Xiyimiso Xa Nhlangano Wa Ntirho
Vhiki Leri Sungulaka Hi February 11
10 min: Switiviso swa vandlha. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina, u endla nkombiso wo fambisa Xihondzo xo Rindza xa February 1 ni Xalamuka! ya February.
15 min: Xana U Nga Ya U Ya Pfuna Laha Ku Nga Ni Xilaveko Lexikulu? Nkulumo leyi katsaka ku bula ni vayingiseri, leyi sekeriweke eka Xihondzo xo Rindza xa July 15, 2003, tluka 20. Katsa ni tinhlamuselo leti humaka ebukwini leyi nge Ku Hleleriwa, tluka 111, ndzimana 1, ku ya eka tluka 112, ndzimana 1. Hi ku komisa, vulavurisana ni lava rhurheleke laha ku nga ni xilaveko lexikulu. Hi swihi swiphiqo leswi va langutaneke na swona naswona va swi tlhantlhe njhani? Hi yihi mikateko leyi va yi kumeke?
20 min: Pfuna Lava Ha Ku Sungulaka Ku Hlanganyela Va Va Vachumayeri. Endzhaku ka xingheniso lexi nga tluliki minete, yana emahlweni ni bulo ra swivutiso ni tinhlamulo, leri sekeriweke eka Xihondzo xo Rindza xa December 1, 2005, tluka 31, u tirhisa swivutiso swa tindzimana ta xihloko xexo. Loko mi heta ku bula hi ndzimana 18, endla nkombiso lowu kombisaka n’wini wa muti a kaneta muhuweleri la ha ku sungulaka ku huma nsimu, la fambaka ni muhuweleri la nga ni ntokoto. Ndlela leyi muhuweleri la nga riki na ntokoto a hlamulaka ha yona a yi n’wi enerisi n’wini wa muti kutani u n’wi byela leswaku va tsema bulo ra vona. Loko va huma endlwini yoleyo, muhuweleri la nga ni ntokoto u bumabumela la nga riki na ntokoto hikwalaho ka matshalatshala ya yena kutani a n’wi komba ndlela leyi a nga va hlamulaka ha yona lava kanetaka enkarhini lowu taka, a tirhisa buku leyi nge Ku Hlamulana.
Vhiki Leri Sungulaka Hi February 18
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.
10 min: Swilaveko swa vandlha.
25 min: “Vumbhoni Bya Ripfumelo!”a Yi fanele yi nyikeriwa hi mulanguteri wa ntirho. Gimeta hi ku hlamusela hi ku komisa leswi vandlha ri swi endleke elembeni ra n’wexemu ra ntirho.
Vhiki Leri Sungulaka Hi February 25
10 min: Switiviso swa vandlha. Marungula Ya Swa Mfumo. Tsundzuxa vahuweleri leswaku va tisa swiviko swa vona swa ntirho wa nsimu swa February. Hlaya xiviko xa timali ni marito yo nkhensa minyikelo. Endla nkombiso wa ndlela leyi xirho xa ndyangu kumbe muakelani a nga rhambiwaka ha yona eXitsundzuxweni.
20 min: “Ku Tsundzuka Nkutsulo Hi Ntsako.”b Loko nkarhi wu pfumela, kombela vayingiseri va hlamusela matsalwa lama kombisiweke.
15 min: Lunghiselela Ku Fambisa Timagazini Leta Ha Ku Humaka. Bulo ni vayingiseri. Endzhaku ko hlamusela Xihondzo xo Rindza xa March 1 ni Xalamuka! ya March hi ku komisa, vutisa vayingiseri leswaku hi swihi swihloko leswi va vonaka leswaku vanhu va ta swi tsakela ensin’wini naswona ha yini. Rhamba vayingiseri ku boxa tinhla to karhi leti va vonaka leswaku va nga ti tirhisa, eka swihloko leswi va lavaka ku swi tirhisa loko va fambisa magazini. Hi swihi swivutiso leswi va nga ta swi tirhisa ku sungula bulo? Hi rihi tsalwa leri nga exihlokweni leri va nga ta ri hlaya? Endla nkombiso wo fambisa Xihondzo xo Rindza xa March 1 ni Xalamuka! ya March, u tirhisa swiringanyeto sweswo.
Vhiki Leri Sungulaka Hi March 3
10 min: Switiviso swa vandlha. Hlamusela tinhla ta nkoka ebokisini leri nge “Leswi Faneleke Swi Tsundzukiwa Malunghana Ni Xitsundzuxo.”
20 min: Xana U Nga Sungula Dyondzo Ya Bibele Hi March? Bulo ni vayingiseri. Hi March hi ta fambisa buku leyi nge Leswi Bibele Yi Swi Dyondzisaka, hi xikongomelo xo sungula tidyondzo ta Bibele. Hlamusela tinhla tin’wana ta nkoka ebukwini leyi. Bula hi ndlela leyi buku leyi yi nga fambisiwaka ha yona loko muhuweleri a tlhelela eka munhu la tsakeleke loko a nyikiwa xirhambo xa Xitsundzuxo, loko a tlhelela laha a siyeke magazini niloko a chumayela hi yindlu ni yindlu endzhaku ka March 22. (Vona km-TS 3/06 tl. 1, ndz. 3; matl. 3-6; km-TS 8/07 tl. 3) Endla nkombiso wun’we kumbe yimbirhi hi xin’wana xa swingheniso leswi mi buleke ha swona.
15 min: Tirhisa Bibele Loko U Hlamula Swivutiso. Nkulumo leyi katsaka ku bula ni vayingiseri, leyi sekeriweke eka matluka 143-4 ya buku leyi nge Xikolo Xa Vutirheli. Katsa ni nkombiso wo koma wa muhuweleri la vutisiwaka xin’wana xa swivutiso leswi talaka ku vutisiwa emugangeni lowu a tshamaka eka wona kutani a xi hlamula hi ku tirhisa Bibele.
[Tinhlamuselo ta le hansi]
a Xingheniso xa wena xi nga heti minete ivi ku landzela bulo ra swivutiso ni tinhlamulo.
b Xingheniso xa wena xi nga heti minete ivi ku landzela bulo ra swivutiso ni tinhlamulo.