Xiyimiso Xa Nhlangano Wa Ntirho
XIYA: Vutirheli Bya Hina Bya Mfumo byi ta va ni xiyimiso xa Nhlangano wa Ntirho xa vhiki rin’wana ni rin’wana etin’hwetini leti mintsombano yi nga ta khomiwa ha tona. Mavandlha ma nga ha endla ndzulamiso lowu faneleke leswaku ma kuma nkarhi wo ya eNtsombanweni wa Muganga lowu nge “Kongomisiwa Hi Moya Wa Xikwembu!” Loko swi koteka, tirhisani 15 wa timinete eka Nhlangano wa Ntirho wa vhiki leri rhangelaka ra ntsombano leswaku mi pfuxeta switsundzuxo leswi tirhaka endhawini ya ka n’wina leswi kumekaka eka xiengetelo lexi nga eka Vutirheli Bya Hina Bya Mfumo bya August. Eka n’hweti yin’we kumbe timbirhi endzhaku ka ntsombano lowu vandlha ra n’wina ri yeke eka wona, hlelani leswaku ku va ni Nhlangano wa Ntirho lowu vekeriweke etlhelo, lowu mi nga ta tirhisa timinete ta 15 ku ya eka 20 (kumbexana mi tirhisa nkulumo ya swilaveko swa vandlha) leswaku mi pfuxeta tinhla-nkulu ta ntsombano leti vahuweleri va ti kumeke ti pfuna ensin’wini. Mpfuxeto wu fanele wu fambisiwa hi mulanguteri wa ntirho. Kombela vayingiseri leswaku va hlamusela ndlela leyi va nga ta ri tirhisa ha yona rungula rero loko va ri ensin’wini.
Vhiki Leri Sungulaka Hi November 10
10 min: Switiviso swa vandlha. Katsa ni xiviko lexi humaka eka mulanguteri wa nsimu xa ndlela leyi vandlha ri tirhaka ha yona eku hlanganiseni ka nsimu ya rona hi xiphephana lexi nge Xana Wa Swi Lava Ku Kuma Tinhlamulo Ta Swivutiso Swa Nkoka Swinene eVuton’wini? Leswi se ku hundzeke mavhiki vahuweleri va ri karhi va fambisa Xihondzo xo Rindza xa November 1 ni Xalamuka! ya November, va kombele va hlamusela ndlela leyi va ti fambiseke ha yona timagazini leti swin’we ni vuyelo lebyinene lebyi veke kona.
15 min: Hlakulela Rirhandzu Ni Moya Wo Hanana. Nkulumo leyi nga ta nyikeriwa hi nkulu, leyi sekeriweke eka Xihondzo xo Rindza xa November 15, 2008, matluka 6-7.
20 min: “Hi Ni Rungula Ra Risima Leri Hi Faneleke Hi Ri Byela Van’wana.”a Loko mi fika eka ndzima 2, kombela vayingiseri leswaku va hlamusela mintiyiso yo karhi ya le Bibeleni leyi nga va kokela enhlengeletanweni ya Yehovha kumbe leyi va yi tlangelaka swinene ku sukela loko va khuvuriwile.
Vhiki Leri Sungulaka Hi November 17
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.
15 min: Bokisi Ra Swivutiso.b
20 min: “U Nga Va Mudyondzisi!”c Vulavurisana ni muhuweleri kumbe phayona leri eku sunguleni a ri titwa onge a ri nge pfuki ri fambise dyondzo ya Bibele. Yehovha u va pfune njhani hikwalaho ka leswi a va tshembele eka yena? Xana nhlengeletano yi va pfune njhani leswaku va kota ku yi fambisa? Va vuyeriwe njhani hi ku hlanganyela entirhweni wa ku fambisa tidyondzo ta Bibele?
Vhiki Leri Sungulaka Hi November 24
10 min: Switiviso swa vandlha. Hlaya xiviko xa timali ni marito yo nkhensa minyikelo. Vula nkandziyiso lowu nga ta fambisiwa hi December, kutani u endla nkombiso wun’we kumbe yimbirhi ya ndlela leyi wu nga fambisiwaka ha yona.
20 min: Swilaveko swa vandlha.
15 min: Tilunghiselele ku fambisa Xihondzo xo Rindza xa December 1 ni Xalamuka! ya December. Endzhaku ko hlamusela leswi timagazini leti ti vulavulaka ha swona hi ku komisa, vutisa vayingiseri leswaku hi swihi swihloko leswi nga ha khumbaka vanhu va le nsin’wini ya n’wina. Hi swihi swivutiso ni matsalwa lawa va nga ta ma tirhisa loko va fambisa timagazini leti? Endla nkombiso wa ndlela leyi swingheniso leswi nga eka Vutirheli Bya Hina Bya Mfumo swi nga tirhisiwaka ha yona. Kombela nkulu un’we leswaku a endla nkombiso wa xingheniso xo koma lexi a nga xi lunghiselela, lexi sekeriweke eka xihloko lexi a ehleketaka leswaku xi ta khumba vanhu va le nsin’wini ya n’wina.
Vhiki Leri Sungulaka Hi December 1
10 min: Switiviso swa vandlha. Tsundzuxa vahuweleri leswaku va tisa swiviko swa ntirho wa vona wa nsimu wa November.
15 min: Mintokoto ya kwala vandlheni. Tivisa vandlha leswaku se ku hlanganisiwe nsimu yo tanihi kwihi hi xiphephana lexi nge Xana Wa Swi Lava Ku Kuma Tinhlamulo Ta Swivutiso Swa Nkoka Swinene eVuton’wini? Kombela vayingiseri leswaku va hlamusela mintokoto leyi va nga va na yona loko va ri karhi va hangalasa xiphephana lexi, kumbe loko va xi tirhisa ku sungula tidyondzo ta Bibele. Tlhela u hlamusela mintokoto leyi mi nga va na yona loko mi ri karhi mi fambisa buku leyi nge Leswi Bibele Yi Swi Dyondzisaka hi November. Ku nga ha endliwa minkombiso yimbirhi kumbe wun’we wa leswi nga endleka.
20 min: “Pfuna Vahuweleri Lavantshwa Leswaku Va Tiyiselela Nkaneto.”d Loko mi fika eka ndzima 2, kambisisani rungula leri nga ebukwini leyi nge Ku Hlamulana ehansi ka xihlokwana lexi nge “Timbhoni ta Yehovha” mi vona ndlela leyi ri nga swi pfunaka ha yona swichudeni swa Bibele leswaku swi hlamula swivutiso leswi maxaka ni vanghana va swona va swi vutisaka swona.
[Tinhlamuselo ta le hansi]
a Xingheniso xa wena xi nga heti minete ivi ku landzela bulo ra swivutiso ni tinhlamulo.
b Xingheniso xa wena xi nga heti minete ivi ku landzela bulo ra swivutiso ni tinhlamulo.
c Xingheniso xa wena xi nga heti minete ivi ku landzela bulo ra swivutiso ni tinhlamulo.
d Xingheniso xa wena xi nga heti minete ivi ku landzela bulo ra swivutiso ni tinhlamulo.