Ha Yini Hi Nga Fanelanga Hi Dya Nkarhi?

Loko hi hlangana leswaku hi ya ensin’wini, hi va hi ri ni vamakwerhu naswona swi tolovelekile ku titwa hi lava ku bula na vona. Hambiswiritano, loko nhlangano wa ntirho wa nsimu wu hela, hi fanele hi ringeta ku namba hi famba hi ya ensin’wini. Ntirho wa hina wo chumayela i wa xihatla. (2 Tim. 4:2) Loko ho yima nkarhi wo leha hi ta va ni nkarhi wutsongo wo ya chumayela ensin’wini. Hi ta va ni nkarhi wo tala wo tiphina hi xinakulobye lexi akaka ni vamakwerhu loko hi ri karhi hi tirha na vona ensin’wini. Loko hi hatla hi famba handle ko dya nkarhi, hi ta va hi kombisa leswaku ha hiseka loko hi ri karhi hi tirhela Yehovha ni N’wana wakwe.—Rhom. 12:11.