Xiyimiso Xa Nhlangano Wa Ntirho

Vhiki Leri Sungulaka Hi August 11

Risimu 101

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Marungula Ya Swa Mfumo. Hi ku tirhisa swiringanyeto leswi nga eka tluka 8, hlela minkombiso yimbirhi yo fambisa Xihondzo xo Rindza xa August 15 ni Xalamuka! ya September 8. Eka nkombiso wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwe yin’we ntsena. Eka wun’wana wa minkombiso leyi, kombisa ndlela yo hlamula munhu la sivaka bulo a ku, “Ndzi khomekile.”—Vona buku leyi nge Ku Hlamulana, tluka 19.

15 min: “Tekelela Vunene Bya Yehovha.”a Kombela vayingiseri va hlamusela mintokoto yo koma leyi kombisaka ndlela leyi ku kombisa vunene swi yi pfuleke ha yona ndlela yo chumayela. Bumabumela vandlha hikwalaho ka matshalatshala lawa ri ma endleke yo pfuna vapfumeri-kulobye.

20 min: “Mikateko Leyi Taka Ni Ntirho Wa Vuphayona.”b Tirhisa swivutiso leswi nga kona laha. Kombela phayona rin’we kumbe mambirhi ma hlamusela mikateko leyi ma yi kumeke hikwalaho ko phayona. Boxa leswaku un’wana ni un’wana loyi a tsakelaka ku nghenela vuphayona a nga tikumela fomo eka matsalana.

Risimu 11 ni xikhongelo xo pfala.

Vhiki Leri Sungulaka Hi August 18

Risimu 82

12 min: Switiviso swa vandlha. Xiviko xa timali. Bulani hi xihloko lexi nge “Xiyimiso Xa Nhlengeletano Yo Hlawuleka Ya Siku Rin’we.” Tivisa siku ra nhlengeletano yo hlawuleka ya siku rin’we leyi landzelaka u tlhela u khutaza hinkwavo leswaku va va kona. Loko nhlengeletano leyi yi ta khomiwa eka tin’hweti ti nga ri tingani leti landzelaka, boxa leswaku lava va navelaka ku khuvuriwa va fanele va tivisa mulanguteri la ungamelaka.

15 min: “Ntirho Lowu Phyuphyisaka.”c Hlela ka ha ri ni nkarhi leswaku vahuweleri vambirhi kumbe vanharhu va hlamusela ndlela leyi ntirho wa Vukreste wo chumayela wu va phyuphyisaka ha yona.

18 min: “A Hi Hlayiseni Tindhawu Ta Hina To Gandzela Eka Tona Ti Ri Eka Xiyimo Lexinene.”d (Tindzimana 1-5) Tirhisa swivutiso leswi nga kona laha. Loko mi fika eka tindzimana 3 na 4, pfuxeta malunghiselelo lama nga kona evandlheni ra ka n’wina yo basisa Holo ya Mfumo. Bula hi nchumu wun’wana ni wun’wana lowu lavaka ku lunghisiwa. Bumabumela vandlha hikwalaho ka matshalatshala ya rona yo endla leswaku ndhawu leyi yi fanela vugandzeri bya ntiyiso.

Risimu 114 ni xikhongelo xo pfala.

Vhiki Leri Sungulaka Hi August 25

Risimu 175

10 min: Switiviso swa vandlha. Xana hi nga langutela ku engeteleka ka vahuweleri eka n’hweti ya August? Tsundzuxa vahuweleri leswaku va yisa swiviko swa ntirho wa nsimu wa August eka valanguteri va vona Dyondzo ya Buku ya Vandlha. Valanguteri va Dyondzo ya Buku ya Vandlha va fanele ku tiyiseka leswaku swiviko hinkwaswo swa ntlawa wa vona swi va swi helerile leswaku loko ku fika September 6 swi va swi rhumeriwile. Nakambe va fanele ku tiyiseka leswaku va hlengeleta ni swiviko hinkwaswo leswi nga kumekangiki eka lembe ra ntirho kutani va swi nyika matsalana. Hi ku tirhisa swiringanyeto leswi nga eka tluka 8, hlela minkombiso yimbirhi yo fambisa Xihondzo xo Rindza xa September 1 ni Xalamuka! ya September 8. Eka nkombiso wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwe yin’we ntsena. Eka nkombiso wun’wana ni wun’wana mutswari ni n’wana wa yena wa jaha kumbe wa n’hwana va fanele va va va ri karhi va lunghiselela ku ya entirhweni wo fambisa timagazini. Va pfuxeta xingheniso xin’wana ni xin’wana hi ku komisa va nga si endla nkombiso ha xona.

