Hambetani Mi Rindza Hi Ku Tiyisela

Se u ni nkarhi wo tanihi kwihi u rindzele Mfumo wa Xikwembu? Xana u boheka ku rindza u ri karhi u tiyisela maxangu? (Rhm 8:25) Vakreste van’wana va vengiwa, va khomiwa hi ndlela ya tihanyi, va khotsiwa hambi ku ri ku xungetiwa hi rifu. Van’wana va karhatiwa hi mavabyi lama nga tshungulekiki kumbe hi switlhavi leswi vangiwaka hi ku dyuhala.

I yini lexi nga hi pfunaka leswaku hi kota ku tiyisela ku nga khathariseki miringo leyi hi hlangavetanaka na yona? Hi fanele hi hlaya Bibele hi tlhela hi anakanyisisa hi leswi hi swi hlayaka siku ni siku. A hi fanelanga hi rivala ntshembo wa hina. (2Ko 4:16-18; Hv 12:2) Hi fanele hi khongela eka Yehovha hi kombela matimba nileswaku a hi tiyisa hi moya wakwe lowo kwetsima. (Lk 11:10, 13; Hv 5:7) Tata wa hina loyi a hi rhandzaka u ta hi pfuna leswaku hi kota ku “tiyisela hi ku helela ni ku va ni mbilu yo leha hi ntsako.”—Kl 1:11.

HLALELANI VHIDIYO LEYI NGE HI FANELE HI ‘TSUTSUMA HI KU TIYISELA’—TIYISEKA LESWAKU U TA YI KUMA HAKELO, KUTANI MI HLAMULA SWIVUTISO LESWI LANDZELAKA:

• 

  Hi xihi “xiendlakalo lexi nga languteriwangiki” lexi hi nga ha langutanaka na xona? (Ekl 9:11)

• 

  Xikhongelo xi hi pfuna njhani loko hi langutane ni miringo?

• 

  Loko hi nga ha swi koti ku tirhela Yehovha hilaha a hi endla hakona khale, hikwalaho ka yini hi nga fanelanga hi hela matimba?

• 

  I yini lexi ku endlaka u tiyiseka leswaku u ta yi kuma hakelo?