Ku Antswisiwa Ka Minhlangano Ya Le Xikarhi Ka Vhiki

Ku sukela hi vhiki ra September 3, nkarhi wa Dyondzo ya Bibele ya Vandlha wu ta engeteriwa ku suka eka 25 ku ya eka 30 wa timinete. Mufambisi wa dyondzo u ta endla xingheniso xa minete yin’we leswaku a pfuxeta dyondzo leyi nga hundza. Nakambe nkarhi wa Nhlangano wa Ntirho wu ta hungutiwa ku suka eka 35 ku ya eka 30 wa timinete. Xiyenge xa switiviso a xi nge he vi kona. Ku ri na sweswo, switiviso swi ta tivisiwa eka xiyenge xo sungula xa nhlangano wa ntirho. Hakanyingi a swi talanga leswaku ku va ni switiviso swo tala naswona a swi bohi ku tivisa vandlha hi tinkulumo ta minhlangano. Switiviso swa nsimu ni xiyimiso xo basisa ku katsa ni marungula a swi fanelanga swi endliwa. (km 10/08 tl. 1, ndzim. 4) Loko ku ri ni xitiviso xo leha lexi faneleke xi tivisiwa, swi ta va swinene leswaku lava nga ni swiavelo va swi tiva ka ha ri ni nkarhi leswaku va kota ku komisa tinkulumo ta vona.