15 min: Swilaveko swa vandlha.

20 min: Vana Ni Xivindzi Xo Chumayela. (1 Tes. 2:2) Nkulumo leyi katsaka vayingiseri. Hlamusela leswaku ha yini vo tala swi va chavisa ku tshinelela van’wana va va byela rungula ra Mfumo. Hambi ku ri vanhu lava nga ni malembe va ri karhi va chumayela swa ha va tikela. Hlamusela yin’wana ya mintokoto leyi kumekaka eka Xihondzo xo Rindza xa December 1, 1999, tluka 25; Xihondzo xo Rindza xa December 15, 1999, tluka 25 na Xihondzo xo Rindza xa April1, 1996, tluka 31. Kombela vayingiseri va hlamusela ndlela leyi va swi koteke ha yona ku kuma xivindzi xo byela van’wana mahungu lamanene loko va titwa va ri ni ku chava. Gimeta hi ku va khutaza leswaku va tiseketela hi Yehovha, u tirhisa Xihondzo xo Rindza xa December 15, 1999, matluka 23-4.

Risimu 125 ni xikhongelo xo pfala.

Vhiki Leri Sungulaka Hi September 1

Risimu 84

10 min: Switiviso swa vandlha. Tsundzuxa vahuweleri leswaku va siya swiviko swa ntirho wa nsimu wa August leswi seleke kumbe swiviko swa tin’hweti leti hundzeke leswi seleke. Boxa minkandziyiso leyi nga ta fambisiwa hi September. Hlamusela nhluvuko lowu veke kona ensin’wini leyi nga aviwangiki. Tivisa vandlha hi malunghiselelo ya n’hweti ya September. Hlela ka ha ri emahlweni leswaku muhuweleri un’we kumbe vambirhi va hlamusela mintokoto leyi khutazaka leyi va hlanganeke na yona ku ta fikela sweswi.

15 min: Xana Wa Xi Hetisisa Xitshembiso Xa Wena Xo Tlhelela Eka Lava Kombiseke Ku Tsakela? Nkulumo leyi katsaka vayingiseri leyi sekeriweke eka Xihondzo xo Rindza xa September 15, 1999, matluka 10-11, ehansi ka xihloko lexi nge “Tindlela Tin’wana Ta Ku Hlayisa Switshembiso Swa Hina.” Loko hi kuma vanhu lava tsakelaka ensin’wini, hi ntolovelo hi va byela leswaku hi ta yisa bulo emahlweni enkarhini lowu taka. Xana ha tlhelela hi laha hi tshembiseke ha kona? Boxa misinya ya milawu ya Bibele leyi nga hi khutazaka leswaku hi hetisisa switshembiso swa hina. Kombela vayingiseri va hlamusela mintokoto leyi kombisaka ndlela leyi va vuyeriweke ha yona hi ku hatla va tlhelela eka vanhu lava kombiseke ku tsakela.

20 min: “A Hi Hlayiseni Tindhawu Ta Hina To Gandzela Eka Tona Ti Ri Eka Xiyimo Lexinene.”e (Tindzimana 6-12) Tirhisa swivutiso leswi nga kona laha. Kandziyisa nkoka wa ku hlayisa Holo ya Mfumo yi ri exiyin’weni lexinene, u hlamusela bokisi leri nga eka tluka 5. Hlamusela xiyimo xa Holo ya ka n’wina ya Mfumo hi ku komisa u tlhela u boxa makungu wahi ni wahi lawa mi nga na wona yo yi pfuxeta, mi yi lunghisa.

Risimu 41 ni xikhongelo xo pfala.

[Tinhlamuselo ta le hansi]