Loko Hi Kuma N’wana eMutini

Loko hi kuma n’wana emutini, hi fanele hi kombela ku vulavula ni vatswari vakwe. Leswi swi kombisa leswaku hi xixima vunhloko bya vona. (Swiv 6:20) Loko n’wana a vula leswaku hi nghena endlwini, hi fanele hi ala. Loko vatswari vakwe va nga ri kona, hi fanele hi tlhela hi vuya hi nkarhi wun’wana.

Loko n’wana wa kona a kurile, kumbexana a ri muntshwa i swinene leswaku hi kombela vatswari vakwe. Loko va nga ri kona, hi nga n’wi vutisa loko vatswari vakwe va n’wi pfumelela ku hlawula nchumu lowu a faneleke a wu hlaya. Loko ku ri hileswaku va n’wi pfumelela leswaku a ti hlawulela, hi nga n’wi fambisela nkandziyiso kumbe hi n’wi komba website ya jw.org.

Loko hi endla riendzo ro vuyela eka muntshwa loyi a kombiseke ku tsakela, hi fanele hi kombela ku vulavula ni vatswari va yena. Leswi swi ta endla leswaku hi hlamusela xikongomelo xa riendzo ra hina ni ku tlhela hi va komba ndzayo leyi tshembekaka leyi kumekaka eBibeleni leyi endleriweke mindyangu. (Ps 119:86, 138) Loko hi xixima ni ku tlhela hi anakanyela vatswari hi ta nyikela vumbhoni lebyinene naswona swi nga endla leswaku hi chumayela mahungu lamanene eka ndyangu hinkwawo.​—1Pe 2:12.