Switiviso

◼ Minkandziyiso leyi nga ta fambisiwa hi October: Timagazini ta Xihondzo xo Rindza ni Xalamuka! Lava va kombiseke ku tsakela va fanele va siyeriwa broxara leyi nge Leswi Xi Swi Languteleke kutani ku endliwa matshalatshala yo hlawuleka yo sungula tidyondzo ta Bibele. November: I Yini Leswi Xikwembu Xi Swi Languteleke Eka Hina? kumbe Vutivi Lebyi Yisaka eVuton’wini Lebyi Nga Heriki. Loko vanhu ana se va ri na yona minkandziyiso leyi, va nga fambiseriwa buku leyi nge Gandzela Xikwembu Xi Ri Xin’we Xa Ntiyiso kumbe nkandziyiso wun’wana wa khale. December: Nghwazi Leyi Tshameke Yi Hanya. Loko swi laveka u nga ha fambisa Buku Yanga Ya Timhaka Ta Bibele, kumbe leyi nge Bibele—I Rito Ra Xikwembu Kumbe I Ra Munhu? Buku leyi nge U Nga Hanya Hi Masiku aParadeyisini eMisaveni yi nga fambisiwa loko vandlha ri ri na yona exitokweni. January: Buku yihi ni yihi leyi vandlha ri nga na yona exitokweni leyi humesiweke emahlweni ka 1988. Loko mi nga ri na tona exitokweni, vutisani mavandlha lama nga ekusuhi na n’wina loko ma ri na yona minkandziyiso ya khale leyi engetelekeke leyi mi nga yi tirhisaka. Mavandlha lama nga riki na tona tibuku ta khale ma nga fambisa buku leyi nge Ku Lavisisa Ka Vanhu Xikwembu kumbe Xihundla Xa Ntsako eNdyangwini.

◼ Xiengetelo xin’wana lexi nga kona eka nkandziyiso lowu wa Vutirheli Bya Hina Bya Mfumo i “Xiyimiso Xa Xikolo Xa Vutirheli Bya Le Tilweni Xa 2004” naswona xi fanele xi hlayisiwa leswaku xi ta tirhisiwa eka lembe hinkwaro ra 2004.

◼ Vakulu lava nga emavandlheni lava averiweke ku ya entsombanweni wa matiko hinkwawo va nga endla xiboho xa ku khoma dyondzo ya buku eku sunguleni ka vhiki rero kumbe va nga hlela leswaku hafu ya dyondzo yi khomiwa evhikini leri rhangelaka ra ntsombano kutani hafu leyin’wana eka vhiki leri landzelaka. Tivisani vandlha ka ha ri ni nkarhi. Mavandlha lama nga ta ya entsombanweni wa muganga, ma fanele ma khoma dyondzo ya wona ya buku hi vhiki ra ntsombano. Xikolo ni Nhlangano wa Ntirho a swi nge khomiwi hi vhiki ra ntsombano.

◼ Loko minkarhi ya minhlangano ya vandlha ra ka n’wina yi ta cinca hi January 1, matsalana wa vandlha u fanele ku tivisa hofisi ya rhavi hi ku cinca koloko, hi ku rhumela fomo leyi nge Congregation Meeting Information (S-5). Loko ku ri ni xilaveko, mphakelo lowuntshwa wa swiphephana leswi kombisaka minkarhi ya minhlangano wu nga odiwa hi ku tirhisa fomo leyi nge Swikombelo Swa Swirhambo (S-(d)-16). Swirhambo swi fanele swi komberiwa ka ha sele mavhiki ya nhungu leswaku swi sungula ku tirhisiwa.

◼ Mavandlha ma fanele ku sungula ku endla swikombelo swa ndzimana ya lembe ya 2004 loko ma endla swikombelo swa wona swa tibuku hi October. Ku ta kumeka nkandziyiso wa bodo ntsena. Mpimo wa yona wu ta va 1,000mm x 350mm. Ndzimana ya lembe yi ta kumeka hi Xibunu, Xinghezi, Xisuthu, Xixhosa na Xizulu. Mavandlha ma nga endla xikombelo xa ndzimana yin’we ya lembe ntsena, eka ririmi ha rin’we. Ku ringanyetiwa leswaku mavandlha ma fanele ma kombisa ndzimana ya lembe leyintshwa hi January 1, 2004.

◼ Hofisi ya rhavi a yi rhumeli swikombelo swa tibuku swa munhu wun’we. Mulanguteri la ungamelaka u fanele ku hlela leswaku ku endliwa xitiviso n’hweti yin’wana ni yin’wana ku nga si rhumeriwa xikombelo xa vandlha xa tibuku, leswaku hinkwavo lava tsakelaka ku tikumela tibuku ta vona, va ta tivisa makwerhu la tamelaka tibuku. Tsundzukani leswaku hi tihi tibuku leti welaka eka swikombelo swo hlawuleka.

◼ Nkulumo yo hlawuleka ya le rivaleni leyi fambisanaka ni nkarhi wa Xitsundzuxo xa 2004 yi ta nyikeriwa hi Sonto, April 18. Nhloko-mhaka ya yona yi ta tivisiwa hi ku famba ka nkarhi. Mavandlha lawa ma nga ta va ma endzeriwe hi mulanguteri wa xifundzha kumbe lama nga ta va ni nhlengeletano hi mahelo-vhiki wolawo, ma ta va ni nkulumo yo hlawuleka evhikini leri landzelaka. A ku fanelanga ku va ni vandlha leri vaka ni nkulumo yo hlawuleka emahlweni ka April 18, 2004.

◼ Tibuku Letintshwa Leti Kumekaka:

Watch Tower Publications Index 2002—Xinghezi

◼ Tikhasete Letintshwa Leti Kumekaka:

Yimbelelani Tinsimu Ta Mfumo—No. 3—Xizulu

◼ Tikhasete Letintshwa Ta Vhidiyo Leti Kumekaka:

Elementary Bible Teachings—On Videocassette, Volume 1—Ririmi Ra Mavoko Ra Le Amerika