Rhamba Un’wana Ni Un’wana eNsin’wini Ya N’wina Leswaku A Va Kona eXitsundzuxweni!

Hi nkarhi wa tsima leri nga ta sungula hi February 27, hi ta rhamba vanhu vo tala hilaha swi nga kotekaka hakona ensin’wini ya hina leswaku va ta va na hina eXitsundzuxweni xa rifu ra Kreste. Hi fanele hi xiyisisa vanhu hinkwavo lava tsakelaka leswaku hi ta kota ku va endzela.

LESWI HI FANELEKE HI SWI ENDLA

VULA XINGHENISO XA WENA

“Hi fambisa xirhambo lexi, xa xiendlakalo xa nkoka swinene. Hi March 23, vanhu va timiliyoni emisaveni hinkwayo va ta hlangana leswaku va ta tsundzuka rifu ra Yesu Kreste ni ku twa bulo leri sekeriweke eBibeleni ra mahala leri nga ta hlamusela ndlela leyi rifu rero ri hi vuyerisaka ha yona. Xirhambo lexi xi kombisa nkarhi ni ndhawu leyi xitsundzuxo xi nga ta khomeriwa eka yona endhawini ya ka n’wina. Hi kombela leswaku u va kona loko u ta swi kota.”

Loko munhu a kombisa ku tsakela . . . 

• FAMBISA XIHONDZO XO RINDZA

  Pfula ndlela yo endla riendzo ro vuyela.

• N’WI KOMBE VHIDIYO YA XITSUNDZUXO

  Pfula ndlela yo endla riendzo ro vuyela.

Loko u tlhelela, u nga ha . . . 

• N’WI KOMBE VHIDIYO LEYI NGE HA YINI U FANELE U DYONDZA BIBELE?

  Kutani n’wi nyike nkandziyiso lowu tirhisiwaka ku dyondza Bibele.

• FAMBISA BUKU LEYI NGE XANA BIBELE YI DYONDZISA YINI HAKUNENE?

  N’wi hlamusele swo tala hi Xitsundzuxo, u tirhisa matluka 206-208. Kutani u n’wi nyika buku.

• FAMBISA BROXARA LEYI NGE YINGISA XIKWEMBU

  Hlamusela leswi rifu ra Kreste ri vulaka swona, u tirhisa matluka 18-19. Kutani u n’wi nyika broxara.