Xiyimiso Xa Nhlangano Wa Ntirho

Xiya: Vutirheli Bya Hina Bya Mfumo byi ta va ni xiyimiso xa Nhlangano wa Ntirho xa vhiki rin’wana ni rin’wana etinh’wetini leti taka. Mavandlha ma nga ha endla ndzulamiso lowu faneleke leswaku ma kuma nkarhi wo ya eNtsombanweni wa Muganga wa “Ku Yingisa Xikwembu.” Loko swi koteka, tirhisani 15 wa timinete ta Nhlangano wa Ntirho wa vhiki leri rhangelaka ra ntsombano leswaku mi pfuxeta switsundzuxo leswi tirhaka endhawini ya ka n’wina, leswi kumekaka eka xiengetelo xa n’hweti yoleyi. Endzhaku ka nh’weti yin’we kumbe timbirhi loko ntsombano wu hundzile, hlelani leswaku ku va ni Nhlangano wa Ntirho lowu vekeriweke etlhelo, lowu mi nga ta tirhisa timinete ta 15 ku ya eka 20 (kumbexana mi tirhisa nkulumo ya swilaveko swa vandlha) leswaku mi pfuxeta tinhla-nkulu ta ntsombano leti vahuweleri va ti kumeke ti pfuna ensin’wini. Nkulumo leyi yo hlawuleka ya Nhlangano wa Ntirho, yi ta hi nyika nkarhi wo hlamusela ndlela leyi hi swi tirhisaka ha yona leswi hi swi dyondzeke entsombanweni ni ndlela leyi swi hi pfuneke ha yona leswaku swi hi fambela kahle ngopfu ensin’wini.

Vhiki Leri Sungulaka Hi October 10

Risimu 17

10 min: Switiviso swa vandlha. Bula hi malunghiselelo ya nsimu leyi nga aviwangiki leyi nga ta tirhiwa hi mahelo-vhiki ya October 29, 30, 2005. Va khutaze hinkwavo leswaku va seketela malunghiselelo lawa yo hetelela. Switiviso leswi hlawuriweke eka Vutirheli Bya Hina Bya Mfumo. Tirhisa swiringanyeto leswi nga eka tluka 12 (loko swi fanela nsimu ya n’wina) u kombisa ndlela yo fambisa Xihondzo xo Rindza xa October 15 ni Xalamuka! ya November 8. Endzhaku ka nkombiso ha wun’we, kandziyisa leswinene leswi dyondziweke eka nkombiso wolowo. Ku engetela kwalaho, tirhisa swihloko leswin’wana eka timagazini leti, leswi nga ha tsakeriwaka hi vanhu va le nsin’wini ya ka n’wina.

15 min: Xana U Hlaya Kahle? Bulo ni vayingiseri leri sekeriweke eka swiyenge leswi hlawuriweke eka buku leyi nge Xikolo Xa Vutirheli, matluka 21-6. Hi swihi swin’wana leswi hi nga swi katsaka eka nongonoko wa hina wa ku hlaya? (tl. 21, bokisi) Ha yini swi ri swa nkoka leswaku hi hlaya minkandziyiso leyi hi lunghiseleriweke yona? (tl. 23, ndz. 2) Hi xihi xilotlelo xa leswaku hi hambeta hi va ni xiyimiso xo hlaya? (tl. 26, tindz. 3-4) Xana u xi endla njhani xiyimiso xo hlaya timagazini ta Xihondzo xo Rindza ni Xalamuka!? Xana leswi swi ku vuyerise njhani?

20 min: “Hambeta U Vulavula Rito Ra Xikwembu Hi Vurhena.”a Kombela vayingiseri va hlamusela swiyimo leswi eka swona swi tikaka ku va ni vurhena lebyi lavekaka loko hi chumayela. I yini leswi va pfuneke leswaku va va ni vurhena?

Risimu 78 ni xikhongelo xo pfala.

Vhiki Leri Sungulaka Hi October 17

Risimu 36

10 min: Switiviso swa vandlha. Marungula Ya Swa Mfumo. Tiirhisa xiyenge 3 xa xiengetelo xa Vutirheli Bya Hina Bya Mfumo bya September 2005, u pfuxeta yinhla yin’we kumbe timbirhi ta ndlela leyi hi nga ma tirhisaka ha yona Matsalwa hi ndlela leyi humelelaka loko hi fambisa tidyondzo ta Bibele.

15 min: “Xana Wa Swi Tirhisa Swiphephana Swa Xirhambo?” Nkulumo leyi katsaka ku bula ni vayingiseri. Kombela vayingiseri va hlamusela vuyelo lebyinene lebyi va veke na byona hikwalaho ko tirhisa swiphephana swa xirhambo. Katsa ni nkombiso wo koma wa muhuweleri loyi a rhambelaka munhu la tsakelaka eminhlanganweni hi xiphephana xa xirhambo.

