15 min: Mpfuno Wo Yingisa Nawu Wa Xikwembu Malunghana Ni Ngati. Nkulumo leyi nga ta nyikeriwa hi nkulu la fanelekaka, hi ku tirhisa phepha ra nkulumo leri lunghiseleriweke hi hofisi ya rhavi. Matsalana u fanele a va ni mphakelo lowu eneleke wa makhadi lama landzelaka leswaku ma nyikiwa vanhu lava faneleke: Khadi ra Advance Medical Directive/Release na Identity Card. Makhadi lawa ma ta nyikiwa vahuweleri lava khuvuriweke endzhaku ka nhlangano lowu, kambe A MA FANELANGA ma tatiwa sweswi. Makhadi lawa ma ta sayiniwa ni ku tsariwa siku hi vini va wona ni hi timbhoni eka Dyondzo ya Buku ya Vandlha leyi taka, naswona mulanguteri wa Dyondzo ya Buku u ta pfuna lava lavaka mpfuno. Lava va nga ta sayina tanihi timbhoni va fanele va vona n’wini wa khadi hi mahlo loko a ri sayina. Vahuweleri lava nga khuvuriwangiki va nga titsalela makhadi ya vona ni ya vana va vona hi ku landzela leswi nga laha makhadini, swi titshege hi swiyimo swa vona ni leswi vona va pfumelaka swona.

Risimu 68 ni xikhongelo xo pfala.

Vhiki Leri Sungulaka Hi January 27

Risimu 92

10 min: Switiviso swa vandlha. Tsundzuxa vahuweleri leswaku va siya swiviko swa vona swa ntirho wa nsimu eka valanguteri va dyondzo ya buku. Hi ku tirhisa swiringanyeto leswi nga eka tluka 4, hlela minkombiso yimbirhi yo fambisa Xihondzo xo Rindza xa February 1 ni Xalamuka! ya February 8. Eka nkombiso wun’wana ni wun’wana, kombela muhuweleri a gimeta hi ku fambisela n’wini wa muti xiphephana lexi nge Xana U Lava Ku Tiva Swo Tala Hi Bibele?—laha un’wana a nga tsakeriki timagazini kasi loyi un’wana wa ti tsakela. Hi ku komisa, hlamusela ndlela leyi hi nga fambisaka timagazini ha yona loko hi tlhelela eka vanhu lava hi va siyeleke xiphephana.—Vona Vutirheli Bya Hina Bya Mfumo bya November 2001, tluka 4, ndzimana 10.

15 min: Ku Kokiwa Handle Ka Rito. Nkulumo leyi katsaka ni ku vulavurisana ni vayingiseri. Mahanyelo lamanene ya Vakreste ma chumayela hi matimba. Ma hundzule vanghana van’wana va vukati lava nga riki vapfumeri leswaku va va vagandzeri va Yehovha. (1 Pet. 3:1, 2) Hlamusela mintokoto leyi kumekaka eka Xihondzo xo Rindza xa January 1, 1999, tluka 4; Xihondzo xo Rindza xa October 1, 1995, matluka 10-11; na Buku Ya Lembe Ya 1995 (ya Xinghezi), tluka 46. Hlela leswaku vamakwerhu vambirhi kumbe vanharhu va hlamusela vuyelo lebyinene lebyi va byi xiyeke bya ku yingisa ndzayo ya Bibele emhakeni leyi.

20 min: Swilaveko swa vandlha.

Risimu 124 ni xikhongelo xo pfala.

Vhiki Leri Sungulaka Hi February 3

Risimu 9

15 min: Switiviso swa vandlha. Pfuxeta Bokisi Ra Swivutiso. Khutaza vahuweleri leswaku va tirhisa fomo leyi nge Please Follow Up (S-43) loko va hlangana ni vanhu lava feke tindleve kumbe lava vulavulaka Xiputukezi kumbe ririmi rimbe, hilaha swi hlamuseriweke hakona eka papila leri yaka eka mavandlha hinkwawo ra June 1, 2000. Hi ntolovelo, fomo leyi yi fanele yi tirhiseriwa xikongomelo lexi hambiloko munhu a nga kombisi ku tsakela rungula ra Mfumo.

12 min: Tekelela Ripfumelo Ra Vona. Vulavurisana ni nkulu loyi a tirheleke Yehovha hi ku titsongahata ni hi ku tshembeka malembe yo tala. (Hev. 13:7) Xana u wu dyondze njhani ntiyiso? Hi swihi swihinga leswi a bohekeke ku swi hlula leswaku a yima a tiyile? Hi wahi malunghiselelo ya moya kumbe xikhutazo lexi n’wi pfuneke ku endla nhluvuko? Xana u endle yini leswaku a fanelekela ntirho wa ku va mulanguteri evandlheni? (1 Tim. 3:1) I yini leswi n’wi pfuneke ku ringanisela eka vutihlamuleri bya yena bya vandlha, ntirho wa ku tihanyisa ni ku khathalela ndyangu? (1 Tim. 5:8) Xana u titwa njhani hi lunghelo ro pfuna van’wana evandlheni?

18 min: “Ntirho Lowu Lavaka Moya Wa Ku Titsongahata.”c Loko mi fika eka ndzimana 3, kombela vayingiseri va ringanyeta ndlela leyi hi nga angulaka ha yona loko munhu un’wana ensin’wini a ringeta ku hi hlekula, a hi karihela, a lava ku kanetana na hina kumbe a hi hlundzukela. Loko mi fika eka ndzimana 4, katsa ni tinhlamuselo leti nga eka Insight, Vholumo 1, tluka 1160, ndzimana 3.

Risimu 133 ni xikhongelo xo pfala.

[Tinhlamuselo ta le hansi]