Xana Xichavo Endyangwini Xi Helele Kwihi?

HIKWALAHOKAYINI XICHAVO ENDYANGWINI XI RI XA NKOKA

• Buku leyi nge The Seven Principles for Making Marriage Work yi ri loko vatekani va xiximana, va kombisana rirhandzu “ku nga ri hi tindlela letikulu ntsena kambe hi swilo switsongo leswi va endlelanaka swona siku ni siku.”

• Ndzavisiso wu kombisa leswaku vana lava dyondzaka ku xixima van’wana va titshemba, va tiphina hi vuxaka lebyinene ni vatswari va vona naswona a va na ntshikilelo kumbe swiphiqo swa miehleketo.

LESWI U NGA SWI ENDLAKA

Vulavulani kutani mi pulana tanihi ndyangu. Xo sungula, tiyisekani leswaku hinkwenu ma swi twisisa leswaku ku kombisa “xichavo” swi vula yini. Xa vumbirhi, yi tsaleni ehansi ndlela leyi mi nga kombisaka xichavo hayona ni leswi mi faneleke mi swi papalata leswi nga kombisiki xichavo. Xa vunharhu, bulani hileswi mi swi pulaneke leswaku hinkwenu mi ta tiva leswi mi faneleke mi swi endla ku kombisa xichavo.

Vana wo rhanga ku xixima van’wana. Xana u xopaxopa swihoxo swa ndyangu wa wena, u hlekula mavonelo ya vona, u va bisa hi moya kumbe u va nghena enon’wini loko va vulavula na wena?

Ringeta Leswi: Teka xichavo ku ri nchumu lowu u wu kolotaka munghana wa wena wa vukati ni vana va wena, hambiloko u vona swi nga va faneli ku kombiwa xichavo.

Kombisa xichavo hambiloko mi nga voni swilo hi tihlo rin’we. Loko u tiphofula, papalata ku tirhisa marito lama nge “u tshamela ku” kumbe “a wu se tshama u.” Marito yolawo lama tlhavaka ma nga twisa xirho xa ndyangu ku vava naswona ma nga nyanyisa xiyimo.

LESWI TIMBHONI TA YEHOVHA TI SWI ENDLAKA

Timbhoni Ta Yehovha ti khutaza swirho swa ndyangu ku kombana xichavo, nakambe ku ni tinhlokomhaka, tibuku, tibroxara na tivhidiyo leti humesiwaka leti vulavulaka hi ku kombisa xichavo naswona ti kumeka mahala.

VATEKANI: Nhlokomhaka leyi nge Leswi Nga Pfunaka Ndyangu leyi kumekaka eka tinhlokomhaka leti engetelekeke yi nga pfuna vatekani leswaku va . . .

• va vayingiseri lavanene

• herisa ku miyelelana

• tshika ku holova

(Secha “Leswi Nga Pfunaka Ndyangu” eka jw.org)

VATSWARI: Nhlokomhaka leyi nge Leswi Nga Pfunaka Ndyangu leyi kumekaka eka tinhlokomhaka leti engetelekeke yi nga mi pfuna ku letela vana va n’wina leswaku va . . .

• yingisela

• pfuna hi mitirho ya le kaya

• kombela ni ku khensa

(Secha “Ku Kurisa Vana’’ na “Ku Kurisa Vantshwa’’ eka jw.org)

Vona xiengetelo lexi nge, “Swivutiso Leswi Vatswari Va Swi Vutisaka,” lexi nga eka buku leyi nge Vantshwa Va Vutisa—Tinhlamulo Leti Tirhaka, Vholumo 1. (Secha “Swivutiso Leswi Vatswari Va Swi Vutisaka’’ eka jw.org)

VANTSHWA: Xiyenge xa Vantshwa lexi nga eka jw.org xi ni tinhlokomhaka, tivhidiyo ni switoloveto leswi nga mi pfunaka leswaku mi . . .

• hanyisana ni vatswari ni vamakwavo

• vulavurisana ni vatswari hi xichavo hi milawu leyi mi vekeriweke yona

• tshembiwa hi vatswari van’wina

(Secha “Vantshwa’’ eka jw.org)

Website ya jw.org i mahala. A ku humesiwi mali naswona a swi lavi u va membara ya website leyi kumbe u boxa vuxokoxoko bya wena.