Xiyimiso Xa Nhlangano Wa Ntirho
Vhiki Leri Sungulaka Hi June 9
10 min: Switiviso swa vandlha. Tirhisa swingheniso leswi nga eka tluka 4 kumbe swingheniso swin’wana leswi fanelaka nsimu ya n’wina, u endla nkombiso wo fambisa Xihondzo xo Rindza xa June 1 ni Xalamuka! ya June.
20 min: Ndlela Yo Lunghiselela Ku Fambisa Dyondzo Ya Bibele. Nkulumo leyi sekeriweke eka Vutirheli Bya Hina Bya Mfumo bya August 2004, tluka 1. Endzhaku ko bula hi xihloko lexi, vana ni nkombiso wa muhuweleri la ringetaka ku lungheka hi ku hatlisa leswaku a ta fambisa dyondzo ya Bibele. Tlhela u va ni muhuweleri un’wana loyi a lunghiselelaka hi ku kambisisa swiringanyeto leswi nga eka Vutirheli Bya Hina Bya Mfumo.
15 min: “Hambeta U Chumayela, U Nga Heli Matimba.”a Loko nkarhi wu pfumela, kombela vayingiseri va hlamusela matsalwa lama kombisiweke.
Vhiki Leri Sungulaka Hi June 16
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tsundzuxa vahuweleri leswaku va ta ni Xihondzo xo Rindza xa July 1 ni Xalamuka! ya July eka Nhlangano wa Ntirho wa vhiki leri landzelaka naswona va ta va lunghekele ku bula hi swingheniso leswi faneleke leswi va lavaka ku swi tirhisa.
15 min: Kandziyisa Ndlela Leyi Mahungu Lamanene Ma Pfunaka Ha Yona. Nkulumo leyi katsaka ku bula ni vayingiseri leyi sekeriweke eka buku ya Xikolo Xa Vutirheli, matluka 158, ndzimana 5 ku ya eka tluka 159. Kombela vayingiseri va hlamusela swiyimo leswi vanhu va le nsin’wini ya n’wina va karhatekaka ha swona. Kombela vayingiseri va vula swiringanyeto swa ndlela leyi hi nga bulaka na vona ha yona hi swiyimo leswi.
20 min: “Xana Ndyangu Wa Wena Wu Tilunghiselela Ku Pona?”b Loko nkarhi wu pfumela, kombela vayingiseri va hlamusela matsalwa lama kombisiweke.
Vhiki Leri Sungulaka Hi June 23
10 min: Switiviso swa vandlha. Hlaya xiviko xa timali ni marito yo nkhensa minyikelo. Vula nkandziyiso lowu nga ta fambisiwa hi July kutani u endla nkombiso wo wu fambisa.
20 min: Ku Hanyela Xo Xi Tiva Hi Ku Va Phayona Ra Nkarhi Hinkwawo. Nkulumo leyi sekeriweke eka Xihondzo xo Rindza xa January 15, 2008, matluka 17-19. Loko ma ri kona maphayona mambirhi ya nkarhi hinkwawo, vulavurisana na wona, rin’we a ku ve leri ra ha ku sungulaka kasi lerin’wana ku va leri se ri nga ni malembe ri ri entirhweni lowu. Ma kombele ma hlamusela ndlela leyi vutomi bya wona byi veke ni xikongomelo ha yona hikwalaho ka ntirho lowu wa risima.
15 min: Lunghiselela Ku Fambisa Timagazini Leta Ha Ku Humaka. Bulo ni vayingiseri. Endzhaku ko hlamusela Xihondzo xo Rindza xa July 1 ni Xalamuka! ya July hi ku komisa, vutisa vayingiseri leswaku hi swihi swihloko leswi va vonaka leswaku vanhu va ta swi tsakela ensin’wini naswona ha yini va vula tano. Kombela vayingiseri va boxa tinhla to karhi leti va vonaka leswaku va nga ti tirhisa, eka swihloko leswi va lavaka ku swi tirhisa loko va fambisa magazini. Hi xihi xivutiso lexi va nga ta xi tirhisa loko va sungula bulo? Hi rihi tsalwa leri nga exihlokweni leri va nga ta ri hlaya? Endla nkombiso wo fambisa magazini ha wun’we hi ku tirhisa swiringanyeto leswi nga eka Vutirheli Bya Hina Bya Mfumo kumbe leswi vuriweke hi vayingiseri.
Vhiki Leri Sungulaka Hi June 30
10 min: Switiviso swa vandlha. Tsundzuxa vahuweleri hinkwavo leswaku va tisa swiviko swa ntirho wa vona wa June.
20 min: Ndlela Yo Antswisa Vuswikoti Byo Vulavula Ni Van’wana. Nkulumo leyi katsaka ku bula ni vayingiseri leyi sekeriweke eka buku ya Xikolo Xa Vutirheli, ku sukela eka tluka 62, ndzimana 4 ku ya emakumu ka tluka 64. Hlamusela ndlela leyi rungula leri ri tirhaka ha yona ensin’wini ya n’wina. Hi ku komisa, vulavurisana ni muhuweleri loyi a tiviwaka hi ku kota ku sungula bulo ni vini va miti loko a ri eku chumayeleni hi yindlu ni yindlu kumbe loko a chumayela hi xitshuketa.
15 min: Wa Tsundzuka Xana? Bulo ni vayingiseri leri sekeriweke eka Xihondzo xo Rindza xa April 15, 2008, tluka 29.
Vhiki Leri Sungulaka Hi July 7
10 min: Switiviso swa vandlha.
15 min: Swilaveko swa vandlha.
20 min: “Loko N’wini Wa Muti A Vulavula Ririmi Rin’wana.”c Yi fanele yi nyikeriwa hi mulanguteri wa ntirho. Loko mi bula hi ndzimana 2, tivisa vandlha hi mintlawa ya tindzimi to hambana-hambana kumbe mavandlha lama chumayelaka nsimu yin’we ni vandlha ra n’wina. Hlamusela malunghiselelo lama endliweke leswaku ku pfuniwa mintlawa ya tindzimi kumbe mavandlha lama katsekaka leswaku ku va ni ntirhisano entirhweni wo chumayela.
[Tinhlamuselo ta le hansi]
a Xingheniso xa wena xi nga heti minete ivi ku landzela bulo ra swivutiso ni tinhlamulo.
b Xingheniso xa wena xi nga heti minete ivi ku landzela bulo ra swivutiso ni tinhlamulo.
c Xingheniso xa wena xi nga heti minete ivi ku landzela bulo ra swivutiso ni tinhlamulo.