Leswi Hi Nga Swi Vulaka Loko Hi Fambisa Timagazini

Xihondzo xo Rindza December 1

“Xana u nga pfumelelana na mina leswaku vatswari lava nga voxe va tikeriwa ku tlula lava tekiweke? [Yimela nhlamulo.] Bibele yi hi khutaza leswaku hi va anakanyela. [Hlaya Pisalema 41:1.] Xihloko lexi sungulaka eka tluka 22 xi hlamusela ndlela leyi hi nga va anakanyelaka ha yona.”

Xalamuka! December

“Vo tala va tivutisa va ku, ‘Loko Xikwembu xi ri kona, ha yini xi nga herisi Diyavulosi?’ Xana na wena u tshame u tivutisa xivutiso lexi? [Yimela nhlamulo.] Xihloko lexi nga eka matluka 10 na 11 xi hlamula xivutiso lexi hi ku tirhisa Bibele. Xi tlhela xi hi byela leswi misava yi nga ta va yi ri xiswona loko Diyavulosi se a lovisiwile.” Hlaya Nhlavutelo 21:3, 4.

Xihondzo xo Rindza January 1

“Vanhu vo tala va vula leswaku ntanga wa Edeni i ntsheketo. Xana swi nga ku hlamarisa ku tiva leswaku Yesu u vulavule hi Adamu na Evha tanihi vanhu va xiviri? [Yimela nhlamulo kutani u hlaya Matewu 19:4-6.] Magazini lowu wu nyikela tinhlamulo ta swivutiso leswi tolovelekeke malunghana ni ntanga wa Edeni.”

Xalamuka! January

N’wi kombe xifunengeto kutani u ku, “U nga xi hlamula njhani xivutiso lexi? [Yimela nhlamulo.] Matsalwa ma khutaza vanhu leswaku va va ni ku rhula. [Hlaya Yakobo 3:17.] Kutani, ha yini vukhongeri byi nga swi koti ku endla leswaku vanhu va va ni vun’we? Xana byi ta swi kota ku endla leswaku ku va ni vun’we? Magazini lowu wu nyikela tinhlamulo ta swivutiso sweswo.”