Xiyimiso Xa Nhlangano Wa Ntirho

Vhiki Leri Sungulaka Hi March 13

Risimu 41

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tirhisa swiringanyeto leswi nga eka tluka 8 kumbe xingheniso xin’wana lexi fanelaka nsimu ya n’wina, u kombisa ndlela yo fambisa Xihondzo xo Rindza xa March 15 ni Xalamuka! ya March. Emakumu ka nkombiso ha wun’we, muhuweleri a a rhambe n’wini wa muti eXitsundzuxweni hi ku tirhisa xirhambo lexi nga eka tluka ro hetelela ra magazini wolowo.

15 min: “Pfuna Vanhu Leswaku Va Vuyeriwa Hi Nkutsulo.”a Nkulumo leyi landzelaka yi ta ya emahlweni yi hlamusela ndlela leyi hi nga ma tirhisaka ha yona matluka 206-8 ya buku leyi nge Leswi Bibele Yi Swi Dyondzisaka loko hi rhambela vanhu eXitsundzuxweni.

20 min: Xilalelo Xa Hosi I Nkhuvo Lowu Dzunisaka Xikwembu. Bulo ra swivutiso ni tinhlamulo leri sekeriweke eka matluka 206-8 ya buku leyi nge Leswi Bibele Yi Swi Dyondzisaka. Eka xingheniso lexi nga tluliki minete, kombisa ndlela yo sungula bulo ni n’wini wa muti hi ku n’wi hlayela ndzimana yo sungula. Kutani kombela vayingiseri va hlamula swivutiso leswi landzelaka handle ko hlaya tindzimana: (ndz. 2) Xana Yesu u xi simeke rini Xitsundzuxo ra rifu rakwe? (ndz. 3) Xana Xilalelo xa Hosi xi fanele xi tlangeriwa kangani? (ndz. 4) Xana Bibele yi wu hlamusela njhani nkhuvo lowu wa Xitsundzuxo? (ndz. 5) Xana hi swi tivisa ku yini leswaku Yesu a nga hundzulanga xinkwa xi va miri wa yena ni vhinyo yi va ngati ya yena? (ndz. 6) Xana xinkwa xo pfumala comela xi fanekisela yini? (ndz. 7) Xana vhinyo yo tshwuka yi fanekisela yini? (ndz. 8) Xana xinkwa ni vhinyo swi fanele swi dyiwa hi vamani ntsena? (ndz. 9) Xana Xitsundzuxo xi tlangeriwa rini lembe rin’wana ni rin’wana naswona ha yini hi fanele hi va kona? Loko nkarhi wu pfumela kandziyisa matsalwa-nkulu. Khutaza hinkwavo leswaku va dyondza rungula leri ni swichudeni swa Bibele ni vanhu van’wana lava va va rhambelaka eXitsundzuxweni hi ku va hlayela tindzimana toleto, va bula hi tinhla-nkulu naswona va tirhisa swivutiso swo olova swo tanihi leswi nga laha henhla.

Risimu 134 ni xikhongelo xo pfala.

Vhiki Leri Sungulaka Hi March 20

Risimu 18

10 min: Switiviso swa vandlha. Marungula Ya Swa Mfumo. Pfuxeta tinhla-nkulu ta bokisi leri nge “Leswi Faneleke Swi Tsundzukiwa Malunghana Ni Xitsundzuxo.”

23 min: Xikhundlha Lexi Kreste A Nga Na Xona eLunghiselelweni Ra Xikwembu. Nkulumo leyi sekeriweke ebukwini leyi nge Ku Hleleriwa Ku Endla Ku Rhandza Ka Yehovha, matluka 10-13. Loko u bula hi tindzimana timbirhi to sungula leti nga ehansi ka xihlokwana lexi nge “Xikhundlha Xa Kreste,” tirhisa timinete tinharhu kumbe ta mune u hlamusela u tlhela u endla nkombiso wa tindlela to tirhisa xirhambo xa Xitsundzuxo. Pfuxeta swiringanyeto leswi nga eka Vutirheli Bya Hina Bya Mfumo bya February 2006, tluka 3, ndzimana 3.

12 min: Tiyisiwa Hi Ku Kambisisa Matsalwa Siku Ni Siku. Nkulumo leyi nga ni nkombiso, leyi katsaka ku bula ni vayingiseri leyi sekeriweke eka rito ro rhanga ra xibukwana lexi nge Ku Kambisisa Matsalwa Siku Ni Siku—2006. Hlela leswaku ku va ni nkombiso wa ndyangu lowu kambisisaka ndzimana ya siku ya namuntlha wu tlhela wu hlaya ni nhlamuselo ya kona.

Risimu 103 ni xikhongelo xo pfala.

Vhiki Leri Sungulaka Hi March 27

Risimu 44

15 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu wa March. Hlaya xiviko xa timali ni marito yo nkhensa minyikelo. Tirhisa swiringanyeto leswi nga eka tluka 8 kumbe xingheniso xin’wana lexi fanelaka nsimu ya n’wina, u kombisa ndlela yo fambisa Xihondzo xo Rindza xa April 1 kumbe Xalamuka! ya April. Tlhela u kombisa ndlela yo tirhisa xirhambo xa Xitsundzuxo ku rhamba lava tsakelaka.

10 min: Xana Hinkwaswo Swa Ha Ri eHansi Ka Vulawuri Bya Xikwembu? Nkulumo leyi nga ni nkombiso, leyi sekeriweke eka tluka ro hetelela ra Xihondzo xo Rindza xa April 1, 2006. Tirhisani nkarhi wun’wana ni wun’wana ku rhambela vanhu eka nkulumo yo hlawuleka. Tiyisekani leswaku mi rhamba swichudeni hinkwaswo swa Bibele swin’we ni swirho swa mindyangu ya swichudeni sweswo, leswi nga hlanganyeliki loko ku dyondziwa Bibele. Vanhu hinkwavo lava hi va tivaka leswaku va tsakela ni van’wana lava hi hlanganaka na vona ensin’wini va fanele va rhambiwa na vona. Endla nkombiso wo tirhisa Xihondzo xo Rindza xa April 1 loko u rhamba munhu la holeke kumbe loyi a tshikeke ku ta eminhlanganweni.

20 min: “Dyondzisa Lava Titsongahataka Leswaku Va Famba eNdleleni Ya Xikwembu.”b Katsa ni tinhlamuselo leti sekeriweke eka Xihondzo xo Rindza xa July 1, 2004, tluka 16, ndzimana 9.

Risimu 170 ni xikhongelo xo pfala.

Vhiki Leri Sungulaka Hi April 3

Risimu 199

15 min: Switiviso swa vandlha. Hi ku komisa pfuxeta xihloko lexi nge “Tiphine Hi Dyondzo Ya Buku Leyi Nge Xana Bibele Yi Dyondzisa Yini Hakunene?” Bula hi xiyimiso xa dyondzo ya buku leyi nge Leswi Bibele Yi Swi Dyondzisaka. Tlhela u kombisa ndlela yo tirhisa xirhambo xa Xitsundzuxo ku rhamba lava tsakelaka.

10 min: Swilaveko swa vandlha.

20 min: Ku Tolovelana Ni Buku Ya Hina Leyintshwa Yo Dyondzisa. Nkulumo leyi katsaka ku bula ni vayingiseri. Kombela vayingiseri va hlamusela swilo leswi va swi tsakeleke ebukwini leyi nge Leswi Bibele Yi Swi Dyondzisaka, swo tanihi swivutiso leswi nga le hansi ka nhloko-mhaka ni bokisi ra mpfuxeto leri kandziyisaka tinhla-nkulu ta ndzima yin’wana ni yin’wana (matl. 106, 114), swifaniso (matl. 122-3, 147, 198), ni xiengetelo (tl. 197, tindz. 1-2). Buku leyi ya khutaza naswona ya tsakisa (tl. 12, ndz. 12). Yi ni tinhlamuselo to olova ni leti kongomeke (tl. 58, ndz. 5) naswona yi tirhisa swifaniso leswi twisisekaka (tl. 159, ndz. 12). Xingheniso xa buku leyi xi hi pfuna ku sungula tidyondzo ta Bibele (matl. 3-7). Endla nkombiso wa ndlela leyi hi nga ri tirhisaka ha yona bokisi leri nga eka tluka 7 eka xichudeni lexintshwa xa Bibele. Hlamusela mintokoto yo tsakisa leyi veke kona hikwalaho ko tirhisa buku leyi leyintshwa.

Risimu 93 ni xikhongelo xo pfala.

[Tinhlamuselo ta le hansi]