Tsundzuka Ku Khongelela Vakreste Lava Xanisiwaka

Bibele yi profete leswaku Sathana u ta hi xanisa hi xikongomelo xo sivela ntirho wa hina wo chumayela. (Yh 15:20; Nhl 12:17) Xana hi nga va pfuna njhani Vakrestekulobye lava xanisiwaka ematikweni man’wana? Hi nga va khongelela. “Xikombelo xa munhu la lulameke, loko xi endliwa, xi ni matimba lamakulu.”—Yk 5:16.

Hi nga khongelela yini? Hi nga kombela leswaku Yehovha a nyika vamakwerhu xivindzi naswona a va pfuna leswaku va nga chavi. (Esa 41:10-13) Hi nga tlhela hi khongelela leswaku valawuri va nga wu siveli ntirho wa hina wo chumayela, “leswaku hi ta ya emahlweni hi hanya vutomi byo rhula ni byo hola.”—1Tm 2:1, 2.

Loko Pawulo na Petro va xanisiwa, Vakreste va le nkarhini wa vona loko va khongela a va boxa ni mavito ya vona. (Min 12:5; Rhm 15:30, 31) Hambiloko hi nga ma tivi mavito ya vanhu hinkwavo lava xanisiwaka namuntlha, xana loko hi khongela hi nga boxa vandlha, tiko kumbe xifundzha lexi va nga eka xona?

Tsala matiko lawa eka wona ku nga ni Vakreste lava xanisiwaka lava u nga lavaka ku va khongelela: