Vantshwa Xana Yehovha I Munghana Wa N’wina Lonkulu?

Hi byihi vumunhu lebyi u tsakelaka leswaku munghana wa wena a va na byona? Handle ko kanakana u tsakela leswaku a tshembeka, a va ni musa naswona a va ni malwandla. Yehovha u tano. (Eks 34:6; Mint 14:17) Wa ku twa loko u khongela eka yena. U tshama a lunghekele ku ku pfuna. (Ps 18:19, 35) U ku rivalela swidyoho swa wena. (1Yh 1:9) Hakunene Yehovha i munghana wa hina lonene!

U nga endla yini leswaku u va munghana wa Yehovha? Dyondza ha yena hi ku hlaya Bibele leswaku u n’wi tiva ku antswa. Tiphofule eka yena. (Ps 62:8; 142:2) Rhandza swilo leswi Yehovha a swi rhandzaka swo tanihi N’wana wakwe, Mfumo wakwe ni swilo leswi a swi tshembisaka swa nkarhi lowu taka. Byela van’wana ha yena. (Dt 32:3) Loko u tikarhatela ku va ni vuxaka na yena, Yehovha u ta va Munghana wa wena hilaha ku nga heriki.—Ps 73:25, 26, 28.

HLALELANI VHIDIYO LEYI NGE, VANTSHWA—“NANTSWANI MI VONA LESWAKU YEHOVHA HI LONENE” KUTANI MI HLAMULA SWIVUTISO LESWI LANDZELAKA:

• 

  I yini leswi u nga swi endlaka leswaku u tinyiketela ni ku khuvuriwa?

• 

  Vamakwerhu evandlheni va nga ku pfuna njhani leswaku u tirhela Yehovha?

• 

  Ku ya ensin’wini swi byi tiyisa njhani vuxaka bya wena na Yehovha?

• 

  Hi yihi mitirho leyi u nga yi endlaka enhlangan’weni wa Yehovha?

• Hi swihi swilo leswi u swi rhandzaka hi Yehovha?