Ndlela Leyi Ntirho Wa Hina Wo Phalala Wu Va Vuyeriseke Ha Yona Vakreste Va Le Kharibiya

Ku fana ni Vakreste va le mikarhini ya vaapostola, na hina namuntlha hi ni vutihlamuleri byo kombisa rirhandzu eka Vakrestekulorhi lava weriweke hi timhangu. (Yh 13:34, 35) Hlalelani vhidiyo leyi nge Rirhandzu—Ntirho Wo Phalala eSwihlaleni mi vona ndlela leyi Vakreste va anguleke ha yona eku pfuneni ka Vakrestekulobye lava tshamaka eKharibiya, endzhaku mi hlamula swivutiso leswi landzelaka:

• Xana vamakwerhu va le Kharibiya xi va khumbe njhani Xidzedze lexi vuriwaka Irma ni lexi vuriwaka Maria?

• Yehovha u va pfune njhani vamakwerhu va le Kharibiya hi ku tirhisa Vakrestekulobye?

• Vamakwerhu lava hlaseriweke hi xidzedze va titwe njhani loko va vona rirhandzu lerikulu leri Vakrestekulobye va va kombeke rona?

• I vangani vamakwerhu lava hoxeke xandla eku phalaleni eKharibiya?

• Hinkwerhu hi nga hoxa xandla hi ndlela yihi eka ntirho wo phalala?

• Vhidiyo leyi yi ku endla u titwa njhani hileswi u nga xirho xa nhlengeletano leyi, leyi nga ni rirhandzu?