Xiyimiso Xa Nhlangano Wa Ntirho

Vhiki Leri Sungulaka Hi June 14

Risimu 168

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tirhisa swiringanyeto leswi nga eka tluka 4 (loko swi fanela nsimu ya ka n’wina) u kombisa ndlela yo fambisa Xihondzo xo Rindza xa June 15 ni Xalamuka! ya July 8. Eka nkombiso wun’wana kombisa muhuweleri a ri karhi a chumayela endhawini ya mabindzu. Ku nga ha tirhisiwa ni swingheniso swin’wana leswi tirhaka.

20 min: “Yehovha U Pfuna Lava N’wi Tshembaka.”a Loko mi bula hi ndzimana 4, katsa ni tinhlamuselo leti nga eka buku leyi nge Xikolo Xa Vutirheli, tluka 67, ndzimana 2.

15 min: Ha Yini Hi Papalata Ku Tirhisa Swidzidzirisi? Bulo ni vayingiseri leri sekeriweke eka buku leyi nge Ku Hlamulana, matluka 251-4. Swi tolovelekile leswaku vanhu va “titsakisa” hi swidzidzirisi. Vo tala va vula leswaku ku tirhisa swidzidzirisi hi ndlela yoleyo a swi na khombo; van’wana va kala va lava leswaku swi va enawini. Hlamusela leswaku hi nga va pfuna njhani vanhu vo tano. Katsa ni tinhlamuselo leti nga le bokisini ra Xalamuka! ya November 8, 1999, tluka 10.

Risimu 179 ni xikhongelo xo pfala.

Vhiki Leri Sungulaka Hi June 21

Risimu 29

10 min: Switiviso swa vandlha. Marungula Ya Swa Mfumo.

15 min: “Tintsumi Ta Hi Pfuna.”b Loko nkarhi wu pfumela, kombela vayingiseri va hlamusela matsalwa lama tshahiweke.

20 min: Vutlhari Lebyi Humaka eHenhla Bya Anakanyela. (Yk 3:17) Nkulumo leyi katsaka ku vulavurisana ni vayingiseri leyi sekeriweke ebukwini leyi nge Xikolo Xa Vutirheli, matluka 251-2. Xana swi vula yini ku va la anakanyelaka? Ha yini swi ri swa nkoka evutirhelini bya hina? Hi nga dyondza yini eka xikombiso xa muapostola Pawulo? Xana vahuweleri va nga kombisa hi ndlela yihi leswaku va anakanyela ndhavuko wa vanhu va le nsin’wini ya ka vona? Xana hi nga swi pfuna njhani swichudeni swa Bibele leswaku swi va leswi anakanyelaka? Hlela ka ha ri emahlweni leswaku muhuweleri un’we kumbe vambirhi va hlamusela mintokoto leyi kombisaka vuyelo lebyi tisiwaka hi ku va la anakanyelaka vanhu loko u vulavula na vona.

Risimu 53 ni xikhongelo xo pfala.

Vhiki Leri Sungulaka Hi June 28

Risimu 139

12 min: Switiviso swa vandlha. Xiviko xa timali. Tsundzuxa vahuweleri leswaku va siya swiviko swa ntirho wa nsimu wa June. Tirhisa swiringanyeto leswi nga eka tluka 4 (loko swi fanela nsimu ya ka n’wina), u kombisa ndlela yo fambisa Xihondzo xo Rindza xa July 1 ni Xalamuka! ya July 8. Enkombisweni ha wun’we, kombela muhuweleri a sungula bulo hi marito yo koma lama nga ni xinghana. Hlamusela leswaku loko hi endla tano swi ta pfuna n’wini wa muti leswaku a titwa a ntshunxekile.

15 min: Swilaveko swa vandlha.

18 min: “Xivangelo Xa Ku Va Ni Dyondzo Ya Buku Ya Vandlha.”c Tirhisa swivutiso leswi kumekaka eka xihloko lexi. Katsa ni tinhlamuselo leti nga eka xihloko lexi nge “Pfuna Mulanguteri Wa Dyondzo Ya Buku Ya Vandlha Ra Ka N’wina,” lexi nga eka Vutirheli Bya Hina Bya Mfumo bya November 2002, tluka 1.

Risimu 20 ni xikhongelo xo pfala.

Vhiki Leri Sungulaka Hi July 5

Risimu 3

10 min: Switiviso swa vandlha.

15 min: Xana U Ta Ku Yini? Nkulumo leyi katsaka ku vulavurisana ni vayingiseri. Hi July na hi August, hi ta va hi fambisa tibroxara. Hi tihi tibroxara leti vahuweleri va ti kumeke ti pfuna ensin’wini ya le ndhawini ya ka n’wina? Pfuxeta swingheniso leswi nga eka Vutirheli Bya Hina Bya Mfumo bya July 1998, tluka 8, kumbe eka byin’wana bya nkarhi lowu hundzeke. Kandziyisa leswaku xingheniso ha xin’we xi katsa (1) xivutiso, (2) tsalwa ni (3) yinhla leyi u nga bulaka ha yona enkandziyisweni. Endla nkombiso hi xingheniso xin’we kumbe swimbirhi. Khutaza hinkwavo leswaku va tirhisa Bibele loko va chumayela mahungu lamanene.

20 min: Leswi Vana Va Swi Lavaka Eka Vatswari. Nkulumo leyi katsaka ku vulavurisana ni vayingiseri leyi sekeriweke eka buku leyi nge Dyondza Eka Mudyondzisi Lonkulu, matluka 6-7. I swa nkoka leswaku vana va dyondza misinya ya milawu ya Bibele leyi nga ya nkoka eka vugandzeri bya ntiyiso ni ku twisisa xivangelo-nkulu xa ku va vatswari va va dyondzisa yona. Bula hi swiringanyeto leswi vuriweke swo dyondza buku leyi. Kombela vatswari leswaku va hlamusela ndlela leyi va yi tirhiseke ha yona buku leyi ku dyondzisa vana va vona. Kombela n’wana un’we kumbe vambirhi va vula leswaku i yini xi va endlaka va tsakela buku leyi.

Risimu 65 ni xikhongelo xo pfala.

[Tinhlamuselo ta le hansi]