I Vamani Vanghana Va Wena Va Le Ka Inthanete?

Munghana i munhu “loyi a namarhelanaka ni un’wana hi rirhandzu ni ku xiximana.” Hi xikombiso, Yonathani na Davhida va sungule ku va bandhi na buruku endzhaku ka loko Davhida a dlaye Goliyadi. (1Sa 18:1) A va ri ni vumunhu lebyi a byi endla leswaku va lava ku va vanghana. Hikwalaho, leswaku hi va ni vunghana lebyi tiyeke ni munhu un’wana hi fanele hi n’wi tiva kahle. Ku n’wi tiva kahle munhu wo karhi swi lava nkarhi ni matshalatshala. Hambiswiritano, vanhu eka ti-social nework va nga swi kota ku va “vanghana” hi ku tlhava batheni ntsena. Leswi vanhu eka inthanete va kotaka ku pulana leswi va lavaka ku swi vula ni ku lawula ndlela leyi van’wana va va langutaka hayona, swa olova leswaku va tumbeta leswi va nga swona. Hiyonamhaka i swinene ku ehleketisisa kahle hi vanhu lava u va amukelaka leswaku va va vanghana va wena. U nga chavi ku ala ku amukela munhu loyi a kombelaka ku va munghana wa wena loko u nga n’wi tivi, hi ku chava leswaku u ta n’wi twisa ku vava. Van’wana va hlawule ku nga ti tirhisi ti-social network hi ku helela, hileswi va chavaka makhombo lama vaka kona. Hambiswiritano, loko u hlawula ku tirhisa ti-social network, i yini leswi u faneleke u ehleketa ha swona?

HLALELANI VHIDIYO LEYI NGE, TI TIRHISE HI VUTLHARI TIWEBSITE TO ENDLA VANGHANA EKA TONA KUTANI MI HLAMULA SWIVUTISO LESWI LANDZELAKA:

• 

  I yini leswi u faneleke u ehleketisisa ha swona u nga si tsala rungula kumbe u nga se hoxa swifaniso?

• 

  Hikwalahokayini u fanele u va ni vuxiyaxiya loko u hlawula vanghana eka inthanete?

• 

  Hikwalahokayini u fanele u ringanisela eka nkarhi lowu u wu hetaka eka ti-social network?—Ef 5:15, 16