Xiyimiso Xa Nhlangano Wa Ntirho

Xiya: Vutirheli Bya Hina Bya Mfumo byi ta va ni xiyimiso xa Nhlangano wa Ntirho wa vhiki rin’wana ni rin’wana hi tin’hweti ta ntsombano. Mavandlha ma nga endla ku cinca ko karhi leswaku ma kota ku va kona eka Ntsombano wa Muganga lowu nge “Famba Ni Xikwembu.” Loko swi fanerile, tirhisani timinete ta 15 eka Nhlangano wa Ntirho wo hetelela mi nga si ya entsombanweni, leswaku mi pfuxeta tinhla ta ndzayo leti kumekaka eka xiengetelo xa October, leti ti tirhaka endhawini ya ka n’wina. Hi n’hweti ya February 2005, ku ta va ni Nhlangano wa Ntirho lowu eka wona hinkwawo ku nga ta pfuxetiwa tinhla-nkulu ta nongonoko wa ntsombano. Leswaku hi tilunghiselela mbulavurisano lowu, hinkwerhu hi fanele hi tsala tinhla ta nkoka hi nkarhi wa ntsombano, ku katsa ni tinhla leti kongomeke leti un’wana ni un’wana wa hina a lavaka ku ti tirhisa evuton’wini bya yena ni le nsin’wini. Kutani hi nga khutaza van’wana hi ku hlamusela leswaku hi swi tirhise njhani swiringanyeto leswi.

Vhiki Leri Sungulaka Hi November 8

Risimu 180

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hi November hi ta fambisa buku leyi nge Dyondza Eka Mudyondzisi Lonkulu. Hi ku komisa, pfuxeta swiringanyeto swo fambisa buku leyi leswi nga eka Vutirheli Bya Hina Bya Mfumo bya May 2004, tluka 3.

15 min: Xana U N’wi Byerile Muthori Wa Wena Hi Ta Ntsombano? Nkulumo leyi nga ta nyikeriwa hi nkulu leyi katsaka ku bula ni vayingiseri, leyi sekeriweke eka xihloko lexi nge “Xana Wena U Ta Va Kona?” lexi nga eka Vutirheli Bya Hina Bya Mfumo bya October 2002, tluka 1. Katsa ni tinhlamuselo leti nga eka buku leyi nge Xikolo Xa Vutirheli, tluka 67.

20 min: “Tshamani Mi Ri Karhi Mi Hiteka!”a Katsa ni tinhlamuselo leti humaka eka Xihondzo xo Rindza xa January 15, 2000, matluka 12-13.

Risimu 19 ni xikhongelo xo pfala.

Vhiki Leri Sungulaka Hi November 15

Risimu 170

10 min: Switiviso swa vandlha. Loko swiringanyeto leswi nga eka tluka 4 swi fanela nsimu ya vandlha ra n’wina, endla nkombiso ha swona, u kombisa ndlela leyi Xihondzo xo Rindza xa November 15 ni Xalamuka! ya December 8 swi nga fambisiwaka ha yona. Ku nga ha tirhisiwa ni swingheniso swin’wana leswi tirhaka.

20 min: Xana Wa Swi Tiva Leswaku Ku Nyika Swi Tisa Ntsako Wa Njhani? Nkulumo leyi sekeriweke eka Xihondzo xo Rindza xa November 1, 2004, matluka 19-23.

15 min: Tsakela Ku Pfuna Van’wana. (Yoh. 4:34) Mimbulavurisano. Swa tsakisa ku vona munhu a ri karhi a n’wayitela loko a twa ntiyiso wa Rito ra Xikwembu. (w94-TS 3/1 tl. 29 tindz. 5-6) Vulavurisana ni maphayona kumbe vahuweleri vambirhi kumbe vanharhu, lava swi va fambelaka kahle loko va tirhisa Bibele ensin’wini ni loko va sungula ni ku fambisa tidyondzo ta Bibele. Xana va ku hlakulela njhani ku tsakela loko va kume munhu la tsakelaka? Hi wihi ntsako lowu va wu kumaka loko va endla tano? Va kombele leswaku va hlamusela mintokoto ya le nsin’wini ya vona kumbe va endla nkombiso wa leswi endlekeke.

