U Nga Dyondza Yini Eka Vakreste Lava Nga Ni Ntokoto?

Emavandlheni ya hina ku ni vamakwerhu lava va nga ni malembe yo tala va tirhela Yehovha. Hi nga dyondza swo tala eka ndlela leyi va titshegeke hi Yehovha ha yona. Hi nga va vutisa hi matimu ya nhlangano wa Yehovha ni mintlhontlho leyi va veke na yona ni ndlela leyi va yi hluleke ha yona hi ku pfuniwa hi Yehovha. Hi nga rhamba makwerhu la kuleke eka Dyondzo Ya Ndyangu leswaku a ta hi chumbutela swo tala hi mintokoto ya yena.

Loko u ri ni malembe yo tala u ri karhi u tirhela Yehovha, chumbutela lava ha riki vantshwa entiyisweni hi ndlela leyi Yehovha a ku pfuneke ha yona. Yakobe na Yosefa va bule ni vatukulu va vona hileswi Yehovha a va endleleke swona. (Gn 48:21, 22; 50:24, 25) Yehovha u tlhele a lerisa tinhloko ta mindyangu leswaku ti dyondzisa vana hi mitirho yo hlamarisa leyi a yi endleke. (Dt 4:9, 10; Ps 78:4-7) Vatswari swin’we ni vamakwerhu evandlheni va nga byela vantshwa hi mitirho leyinene leyi va voneke Yehovha a yi endla hi ku tirhisa nhlangano wakwe.

HLALELANI VHIDIYO LEYI NGE, KU KONDLETELA VUN’WE LOKO NTIRHO WU YIRISIWILE, KUTANI MI HLAMULA SWIVUTISO LESWI LANDZELAKA:

• Rhavi ra le Austria ri va pfune njhani vamakwerhu va le matikweni man’wana laha ntirho wa hina wu yirisiweke?

• Vamakwerhu ematikweni lawa ntirho wa hina wu yirisiweke, va swi kotise ku yini ku tiyisa ripfumelo ra vona?

• Hikwalaho ka yini vamakwerhu va le Romania va ti hambanise ni nhlangano wa Yehovha naswona va vuyele njhani?

• Mintokoto leyi yi ri tiyisa njhani ripfumelo ra wena?