20 min: “Khathalela Van’wana—Hi Ku Va Ni Musa.”b Kombela vayingiseri va hlamusela ndlela leyi ha yona hi nga vaka ni musa eka vanhu loko hi ri ensin’wini. Tinhla tin’wana to khathalela lava hi va chumayelaka ti ta kambisisiwa eka minkandziyiso ya nkarhi lowu taka ya Vutirheli Bya Hina Bya Mfumo.

Risimu 2 ni xikhongelo xo pfala.

Vhiki Leri Sungulaka Hi October 24

Risimu 68

15 min: Switiviso swa vandlha. Hlaya xiviko xa timali ni marito yo nkhensa minyikelo. Tirhisa xin’wana xa swingheniso leswi ringanyetiweke eka xiengetelo xa Vutirheli Bya Hina Bya Mfumo bya January 2005 kumbe xingheniso xin’wana lexi fanelaka nsimu ya ka n’wina, u kombisa ndlela yo fambisa nkandziyiso lowu fambisiwaka hi November.—Vona Vutirheli Bya Hina Bya Mfumo bya January 2005, tl. 8, ndz. 5.

30 min: “Vongani Yehovha eNhlengeletanweni Leyikulu.”c Yi ta nyikeriwa hi matsalana wa vandlha. Vula ntsombano lowu vandlha ri averiweke eka wona. Bulani hi tindzimana ta xihloko lexi tanihi laha mi endlaka hakona eka Dyondzo ya Xihondzo xo Rindza. Avelani makwerhu wo karhi leswaku a hlaya tindzimana leti. Pfuxetani bokisi leri nge “Switsundzuxo Swa Ntsombano Wa Muganga.”

Risimu 153 ni xikhongelo xo pfala.

Vhiki Leri Sungulaka Hi October 31

Risimu 209

10 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu wa October. Tirhisa swiringanyeto leswi nga eka tluka 12 (loko swi fanela nsimu ya n’wina) u kombisa ndlela yo fambisa Xihondzo xo Rindza xa November 1 ni Xalamuka! ya November 8. Eka nkombiso wun’wana, andlala masungulo ya riendzo ro vuyela hi ku n’wi komba bokisi leri nge “Enkandziyisweni Werhu Lowu Landzelaka.”—Vona Vutirheli Bya Hina Bya Mfumo bya October 1998, tl. 12, tindz. 7-8.

15 min: Hlakulela Ku Tsakela Hi Ku Hambeta U Yisela Munhu Timagazini. Nkulumo leyi katsaka ku bula ni vayingiseri leyi sekeriweke eka Vutirheli Bya Hina Bya Mfumo bya May 2005, tluka 8. Xana hi nga endla njhani leswaku hi hambeta hi yisela munhu timagazini? (ndz. 1) Xana hi nga ri lunghiselela njhani bulo ra hina ra nkarhi na nkarhi, laha hi nga ta bula hi tsalwa rin’we ntsena? (ndz. 3) Ha yini hi fanele hi hlamusela swo karhi handle ko hlaya tsalwa leri hi ri hlawuleke ntsena? (ndz. 4) Xana u nga endla njhani leswaku munhu loyi u tshamelaka ku n’wi yisela timagazini a hetelela a dyondzeriwa Bibele? (ndz. 5) Katsa ni nkombiso wa muhuweleri loyi a bulaka hi tsalwa rin’we ni munhu loyi a hambetaka a n’wi yisela timagazini.

20 min: Vantshwa Lava Yimaka Va Tiyile Kambe Va Ri Ni Xichavo. Nkulumo hi nkulu leyi sekeriweke eka Xihondzo xo Rindza xa September 15, 2002, matluka 23-4, ehansi ka xihlokwana lexi nge “Ala Hi Ndlela Leyi Xiximekaka.” Hlela ka ha ri emahlweni leswaku muntshwa un’we kumbe vambirhi va hlamusela mintshikilelo leyi va langutaneke na yona exikolweni ni leswaku i yini lexi va pfuneke ku langutana na yona hi ndlela leyi humelelaka.

Risimu 222 ni xikhongelo xo pfala.

Vhiki Leri Sungulaka Hi November 7

Risimu 39

5 min: Switiviso swa vandlha.

20 min: Antswisa Ndlela Leyi U Yingisaka Ha Yona Loko U Ri eMinhlanganweni. Nkulumo leyi katsaka ku bula ni vayingiseri leyi sekeriweke eka Xihondzo xo Rindza xa September 15, 2002, matluka 12-14, tindzimana 11-14. Pfuxeta swiringanyeto leswi nyikeriweke kutani u kombela vayingiseri va hlamusela leswi va pfuneke leswaku va kota ku vuyeriwa swinene eminhlanganweni ya vandlha.

20 min: “Dyondza Vutshila Byo Hlamulana Ni Vanhu.”d Kombela vahuweleri lava u va hlawuleke leswaku va hlamusela leswaku va swi kote njhani ku hlamulana ni vanhu va mindhavuko yo hambana-hambana ensin’wini ya ka vona.

Risimu 50 ni xikhongelo xo pfala.

[Tinhlamuselo ta le hansi]