Yana eMahlweni U Tshemba Matimba Ya Yehovha Yo Ponisa

Hlaya Tinhlayo 13:25–14:4 leswaku u vona ndlela leyi Vaisrayele a va nga n’wi tshembi Yehovha hayona.

Kambisisa mongo. Hikwalahokayini Vaisrayele a va fanele va tshemba vuswikoti bya Yehovha byo va ponisa loko va huma eEgipta? (Ps. 78:​12-16, 43-53) Xana i yini leswi endleke leswaku Vaisrayele va nga ha n’wi tshembi Yehovha? (Det. 1:​26-28) Xana Yoxuwa na Kalebe va swi kombise njhani leswaku va n’wi tshemba Yehovha?—Tinhl. 14:​6-9.

Endla ndzavisiso. Vaisrayele a va fanele va endle yini leswaku va ya va tshemba Yehovha? (Ps. 9:10; 22:4; 78:11) Xana ku tshemba Yehovha ni ku n’wi xixima swi fambisana njhani?—Tinhl. 14:11.

Kuma tidyondzo leti u nga ti dyondzaka. Tivutise:

• ‘I swiyimo swihi leswi nga ringaka ndlela leyi ndzi tshembaka Yehovha hayona?’

• ‘Ndzi nga endla yini leswaku ndzi ya ndzi tshemba Yehovha swinene sweswi ni le nkarhini lowu taka?’

• ‘Ndzi nga tiyiseka hi yini loko nhlomulo lowukulu wu sungula?’—Luka 21:​25-28.