Xiyimiso Xa Nhlangano Wa Ntirho

Vhiki Leri Sungulaka Hi July 11

Risimu 49

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tirhisa swiringanyeto leswi nga eka tluka 4 (loko swi fanela nsimu ya ka n’wina) u kombisa ndlela yo fambisa Xihondzo xo Rindza xa July 15 ni Xalamuka! ya August 8. Ku nga ha tirhisiwa ni swingheniso swin’wana leswi tirhaka. Nkombiso ha wun’we a wu kombise ndlela leyi hambaneke yo vulavurisana ni lava va sivaka bulo, va ku, “Ndzi khomekile.”—Vona buku leyi nge Ku Hlamulana, matl. 19-20.

15 min: Hlamusela malunghiselelo ya nsimu leyi nga aviwangiki. Yi fanele ku nyikeriwa hi mulanguteri wa ntirho. Hlamusela papila leri vulavulaka hi nsimu leyi nga aviwangiki, ra May 31, 2005, vula minkandziyiso leyi nga ta fambisiwa ni masiku lawa ku nga ta fambiwa ha wona, ndhawu leyi nga ta tirhiwa, byetlelo ni malunghiselelo ya swo famba. Xana va kona lava nga vaka maphayona ya nkarhinyana? Mavandlha lama nga yiki ensin’wini leyi nga aviwangiki ma fanele ku bula hi leswi ma swi kunguhateke leswaku ma ta tirha masimu lama tirhiwaka hi xiwelo.

20 min: “Ku Chumayela Vanhu Vo Tala Hilaha Swi Nga Kotekaka Hakona.”a Loko mi bula hi ndzimana 5, pfuxeta swiringanyeto leswi nga eka Vutirheli Bya Hina Bya Mfumo bya June 2005, tluka 8, leswi tirhaka ensin’wini ya ka n’wina.

Risimu 88 ni xikhongelo xo pfala.

Vhiki Leri Sungulaka Hi July 18

Risimu 173

10 min: Switiviso swa vandlha. Hi ku komisa bula hi rungula leri nga eka Xihondzo xo Rindza xa August 15, 2000, tluka 32. Kandziyisa vuyelo byo namarhela xiyimiso xo hlaya Bibele siku ni siku, hambiloko hi ye eku wiseni niloko hi nga ri eku endleni mintirho ya hina ya siku ni siku.

15 min: “Ku Fambisa Tidyondzo Ta Bibele Leti Endlaka Nhluvuko—Xiyenge 11.”b Katsa ni nkombiso wa mufambisi wa dyondzo ya Bibele swin’we ni muhuweleri lontshwa lava lunghiselelaka ku ya eka riendzo ro vuyela. Va pfuxeta leswi va swi vuleke eka riendzo ro sungula kutani va hlawula yinhla leyi faneleke leyi va nga ta vulavula ha yona eka riendzo ro vuyela. Va tlhela va lunghiselela xingheniso xo olova ni xivutiso lexi a nga ta xi vutisa loko va gimeta riendzo ra vona. Nkombiso wu gimeta loko muhuweleri a vula leswaku muhuweleri lontshwa a a n’wi kombe leswi a nga ta swi endlisa xiswona ivi va suka exitejini.

20 min: Pfuna Van’wana Ku Twisisa Bibele. Bulo ra swivutiso ni tinhlamulo leri sekeriweke eka buku leyi nge Gandzela Xikwembu, matluka 24-5, tindzimana 3-6. Tirhisa swivutiso leswi kumekaka ebukwini leyi. Katsa ni tinhlamuselo leti kumekaka eka tluka 32 ra broxara leyi nge Buku Ya Vanhu Hinkwavo.

Risimu 10 ni xikhongelo xo pfala.

Vhiki Leri Sungulaka Hi July 25

Risimu 138

15 min: Switiviso swa vandlha. Hlaya xiviko xa timali ni papila ro nkhensa minyikelo, leri humaka erhavini. Tivisa vandlha hi malunghiselelo yo hetelela yo ya ensin’wini leyi nga aviwangiki ku sukela hi August 1. Tirhisa swiringanyeto leswi nga eka tluka 4 (loko swi fanela nsimu ya ka n’wina) u kombisa ndlela yo fambisa Xihondzo xo Rindza xa August 1 ni Xalamuka! ya August 8. Ku nga ha tirhisiwa ni swingheniso swin’wana leswi tirhaka. Eka nkombiso wun’wana, muhuweleri a a fambise timagazini hi xitshuketa emakete kumbe endhawini ya mani na mani.

10 min: Dyondzisa N’wana Wa Wena Ntiyiso. (Det. 6:7) Nkulumo hi nkulu leyi sekeriweke eka Xihondzo xo Rindza xa August 15, 2002, matluka 30-1. Kandziyisa misinya ya milawu ya Matsalwa leyi kombisaka ndlela leyi mutswari la nga Mukreste a nga letelaka n’wana wa yena ha yona hambileswi munghana wa yena wa vukati a nga riki Mbhoni.

20 min: “Leswi Hi Swi Kolotaka Van’wana.”c Katsa ni tinhlamuselo leti humaka eka Xihondzo xo Rindza xa July 1, 2000, tluka 11, ndzimana 13.

Risimu 82 ni xikhongelo xo pfala.

Vhiki Leri Sungulaka Hi August 1

Risimu 187

15 min: Switiviso swa vandlha. Marungula Ya Swa Mfumo. Tsundzuxa vahuweleri leswaku va tisa swiviko swa vona swa ntirho wa nsimu wa July. Kombela vayingiseri leswaku va pfula eka tluka 70 ebukwini leyi nge Xikolo Xa Vutirheli, kutani u bula na vona hi tindzimana 1-2 ni bokisi leri nge “Ndlela Yo Hlamula eMinhlanganweni.”

15 min: “Pfuna Vana Va Wena Va Endla Nhluvuko eNsin’wini.” Nkulumo leyi katsaka ku bula ni vayingiseri. Katsa ni nkombiso wa mutswari ni n’wana lava tirhisaka xingheniso xo olova. Mutswari a a gimete rungula ra vona hi ku hlamusela lunghiselelo ra munyikelo hi ku komisa.

15 min: Xana U Tshame U Ringeta Xingheniso Lexi Pfumelelanaka Ni Xiyimo? Nkulumo leyi katsaka ku bula ni vayingiseri leyi sekeriweke eka Vutirheli Bya Hina Bya Mfumo bya January 2005, tluka 6. Pfuxeta swiringanyeto leswi kombisiweke, kutani u kombisa ndlela leyi hi nga xi tirhisaka ha yona xingheniso lexi pfumelelanaka ni xiyimo hi ku tirhisa nkandziyiso lowu fambisiwaka hi August. Endla nkombiso wun’we kumbe mimbirhi hi swingheniso leswi ringanyetiweke.

Risimu 218 ni xikhongelo xo pfala.

[Tinhlamuselo ta le hansi]