MAHANYELO YA VAKRESTE
Papalata Makhombo Lama Nga Eka—Tiwebsite To Endla Vanghana Eka Tona
LEXI ENDLAKA SWI VA SWA NKOKA: Ku fana ni switirhisiwa swin’wana, tiwebsite to endla vanghana eka tona ta pfuna hi hala tlhelo ti ni khombo. Vakreste van’wana va hlawule ku ka va nga ti tirhisi. Kasi Vakreste van’wana va ti tirhisa hi xikongomelo xo burisana ni maxaka ni vanghana va vona. Kambe Diyavulosi u lava leswaku hi tirhisa tiwebsite leti hi ndlela leyi nga riki ya vutlhari, sweswo swi nga ha onha ndhuma ya hina swin’we ni vuxaka bya hina na Yehovha. Ku fana na Yesu, hi nga kota ku xiya makhombo lawa hi tlhela hi ma papalata loko hi tirhisa misinya ya milawu leyi kumekaka eRitweni ra Xikwembu.—Lk 4:4, 8, 12.
MAKHOMBO LAWA HI FANELEKE HI MA PAPALATA:
Ku heta nkarhi wo tala. Ku heta nkarhi wo tala eka tiwebsite to endla vanghana, swi nga hi dyela nkarhi lowu a hi fanele hi wu tirhisela ku gandzela Yehovha
Misinya ya milawu ya Bibele: Ef 5:15, 16; Flp 1:10
Ku vona swilo leswi thyakeke. Ku languta swifaniso leswi thyakeke, swi nga endla leswaku u godzomberiwa hi ku hlalela swifaniso leswi pfuxaka ku navela ka timhaka ta masangu. Ku hlaya swilo leswi tsariweke hi vagwinehi swi nga tsanisa ripfumelo ra wena
Ku tsala kumbe ku vekela swifaniso leswi nga basangiki. Tanihi leswi mbilu yi kanganyisaka, munhu a nga ha ringeka ku tsala kumbe ku vekela swifaniso leswi nga basangiki eka tiwebsite leti. Kambe leswi swi nga ha onha ndhuma ya hina swin’we ni vuxaka bya hina na Yehovha
Misinya ya milawu ya Bibele: Rhm 14:13; Ef 4:29
HLALELANI VHIDIYO LEYI NGE, TI TIRHISE HI VUTLHARI TIWEBSITE TO ENDLA VANGHANA EKA TONA, KUTANI MI BULA HI NDLELA LEYI MI NGA SWI PAPALATAKA HA YONA SWIYIMO LESWI LANDZELAKA: