Mpfuxeto Wa Xikolo Xa Vutirheli Bya Le Tilweni

Swivutiso leswi landzelaka swa mpfuxeto ku ta buriwa ha swona eXikolweni xa Vutirheli bya le Tilweni hi vhiki leri sungulaka hi August 27, 2007. Mulanguteri wa xikolo u ta fambisa mpfuxeto wa timinete ta 30 lowu sekeriweke eka rungula ra tinkulumo leti nyikeriweke ku sukela eka vhiki ra July 2 ku ya eka August 27, 2007.

TINHLA TO TIRHELA EKA TONA

1. Xana hi nga va xixima njhani vanhu loko hi ri ensin’wini ni le vandlheni? [be-TS tl. 192 tindz. 2-4]

2. I yini lexi nga xa nkoka lexi nga ta hi pfuna leswaku hi vulavula hi ku tiyiseka? [be-TS tl. 196 tindz. 1-3]

3. Hi swihi swiringanyeto swin’wana leswi nga ta hi pfuna leswaku hi va ni vuxiyaxiya loko hi ri karhi hi chumayela? [be-TS tl. 198 tindz. 1-5]

4. Ku va ni vuxiyaxiya swi fambisana njhani ni ku chumayela vanhu hi nkarhi lowu faneleke? (Swiv. 25:11) [be-TS tl. 199 tindz. 1-3]

5. Xana tinkulumo ta hina hi nga tinyikela njhani hi ndlela leyi akaka? [be-TS tl. 203 ndz. 3–tl. 204 ndz. 1]

NKULUMO NO. 1

6. I yini leswi nga vuriwaka hi matsalelo ya Ezekiyele ni leswi buku ya yena yi katsiweke ematsalweni yo kwetsima swin’we ni ndlela leyi yi pakanisaka ha yona? [si-TS tl. 133 ndz. 3]

7. Hi yihi mfanelo leyi nga ya nkoka leyi munhu a faneleke a va na yona leswaku a kota ku tiyisela loko a nga kombiwi vululami? [w05-TS 6/1 tl. 29 ndz. 4]

8.Xana hi dyondza yini eka ndlela leyi Yesu a va hlamuleke ha yona Vasaduki lava n’wi vutiseke hi ta ku pfuxiwa ka lava feke? (Luka 20:37, 38) [be-TS tl. 66 ndz. 4]

9.Loko xichudeni xa Bibele kumbe mupfumeri-kuloni a vutisa leswaku u fanele a endla yini eka swiyimo swo karhi, xana u fanele u hlamula njhani? [be-TS tl. 69 tindz. 4-5]

10. I yini leswi katsekaka leswaku munhu a ‘endliwa a va muntshwa ematimbeni lama susumetaka mianakanyo ya yena’? (Efe. 4:23) [be-TS tl. 74 ndz. 4]

KU HLAYA KA BIBELE KA VHIKI NI VHIKI

11. Eka Ezekiyele 9:2-4, xana wanuna la ambaleke ntsembyana u yimela yini, naswona ‘mfungho lowu nga emimombyeni’ ya vanhu wu yimela yini? [w88-TS 9/15 tl. 14 ndz. 18]

12. Xana varhangeri va vukhongeri bya Vujagana va fana njhani ni ‘vaprofeta lavo hunguka, lava a va famba hi ku landza moya wa vona’ lava hlamuseriweke eka Ezekiyele 13:3? [w99-TS 10/1 tl. 13]

13. Loko Vaisrayele va vula marito yo “hlekula” lama kumekaka eka Ezekiyele 18:2, xana a va ringeta ku endla yini naswona hi yihi dyondzo ya nkoka leyi kandziyisiweke emhakeni ya ku va ni vutihlamuleri? [w88-TS 9/15 tl. 18 ndz. 10]

14. Xana Ezekiyele u ‘tsandzeke ku vulavula’ hi ndlela yihi hi nkarhi wa ku rhendzeriwa ni ku lovisiwa ka Yerusalema? (Ezek. 24:27; 33:22) [w03-TS 12/1 tl. 29]

15. Xana i mani “Gogo wa tiko ra Magogo” naswona u ta sungula rini ku hlasela vanhu va Yehovha? (Ezek. 38:2, 16) [w97-TS 3/1 tl. 14 ndz. 1–tl. 15 ndz. 3]