Xiyimiso Xa Nhlangano Wa Ntirho

Vhiki Leri Sungulaka Hi October 8

Risimu 56

10 min: Switiviso swa vandlha. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina, u endla nkombiso wo fambisa Xihondzo xo Rindza xa October 15 ni Xalamuka! ya October. Eka nkombiso ha wun’we, timagazini ti fanele ti fambisiwa ti ri timbirhi, hambiloko ku vulavuleriwe wun’we ntsena. Hlamusela malunghiselelo ya nsimu leyi nga aviwangiki hi October. Khutaza hinkwavo leswaku va hlanganyela hi xitalo tanihi leswi yi nga n’hweti yo hetelela ya tsima ra nsimu leyi nga aviwangiki.

20 min: Tshama U Ri eKusuhi Ni Nhlengeletano Ya Yehovha. Nkulumo leyi katsaka ku bula ni vayingiseri leyi sekeriweke eka ndzima 17 ya buku leyi nge Ku Hleleriwa Ku Endla Ku Rhandza Ka Yehovha.

15 min: “Nkandziyiso Wo Hlawuleka Wa Xalamuka! Lowu Nga Ta Fambisiwa Hi November!”a Hi ku komisa pfuxeta leswi nga endzeni ka Xalamuka! ya November. Kutani u ya emahlweni ni xihloko hi bulo ra swivutiso ni tinhlamulo. Loko mi bula hi ndzimana 3, endla nkombiso wo fambisa Xalamuka! ya November u tirhisa xiringanyeto lexi nga eka tluka 8 kumbe xingheniso xin’wana lexi fanelaka nsimu ya n’wina. Loko u nga si gimeta nkombiso andlala masungulo ya riendzo ro vuyela.

Risimu 10

Vhiki Leri Sungulaka Hi October 15

Risimu 67

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

20 min: Xana Ntiyiso Wu Veka Mihandzu Eka Lava U Va Dyondzisaka? Nkulumo leyi katsaka ku bula ni vayingiseri leyi sekeriweke eka matluka 28-30 ya Xihondzo xo Rindza xa February 1, 2005. Katsa ni tinhlamuselo ta ndlela leyi swivutiso swa buku leyi nge Leswi Bibele Yi Swi Dyondzisaka swi hleriweke ha yona leswaku swi hi pfuna ku kumisisa leswi nga embilwini ya xichudeni. Hlamusela swikombiso swi nga ri swingani, swo fana ni leswi nga eka ndzimana 19 ya ndzima 1; ndzimana 4 ya ndzima 2; ndzimana 24 ya ndzima 3; na ndzimana 18 ya ndzima 4. Khutaza vahuweleri leswaku va ti tirhisa swinene tindlela to hambana-hambana to dyondzisa, leti nga ebukwini leyi.

15 min: Wa Tsundzuka Xana? Bulo ni vayingiseri leri sekeriweke eka tluka 19 ra Xihondzo xo Rindza xa August 15, 2007.

Risimu 151

Vhiki Leri Sungulaka Hi October 22

Risimu 175

15 min: Switiviso swa vandlha. Marungula Ya Swa Mfumo. Hlaya xiviko xa timali ni marito yo nkhensa minyikelo. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina, u endla nkombiso wa ndlela yo fambisa Xihondzo xo Rindza xa November 1 ni Xalamuka! ya November.

30 min: “Landzela Kreste Hi Ku Va Ni Xindzhuti,” xihloko lexi xi kumeka eka xiengetelo xa Vutirheli Bya Hina Bya Mfumo bya September 2007.b Yi fanele yi nyikeriwa hi matsalana wa vandlha. Byela vandlha ntsombano lowu ri averiweke eka wona. Pfuxetani bokisi leri nge “Switsundzuxo Swa Ntsombano Wa Muganga.”

Risimu 23

Vhiki Leri Sungulaka Hi October 29

Risimu 124

10 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu swa October. Boxa minkandziyiso leyi nga ta fambisiwa hi November, kutani u endla nkombiso hi wun’wana wa minkandziyiso yoleyo.

15 min: Tivekele Tipakani Ta Moya Leswaku U Vangamisa Muvumbi Wa Wena. Nkulumo leyi katsaka ku bula ni vayingiseri leyi sekeriweke eka matluka 21-3 ya Xihondzo xo Rindza xa July 15, 2004. Kombela vayingiseri va hlamusela tipakani ta moya leti va ti vekeleke tona ni leswi va swi endlaka leswaku va ti fikelela. U nga ha hlela ka ha ri emahlweni leswaku ku va ni muhuweleri un’we kumbe vambirhi lava nga ta hlamusela.

20 min: “Endla Leswaku Swisiwana Swi Va Ni Ntshembo.”c Loko mi bula hi ndzimana 2 katsa ni tinhlamuselo leti nga eka matluka 27-8 ya Xalamuka! ya September 8, 2003.

Risimu 7

Vhiki Leri Sungulaka Hi November 5

Risimu 156

10 min: Switiviso swa vandlha.

15 min: Ndlela Yo Sirhelela Vana Va Wena Hi Vutlhari Bya Xikwembu. Nkulumo leyi sekeriweke eka matluka 23-7 ya Xihondzo xo Rindza xa January 1, 2005.

20 min: “Ha Khutazana Hinkwerhu.”d Kombela vayingiseri va hlamusela ndlela leyi mulanguteri wa xifundzha kumbe wa muganga a va khutazeke ha yona loko a endzele vandlha ra ka vona. U nga ha hlela ka ha ri emahlweni leswaku ku va ni muhuweleri un’we kumbe vambirhi lava nga ta hlamusela.

Risimu 192

[Tinhlamuselo ta le hansi]