Risimu 66 ni xikhongelo xo pfala.

Vhiki Leri Sungulaka Hi November 22

Risimu 199

10 min: Switiviso swa vandlha. Xiviko xa timali.

20 min: Swilaveko swa vandlha.

15 min: Vuyeriwa Swinene Eka Nhlangano Wa Ntirho. Bulo ni vayingiseri leri sekeriweke eka buku leyi nge Vutirheli Bya Hina, matluka 71-2. Hi tihi tindlela ta ntlhanu leti Nhlangano wa Ntirho wu hi pfunaka ha tona leswaku hi endla nhluvuko tanihi vachumayeri lava nga Vakreste? Vula swikombiso leswi kumekeke eka Nhlangano wa Ntirho wa tin’hweti leti ta ha ku hundzaka. Hi byihi vuyelo lebyi vaka kona loko u lunghiselela ka ha ri emahlweni? Ha yini hi fanele hi va kona nkarhi hinkwawo? Nhlangano lowu wu landzela xikombiso xihi xa Matsalwa?

Risimu 58 ni xikhongelo xo pfala.

Vhiki Leri Sungulaka Hi November 29

Risimu 23

10 min: Switiviso swa vandlha. Tsundzuxa vahuweleri leswaku va siya swiviko swa ntirho wa nsimu swa November. Kombisa ndlela yo fambisa Xihondzo xo Rindza xa December 1 ni Xalamuka! ya December 8.

10 min: Bokisi Ra Swivutiso. Nkulumo hi nkulu.

25 min: “Ku Fambisa Tidyondzo Ta Bibele Leti Endlaka Nhluvuko—Xiyenge 3.”b Tirhisa swivutiso leswi kumekaka eka xihloko lexi. Endzhaku ko bula hi ndzimana 3, endla leswaku ku va ni nkombiso wo koma wa xichudeni xa Bibele lexi dyondzaka dyondzo 5, ndzimana 1, eka broxara leyi nge Leswi Xi Swi Languteleke. Ndzimana se yi hlayiwile ni xivutiso xi hlamuriwile. Mufambisi wa dyondzo ni xichudeni va hlaya va tlhela va bula hi Esaya 45:18 na Eklesiasta 1:4. Mufambisi wa dyondzo u tirhisa swivutiso swo olova leswaku a endla xichudeni xi hlamusela ndlela leyi tsalwa rin’wana ni rin’wana ri fambelanaka ha yona ni yinhla leyi va dyondzaka ha yona.

Risimu 178 ni xikhongelo xo pfala.

Vhiki Leri Sungulaka Hi December 6

Risimu 96

10 min: Switiviso swa vandlha. Boxa nkandziyiso lowu nga ta fambisiwa hi December. Endla nkombiso wun’we kumbe mimbirhi leyi nga tirhisiwaka loko ku fambisiwa buku leyi nge Nghwazi.

20 min: “Xana U Nga Pfuna Van’wana?”c Vulavurisana ni muhuweleri un’we kumbe vambirhi lava tlangeleke mpfuno kumbe xikhutazo lexi va xi kumeke eka van’wana.

15 min: Mintokoto ya le vandlheni ra ka n’wina. Kombela vayingiseri va hlamusela mintokoto leyi va tsakiseke loko va ri ensin’wini leyi nga aviwangiki kumbe ensin’wini leyi vandlha ri yi tirhaka hi xiwelo. Loko vandlha ri nga tirhanga emasin’wini lawa, kombela vayingiseri va hlamusela mintokoto leyi va veke na yona loko va chumayela hi xitshuketa endhawini ya mabindzu lama nga ensin’wini ya vandlha ra n’wina ni le nsin’wini leyi mi yi tirhaka nkarhi na nkarhi. Loko ku ri ni mintokoto leyi tsakisaka, hlela ka ha ri emahlweni leswaku ku va ni lava nga ta endla nkombiso wa leswi endlekeke. Bumabumela hinkwavo hikwalaho ka leswi va seketeleke tsima ra nsimu leyi nga aviwangiki.

Risimu 101 ni xikhongelo xo pfala.

[Tinhlamuselo ta le hansi]